रोमी 14:20 - डोटेली नयाँ करार

²⁰ क्याकि तमनले बिसेस खानेकुरणी खान खोजीबर परमेश्वरका कामलाइ नष्ट जन अर। चलन अनसार सब चिज सुद्द छन, तर यदि यइले और मान्सनलाइ पाप अद्द लाउछ भण्या इसो खानु गलत हो।

रोमी 14:20 ပူးပေါင်းရင်းမြစ်များ

मत्ती 15:11

जी मुख भितर पसन्छ, तइले मान्सलाइ असुद्द बनाउनइन। तर तइ कुरणीले तइ मान्सलाइ अशुद बनाउन्छ जो तइ मान्सका भितर बठेइ बाइर आउछ।”

मत्ती 18:6

“तर जइले नानो मान्स जइले ममि बिश्वास अददाहान, उनलाइ पाप अद्द लाउनाहान भण्या, सजायका रुपमी तइका गलाइनो जितारो झुन्ड्याइबर समुद्र भित्तरी खितिनु सबहइ निको हुन्छ।”

प्रेरित 10:15

आजी दोसर्या पत्रुसले इसो आवाज सुण्यो, “यदि परमेश्वरले केइ खानाइ निउति स्वीकारयोग्य बनाया छ भण्या, यो खानाइ निउति स्वीकार आथिन भणबर जन भणइ।”

रोमी 14:2

कसइले सब चिज खानु पणन्छ भणि बिश्वास अरन्छ, तर बिश्वासमि कमजोर हुन्याले सागपात मान्तरइ खान्छ।

रोमी 14:21

उचित त यो हुन्छ, कि मासु नखानु, दारु नखानु, अथवा केइ यिसा काम नअद्दु जइ बठेइ तेरा बिश्वासि भाइलाइ पाप अद्द लाउन्छ।

एफिसी 2:10

क्याकि हाम असल काम अददाइ ख्रीष्ट येशूमि नयाँ मान्सनका रुपमि बनाइएका उनरा हातका सिप हौ। हाम तिन काम अरु भणबर परमेश्वरले पइल्ली बठेइ तयार अर्याथ्यो।

फिलिप्पी 1:6

यो निश्चय छ कि परमेश्वरले तमनमि जो असल काम सुरु अर्या छन, उनइले येशू ख्रीष्ट फर्कि आउन्या दिनमि त्यो काम पुरा अद्दया हुन।

तितस 1:15

क्याकि जइ मान्सनका हृदय परमेश्वरका अगाडी सुद्द छन, तिननकिलाइ सब कुरणी रिति अन्सार सुद्द छन, तर तिन मान्सन जो दुष्ट रे येशूमि बिश्वास अद्दाइन्न तिननले अद्दया सब कुरणी असुद्द हुनाहान। क्याकि तिनरा हृदय रे बिबेक दुएइ पुरा रुपमि असुद्द भया छन।