रोमी 14:18 - डोटेली नयाँ करार

¹⁸ जइले यइ किसिमले ख्रीष्टको सेवा अरन्छ, परमेश्वर तइसित खुशी हुनाहान रे मान्सनले लगइ तिनरा बारेमि असल भण्ना हान।

रोमी 14:18 ပူးပေါင်းရင်းမြစ်များ

मर्कुस 13:34

मेरो जान्या रे फर्किबर आउन्या बारेमी यइ काहानि बठेइ ब्याख्या अद्द सकिन्छ: एक मान्स लामो यात्रामि जानाइ आफ्नो घर छाडन्छ। जाना हइ पइल्ली, घरको मालिकले आफना नौकरनलाइ तइ काम भण्न्छ जो उइलाइ अददु पडद्या हो, रे उइले चौकीदारलाइ भणन्छ कि उ उइको फर्किन्या परखाइमी बसोस।

यूहन्नाले लेख्या सुसमाचार 12:26

कसइले मेरो सेवा अरन्छ भण्या, शिष्या हुनाइलाइ मेरा पछा लाग्दु पणन्छ, रे म जाँ छु, मेरो सेवक लगइ ताँइ हुन्या हो, कसइले मेरो सेवा अरन्छ भण्या पिताले तइको कदर अद्द्या हुन।

प्रेरित 10:35

तर हरेक जातिमी जइले परमेश्वरको डर माणन्छ रे धार्मिकताको काम अरन्छ, परमेश्वरले तिननलाइ स्वीकार अददाहान।

रोमी 12:11

कडा मेहेनत अर रे अल्छी जन अर। उत्साहित होइबर प्रभुको सेवा अद्दाइ जा।

रोमी 14:4

त्यो मान्स प्रभुको दास हो। तबइकिलाइ तमनले औरका नौकरको न्याय जन अर। त्यो सफल हुनु अथवा असफल हुनु तइका मालिकमि भर पणन्छ। त्यो सफल बनाइन्या हो क्याकि प्रभुले तइलाइ सफल बनाउन सक्दाहान।

रोमी 16:18

क्याकि यिसा मान्सनले हामरा प्रभु ख्रीष्टकी निउति होइन, तर आफना व्यक्तिगत चासोकि निउति सेवा अद्दाहान, रे तिननले मिठो-मिठो सब्द रे चिफला कुरणीले निर्दोष मान्सनलाइ धोका दिनाहान।

रोमी 6:22

तर आब तमन पाप बठेइ मुक्त होइबर परमेश्वरका दास भयाछौ, रे तमन तिन कुरणी अरन्छौ जइले तमनलाइ पबित्रतामि लइजान्छ, रे जइको अन्त अनन्त जीवन हो।

१ कोरिन्थी 7:22

क्याकि परमेश्वरले उनरा मान्स हुनाइ बोलाउन्ज्या जो मान्स नौकर थ्यो, त्यो आब स्वतन्त्र मान्स जसो हो, क्याकि प्रभु येशूले तइलाइ तइका पाप बठेइ स्वतन्त्र अर्याछ। तसेरि परमेश्वरले उनरा मान्स हुनाइ बोलाउन्ज्या जो मान्स स्वतन्त्र थ्यो, तिन आब ख्रीष्टका दास भया छन।

२ कोरिन्थी 4:2

हाम सरमका रे लुकिछिपि अद्द्या काम अददाइन। हाम छल कपट अथवा परमेश्वरको बचनलाइ हेरफेर अद्दया काम लगइ अद्दाइन। तर हाम परमेश्वरको नजरमि सत्य मान्तर सिकाउनाउ रे यो सत्य हो भणबर हरेक मान्सले गवाही दिन सक्न्छ।

२ कोरिन्थी 5:11

तबइकिलाइ हाम प्रभुको भय माणिबर मान्सनलाइ सत्यमी बिश्वास अददाइ बिन्ति अददाउ। रे परमेश्वरले हामलाइ पूरारुपमी जाण्नाहान, रे म आसा अद्दउ कि तमरा बिबेकले लगइ हामलाइ निक्केरि जाणन्छ।

२ कोरिन्थी 5:9

तबइकिलाइ हाम उनसित स्वर्गमि हौ अथवा हाम यइ धर्तीमि हौ, उनलाइ भौत खुशी बनाउनुइ हामरो लक्ष हुन्छ।

२ कोरिन्थी 6:4

तर यिन सब कुरणीमि हाम परमेश्वरका सेवकन हौ भण्न्या धेकाउनाउ, धैर्यतासित कष्ट, कठिनाइ, आपत बिपद सइबर,

२ कोरिन्थी 8:21

क्याकि हाम प्रभुको नजरमि मान्तर होइन तर मान्सका नजरमि लगइ जी आदरणीय छ त्यो काम असल तरिकाले अददाइ आफ्नो ध्यान दिनाउ।

फिलिप्पी 4:18

मइले जो पाउनु हो तइ भण्न्ना बड्ता पाइराइछु। मइले इपाफ्रोडिटस बठेइ तमनले पठाया उपहार पाया। तमनले पठाया उपहार मेरा निउति पुजारिले परमेश्वरलाइ चडाया मिठो बास आउन्या भेटी रे बलिदान जसोइ हो। जो परमेश्वरलाइ भौत खुशी पडद्या रे ग्रहणयोग्य छ।

फिलिप्पी 4:8

अन्तमी बिश्वासि भाइन हो, जी सत्य छ, जी आदरणीय छ, जी धर्मि छ, जी सुद्द छ, जी सुन्दर छ, जी प्रसंसा अद्द्या योग्यको छ, जी असल छ, रे कसइमी मान्सन बठेइ आदर पाउन्या स्वभाव छ भण्या यिसा कुरणीमि मन ला।

कलस्सी 3:24

क्याकि तमन यो जाण्न छौ कि परमेश्वरले तमनलाइ इनाम दिन्या हुन। उनले तमनलाइ आशिषमी सहभागी अराउन्या हुन, जो उनले उनरा मान्सनकिलाइ तयार अर्या छन। क्याकि तमन प्रभु येशू ख्रीष्टको सेवा अरन्छौ।

१ तिमोथी 2:3

यिसा प्रार्थना ठीक हुन, रे परमेश्वर हामरा मुक्तिदातालाइ ग्रहणयोग्य छन।

१ तिमोथी 5:4

कसइ बिधवाका चेला-चेली रे नाति-नतिना छन भण्या तिननले सब भण्ना पइल्ली आफनी परिबारको हेरचाह अरिबर परमेश्वरका सन्तानकि जसेरि जीवन बिताउनु पणन्छ, रे तिनरा इजा-बा अथवा बज्या-बजेइको हेरचाह अरिबर गुण तीददु पणन्छ। क्याकि परमेश्वरलाइ इसोइ मन पणन्छ।

१ पत्रुस 2:12

परमेश्वरमि बिश्वास नअद्द्या मान्सन तमनका वलतिर पलतिर हुनाहान रे तमनले गलत अददाछौ भणन सक्दाहान। इसो असल जीवन बिता कि तिननले तमनले अद्द्या असल काम धेक्द्या हुन रे ख्रीष्टको फर्कि आउने दिनमि परमेश्वरलाइ महिमा दिन्या हुन।

१ पत्रुस 2:20

तर यदि तमन गलत काम अरिबर कुटाइ खान्छौ भण्या, तमरो सजायमि धैर्य हुनु केइ प्रसंसाको कारण आथिन। तर यदि तमनले राम्रो कामकी निउति दु:ख भोगन्छौ भण्या, रे तमन धैर्य हुन्छौ भण्या, तब परमेश्वर प्रसन्न हुनाहान।

१ पत्रुस 3:16

तर यो बिनम्र रे आदरपुर्ण तरिकाले अर। सदाइ जी ठीक छ त्यइ अर। तब यदि मान्सनले तमरो बिरुद्दमि खराब कुरणी अददाहान भण्या, तिनन लाजमि पड्डया हुन जब तिननले तमरो ख्रीष्ट सितको सम्बन्धका लाग्दा तमरो असल ब्यबहार धेक्दाहान।