रोमी 16:2 - डोटेली नयाँ करार

² परमेश्वरका मान्सनले एक अर्खालाइ स्वागत अर्या जसेरि तमनले तिनलाइ प्रभुमि स्वागत अर रे तिनलाइ तमन बठेइ चाइय्या सहयोग अर, क्याकि तिन आफइले भौत मान्सनलाइ रे मलाइ लगइ सहयोग अरेइ छन।

रोमी 16:2 ပူးပေါင်းရင်းမြစ်များ

मत्ती 25:40

रे म, राजाले तिननलाइ जबाफ दिबर तिननलाइ भण्न्या हु, “साँच्चि म तमलाइ भणउ, तमनले इन सब मेरा शिष्या मध्ये सब भण्ना नानालाइ जी जति अर्या त्यो तमले मलाइ अर्या जसो हो।”

प्रेरित 9:13

हननियाले भण्यो, “प्रभु, यइ मान्सले यरुशलेम सहरमि भया तमरा शिष्यालाइ बड्ताइ खराब अरिराइछ, त्यो मइले भौत जाना बठेइ सुणिराइछु।

प्रेरित 9:15

तर प्रभुले तिनलाइ भण्यो, “जा, क्याकि गैर-यहुदि, राजा रे इस्राएल देशका मान्सनका अगाडी मेरा बारेमि प्रचार अद्दाइ मइले शाउललाइ छान्या हु।

प्रेरित 9:36

योप्पा गाउँमी तबिता, अथवा डोरकास भणनेइ एक शिष्य थिन जइको अर्थ हरिणि हो। प्रभु येशूमि बिश्वास अद्देइ एक स्वानी थिइ। त्यो निका काम अद्द रे गरिबलाइ सायता दिनाइमि लागिरन्थि।

प्रेरित 9:39

तब पत्रुस उठीबर तिननसित गया। ताँ पुग्या पछा तिननले तिनलाइ घरको मल्ला कोठामी लैय्या। बिधवान सब तइका नजिकै कल्लिबर रुन पसिन, रे तिन जिउना हुनज्या डोरकासले बनाया पोसाक रे और लत्ता धेकायो।

प्रेरित 9:41

पत्रुसले तइलाइ आफना हातले समाइबर जुडुक्क उठायो, पइ प्रभु येशूका मान्सन रे बिधवानलाइ बोलाइबर तइलाइ मर्या बठेइ जिउनी बनाया धेकायो।

रोमी 15:7

तबइकिलाइ ख्रीष्टले तमनलाइ स्वीकार अर्या जसेइ एक-अर्खालाइ स्वीकार अर, तमनले यिसो अर ताकि मान्सनले परमेश्वरको महिमाको अद्द सक्द्या हुन।

रोमी 16:15

फिलोलोगस भाइ, रे युलिया बइनि, नेरियस भाइ रे तइकि बइनि, रे ओलिम्पास भाइ, रे तिननसित भया सब पबित्र जनलाइ अबिबादन दिय।

रोमी 16:23

गायस भाइले लगइ अबिबादन पठाइराइछ। म उइका घरमि बस्सउ जाँ मण्डलि जम्मा हुन्छ। इरास्तस, जो सहरको कोषाध्यक्ष हो, रे हामरो भाइ क्वार्टसले तमनलाइ अबिबादन पठाइराइछ।

रोमी 16:6

मरियम, जइले तमरा बिचइनि कडा मिहिनेत अरिन, तिनलाइ अबिबादन दिय।

रोमी 16:9

ख्रीष्टले इमानदार ठराया उर्बानस भाइ, ख्रीष्टमी हामरा सहकर्मी, रे मेरा प्यारा संगि स्ताखुसलाइ अबिबादन दिय।

एफिसी 5:3

तर तमनका बिचमि व्यभिचार, सब अशुद्द कुरणी अथवा लोपकि कुरणी सम्म जन होउ, क्याकि यिन पाप परमेश्वरका जनका निउति स्वाउनइन।

फिलिप्पी 1:27

जी भया लगइ तमरो जीवनको चाल ख्रीष्टका सुसमाचारको योग्य होस। म तमरा वाँ आइबर तमलाइ भेटु वाँ नभेटु, म तमरा बारेमि यो कुरणी सुण्न चाहानउ कि तमन एकमान्तरइ उदेश्यमि बलियो भइबर कल्लिया छौ, रे सुसमाचारमि आधारित बिश्वासकी निउति संगै मिलिबर मेहेनत अरउ,

फिलिप्पी 2:29

तबइकिलाइ तमनले प्रभुमि तिनलाइ भौत आनन्दले स्वागत अर रे तिनलाइ रे तिन जसा मान्सनलाइ आदर दिनु पणन्छ।

कलस्सी 4:10

मेरा संगि कैदी अरिस्तार्खसले तमनलाइ अबिबादन पठाया छन। बारनाबासको भान्ज मर्कुसले अबिबादन पठाया छन। तमनले मर्कुसका बिसयमि पइल्ली चिठ्ठी पाइसक्याछौ। उन तमरा वाँ आया भण्या उनलाइ स्वागत अर।

१ तिमोथी 2:10

बरु तिननले और मान्सनकिलाइ असल काम अरउ जो तिनरि निउति ठीक छ क्याकि परमेश्वरको भक्ति अद्दयइ स्वानिनलाइ यइ उचित छ।

२ तिमोथी 1:18

प्रभुले न्यायका दिनमि ओनेसिफरलाइ आफ्नो माहान कृपा धेकाउन। तमन आफइ निक्केरि जाणन्छौ कि एफिसस सहरमि उइले मलाइ कति भौत सहयोग अर्यो।

तितस 2:3

तसेरि बुढी आइमाइले इसो ब्यबहार अरुन जइले तिननले अद्देइ कुरणीमि परमेश्वरलाइ सम्मान दिन्छ। औरको बारेमि नानिको बोल्लेइ रे दराहा हुनु पड्डइन, तर तिननले औरलाइ असल जीवन बिताउन्या तरिका लगइ सिकाउनु पणन्छ।

फिलेमोन 1:12

म ओनेसिमसलाइ तेरा वाँ फर्काइ पठाउन्नाछु, जइलाइ म मेरा हृदय बठेइ प्रेम अद्दउ।

फिलेमोन 1:17

यदि तमले मलाइ आफनाइ साजेदार सम्जन्छौ भण्या जब ओनेसिमस तमरा वाँ फर्किबर आउनाहान तमले मलाइ स्वागत अर्या जसेइ तिनलाइ खुसीसित स्वागत अर।

२ यूहन्ना 1:10

रे यदि उइले ख्रीष्टले सिकायाको शिक्षा भण्ना फरक शिक्षा सिकायो भण्या तइलाइ घरमि स्वागत जन अर्या, तइलाइ अबिबादन अरिबर हौसला जन दिया।