रोमी 15:31 - डोटेली नयाँ करार

³¹ ताकि परमेश्वरले मलाइ यहुदिया क्षेत्रमी बस्या अबिश्वासी बठेइ बचाउन सकुन, रे यरुशलेम सहरका पबित्र जन मइले लइया सहयोग पाइबर खुशी हुन्या हुन।

रोमी 15:31 ပူးပေါင်းရင်းမြစ်များ

प्रेरित 22:24

रोमी सेनापतिले आज्ञा अर्यो, “तइलाइ सिपाइनको बस्या ठाउँ भितर लेइबर आस, रे कोर्रा लाइबर यहुदि मान्सन क्याइ रिसाया रइछन रे तइका बिरोधमी कला हाल्ला छन भणबर उइलाइ सोध।”

प्रेरित 25:2

मुख्य पुजारि रे यहुदि अगुवानले फेस्तसलाइ भेट्यो, रे तिननले पावलका बिरोधमी दोस लायो।

प्रेरित 25:24

ठुला हाकिम फेस्तसले भण्यो, “राजा अग्रिपास रे हामसित याँ भया सब मान्सन हो, तमले यइ मान्सलाइ धेक्दाछौ, जइका बारेमि सारा यहुदि मान्सनले यो मान्स आब बठेइ बाच्च्या लायकको आथिन भणि यरुशलेम सहरमि रे याँ कैसरिया सहरमि लगइ मसित बिन्ति अद्दाथ्या।

प्रेरित 9:13

हननियाले भण्यो, “प्रभु, यइ मान्सले यरुशलेम सहरमि भया तमरा शिष्यालाइ बड्ताइ खराब अरिराइछ, त्यो मइले भौत जाना बठेइ सुणिराइछु।

प्रेरित 9:15

तर प्रभुले तिनलाइ भण्यो, “जा, क्याकि गैर-यहुदि, राजा रे इस्राएल देशका मान्सनका अगाडी मेरा बारेमि प्रचार अद्दाइ मइले शाउललाइ छान्या हु।

रोमी 15:25

आब म पबित्र जनलाइ उपहार दिनाइ यरुशलेम सहर जान्ना छु।

१ कोरिन्थी 16:15

बिश्वासि भाइन हो, तमनलाइ था छ, कि स्तिफनास रे उइका परिबार अखैया प्रदेशमि बिश्वास अद्द्यामि तिनन पइला बिश्वासि हुन। तिननले पबित्र जनका सेवामि आफइलाइ समर्पण अर्या छन।

२ कोरिन्थी 1:10

उनले हामलाइ मृत्युको भयानक जोखिम बठेइ बचायो रे उनले हामलाइ बचाउन्या हुन। उनइमि हामले हामरो भरोसा राख्याछौ, कि उनले हामलाइ आजी लगइ बचाउन्या हुन।

२ कोरिन्थी 8:4

तिननले यरुशलेम सहरमि भया पबित्र जनका सहायताका निउति भाग लिन्या मौका पाउँ भणबर हामलाइ आग्रहपुर्वक बिन्ति अर्यो।

२ कोरिन्थी 9:1

यरुशलेम सहरका परमेश्वरका मान्सन निउति दिया पैसाका बिसयमि तमनलाइ लेखिराख्द मलाइ आवश्यक आथिन।

२ कोरिन्थी 9:13

यइ दिन्या सेवाले तमन सत्य हौ भणबर प्रमाणित अरिबर भौत मान्सन परमेश्वरको प्रसंसा अददाहान, क्याकि तमन ख्रीष्टको सुसमाचार सत्य हो भणबर बिश्वास अरन्छौ रे तमन गरिब बिश्वासिनलाइ रे और बिश्वासिनलाइ उदारतासित दिबर यइलाइ पालना अरन्छौ।

१ थेसलोनिकि 2:15

यिन यहुदि मान्सनले प्रभु येशू ख्रीष्टलाइ रे अगमबक्तालाइ मार्यो रे हामलाइ लगइ बाइर धपायो, रे परमेश्वरलाइ दुखि बनाउनाहान, पइ सब मान्सको बिरोध अद्दाहान।

२ थेसलोनिकि 3:2

रे प्रार्थना अर कि परमेश्वरले हामलाइ बचाउन ताकि यिन भौत खराब मान्सन हामलाइ नोक्सानी जन अरुन, क्याकि भौत मान्सन प्रभु येशू ख्रीष्टको बारेमि सुण्याको सन्देशमि बिश्वास अद्दाइन्न।

२ तिमोथी 3:11

रे एन्टिओखिया, आइकोनियन रे लुस्त्रा सहरमि मान्सनले मलाइ कसेरी दुख दिया रे कष्ट दियो तमनलाइ था छ रे मइले तिन कष्ट सया रे तिन सब बठेइ अइल सम्म प्रभुले मलाइ बचायो।

२ तिमोथी 4:17

तर प्रभु मेरा पक्षमि थ्या, रे उनले मलाइ बल दियो, ताकि मइले येशू ख्रीष्टका बारेमि सुसमाचार निक्केरि प्रचार अद्द सकु ताकि तिन सब गैर-यहुदि मान्सन जो अदालतमि थ्या, तिनन सबले यो सुण्न सकुन। भोकाया सिंहका मुख बठेइ बच्या जसेरि उनले मलाइ मृत्यु बठेइ बचायो।