रोमी 2:27 - डोटेली नयाँ करार

²⁷ रे सरीरमि खतना नहोइबर लगइ कानुन पालना अद्द्याले तमनलाइ दोषि बनाउन्या हो। क्याकि तमनसित मोशाको कानुन छ रे तमरो खतना लगइ भया छ, तर तमन कानुनको पालना अददानु।

रोमी 2:27 ပူးပေါင်းရင်းမြစ်များ

मत्ती 3:15

येशूले यूहन्नालाइ भण्यो, अइल इसोइ हुन दिय। क्याकि यिसेरी हामले सब धर्मकर्म पुरा अद्दु पणन्छ। तब यूहन्ना राजि भया।

प्रेरित 13:22

रे परमेश्वरले शाउललाइ हटाया पछा तिनरा ठाउँमि दाउदलाइ राजा बनायो। दाउदका बारेमि परमेश्वरले यिसेरी भण्यो, ‘मइले यिशैको चेलो दाउदलाइ भेटन्ज्या मइले मन पण्याको मान्स पाया छु, जइले मेरा सब इच्छा पुरा अद्द्या हो।’”

रोमी 13:10

प्रेमले पडउसीको खराबी अद्दइन। जइले प्रेम अरन्छ, तइले कानुन पुरा अरन्छ।

रोमी 2:15

तिननले धेकाउनाहान कि परमेश्वरले दिया मोशाको कानुन तिननले ह्रदयमी लेख्या छ क्याकि तिनरो आफना बिबेकले धेकाउछ कि यो सत्य हो, क्याकि तिनरो बिचारले कित दोस लाउनाहान कित सहि अर्या भण्ना हान।

रोमी 2:20

रे मुर्खलाइ सुधारन्छइ, परिपक्व नभयालाइ सिकाउछइ, क्याकि तुलाइ पक्‍का था छ कि परमेश्वरको कानुनले तुलाइ पुरा ज्ञान रे सत्यता दिन्छ।

रोमी 2:25

म यो भणनउ, तुइले कानुन पालना अरेले मान्तर तेरो खतना भया मुल्य हुन्छ। तर यदि तुइले कानुन पालना अरेइनि भण्या, तु खतना भया यहुदि मान्सन भया लगइ खतना नभया गैर-यहुदि मान्स जसोइ हइ।

रोमी 2:26

यइको अर्थ यो हो कि परमेश्वरले पक्‍कालगइ गैर-यहुदि मान्सनको वास्ता अददाहान। यदि तिननले उनरा कानुनमी भया आज्ञापालन अददाहान भण्या, खतना नभया गैर-यहुदि मान्सन लगइ उनरा मान्सन हुन सक्दाहान

रोमी 2:29

साँचो यहुदि त्यो हो, जइको हृदय परमेश्वरसित ठीक छ। मोशाको कानुन माण्नु मान्तर साँचो खतना होइन बरु साँचो खतना भण्या परमेश्वरको आत्मा बठेइ हृदय बदेल्लु हो। यिसा मान्सनले मान्सन बठेइ होइन तर परमेश्वर बठेइ प्रसंसा पाउनाहान।

रोमी 3:30

क्याकि परमेश्वर एकइ छन। उनले खतना भयालाइ तिनरा बिश्वासको आधारमी रे खतना नभयालाइ लगइ तिनरो बिश्वास बठेइ आफसित धर्मि बनाउनाहान।

रोमी 8:4

उनले इसो अर्यो ताकि हाम कानुनले भण्या अनसार अद्द सकु। आब हाम पापी स्वभाव अन्सार होइन, तर पबित्र आत्मा अन्सार जिउनाउ।

१ कोरिन्थी 7:19

कसइ मान्सको खतना भया लगइ नभया लगइ यइले केइ फरक पड्डइन तर परमेश्वरको आज्ञापालन अददु मुख्य कुरणी हो।

२ कोरिन्थी 3:6

नयाँ करारका सेवकन हुनाइ उनले हामलाइ खुबी दियो, यो पबित्र आत्माको करार हो, कानुनले जोड्या करार होइन। क्याकि लिखित मोशाको कानुन नमाणनु परिणाम मृत्यु हो, तर पबित्र आत्माले अनन्त जीवन दिनाहान।

गलाती 5:14

क्याकि सब कानुन एकइ आज्ञामी छ, “तुइले आफ्नो छिमेकिलाइ आफलाइ जसेरि प्रेम अर।”

एफिसी 2:11

तबइकिलाइ याद अर कि तमन जन्मइ बठेइ गैर-यहुदि मान्सन हौ, रे यहुदि मान्सनले तमरो खिल्लि उडायो, क्याकि तमन खतना अददानु तर तिननले खतना अददाहान। तर तिनरो यो चलन तिनरा सरीरमि मान्तर अर्या हुन्छ।

२ तिमोथी 3:15

बाल्यकाल बठेइ तुलाइ पबित्र सास्त्र पुरा था छ जइले तुलाइ यो बुज्जाइ सहयोग अरन्छ कि परमेश्वरले तुलाइ बचाउन छ क्याकि तुइले येशू ख्रीष्टमी बिश्वास अर्या छइ।

हिब्रु 11:3

बिश्वास बठेइ हाम बुज्जाउ कि संसार परमेश्वरको बचन बठेइ बन्यो, हामले धेक्द सक्द्या थोक बनाउनाइ परमेश्वरले नधेकिन्या कुरणी प्रयोग अर्यो।