रोमी 13:11 - डोटेली नयाँ करार

¹¹ तमन हरेकले एक-अर्खालाइ प्रेम अरि राख्दु पणन्छ, क्याकि त्यो बेला जब परमेश्वरले हामलाइ यो नजिक आइ सक्या दुष्ट संसार बठेइ बचाउन्या हुन। हामले पइल्ली बेर ख्रीष्टमी बिश्वास अर्या भण्ना अइल यो नजिकइ छ। यो बुजिबर तमन निन बठेइ बिउजीबर होशियार हुनु पणन्छ।

रोमी 13:11 ပူးပေါင်းရင်းမြစ်များ

मत्ती 16:3

परभातइ भणन्छौ, ‘अग्गास रातो रे बादलले ढाकिरइछ, आज हुरि बतास आउन्या रइछ।’ तमन अग्गासको अवस्था हेरिबर दिन कसो हुन्छ छुट्याउन जाँणन्छौ, तर अइल हुन्नारया चिन्हको अर्थ खोल्ल सक्दानु,

लूका 21:28

जब यिन कुरणी हुनाहान तब कलिय रे आफ्नो मुन्टा मल्तिर उठा, क्याकि तमरो छुटकारा नजिकै आइरइछ।

१ कोरिन्थी 10:11

यिन कुरणी तिननलाइ चेतावनिको रुपमि भयाथ्यो रे हामरो चेतावनिका निउति लेखियेका हुन, जो यइ संसारका अन्तिम समयमि रइरइछन।

१ कोरिन्थी 15:34

जी ठीक छ तइका बारेमि ध्यानसित बिचार अर, आब बठेइ पाप जन अर। क्याकि तमनमि हइ कति जानाको परमेश्वरसित असल सम्बन्ध आथिन। तमनलाइ लाजमि पाड्डाइ मइले यो भण्या हु।

एफिसी 5:14

तबइकिलाइ मान्सन इसो भण्नाहान, “हे निनमि पण्या बिउज, रे मर्या बठेइ जिउना होउ, रे ख्रीष्टले तमनलाइ ज्योति दिन्या हुन।”

याकुब 5:8

तसेरि तमनले लगइ धिरज अर। आसा अद्द जन छाड क्याकि प्रभुको आगमन नजिकै छ।

१ पत्रुस 4:7

सब कुरणीको अन्त्य नजिक आया छ। तबइकिलाइ तमनले स्पष्ट रुपमि सोच रे आफइलाइ बसमि राख, ताकि तमन प्रार्थना अद्द सक।

२ पत्रुस 3:11

मइले भण्या की जसेरि परमेश्वरले पक्‍का यिन सबइ कुरणी नास अद्द्या हुन, तबइकिलाइ तमनले पबित्र रे परमेश्वरमि समर्पित जीवन जिउनु पणन्छ।

२ पत्रुस 3:9

कोइ मान्सन सोच्चाहान कि प्रभुले आफ्नो फर्कि आउन्या प्रतिज्ञा पुरा अद्द ढिला अद्दा छन। तर प्रभुले तइ किसिमले ढिला अददारयइन। बरु उन तमनसित धैर्य भया छन। क्याकि उनले कसइलाइ नास अद्द चाहानाइन। तर सबइले आफ्ना मन बदलिबर पाप अद्द छाडिबर परमेश्वरतिर फर्क्या उन चाहानाहान।

१ यूहन्ना 2:18

तमन जो मेरा प्यारा बालक जसाइ छौ, ख्रीष्टको फर्किबर आउन्या अन्तिम दिन यइ हो। ख्रीष्ट बिरोधी आइरइछन भणनयइ कुरणी तमनले सुणयाछौ। आब भौत ख्रीष्ट बिरोधी आया छन। तबइकिलाइ हाम जाण्नाउ, ख्रीष्टको फर्किबर आउन्या अन्तिम दिन यइ हो।

प्रकाश 1:3

यो भविष्यवाणी औरकिलाइ पढ्या सबइ जानालाइ परमेश्वरले आशिस दिनाहान, रे सुणन्या रे पालन अद्द्या सबलाइ आशिस दिनाहान। क्याकि यिन कुरणी छिट्टाइ हुनेइहुन।

प्रकाश 22:10

तब तिनले मलाइ यिसो भण्यो, “यइ किताबका अगमवाणीका सन्देश मान्सन बठेइ जन लूका, क्याकि यिन कुरणी पुरा हुन्या समय नजिक आया छ।

प्रकाश 22:12

पइ प्रभु येशूले भण्यो, “हेर, म छटाइ आउन्नार्याँउ। सब मान्सले जी अर्या छन तइ अन्सार म तिनन सबलाइ इनाम अथवा दण्ड दिनाइ आउन्ना छु।”

प्रकाश 22:20

येशू यिन सब बचनका गवाही छन, रे उन भण्नाहान, हो, म छिट्टाइ आउन्ना छु। म यूहन्ना, जबाफ दिनउ, “आमेन, प्रभु येशू, आस।”