रोमी 13:9 - डोटेली नयाँ करार

⁹ क्याकि मोशाका कानुनमी भौत आज्ञा छन जसो, व्यभिचार जन अर, हत्या जन अर, चोरी जन अर, लोभ जन अर, यिन आज्ञा बाहिक, रे और जति आज्ञा छन, तिन सबको निचोड एकइ आज्ञामी पाइन्छ: “तुइले अरु मान्सनलाइ आफइ जसो प्रेम अरेइ।”

रोमी 13:9 ပူးပေါင်းရင်းမြစ်များ

मत्ती 22:39

दोसरो लगइ तसोइ छ, तुइले आफना पडउसिलाइ आफइलाइ जसो प्रेम अरेइ।

मर्कुस 10:19

तु परमेश्वरको आज्ञा त जाणन्छइ: हत्या जन अरेइ, व्यभिचार जन अरेइ, जन चोरेइ, झुटि गवाही जन दिएइ, धोका जन दिएइ, आफ्नो बा रे इजाको आदर अरेइ।”

मर्कुस 12:31

रे दोस्रो महत्वपूर्ण आज्ञा यो हो, तुइले और मान्सनलाइ आफइ जसो प्रेम अरेइ। यो भण्ना ठुलो अर्खो आज्ञा परमेश्वरले दिया आथिन।”

लूका 10:27

तइले भण्यो, “तुइले परमप्रभु, आफना परमेश्वरलाइ आफना सारा हृदयले, आफना सारा प्राणले, आफना सारा समजले रे आफना सारा मनले प्रेम अर, रे आफना पडउसिलाइ आफलाइ जसोइ प्रेम अर।”

लूका 18:20

तु परमेश्वरको आज्ञा त जाणन्छइ: हत्या जन अरेइ, व्यभिचार जन अरेइ, जन चोरेइ, झुटि गवाही जन दिएइ, धोका जन दिएइ, आफ्नो बा रे इजाको आदर अरेइ।”

गलाती 5:13

बिश्वासि भाइन हो, तमन परमेश्वर बठेइ स्वतन्त्र हुनाइ बोलाइया हौ, तबइकिलाइ आब तमनले मोशाको कानुन पालन अददु पड्डइन। तर आफना पापमय स्वभाव पुरा अद्दया अबसर जन बना, बरु आफ्नो स्वतन्त्रता एक अर्खाको सेवा अद्दाइ रे प्रेम अद्दाइ प्रयोग अर।