रोमी 12:6 - डोटेली नयाँ करार

⁶ परमेश्वरले हामलाइ दिया अनुग्रह अन्सार अलग-अलग बरदान हाम प्रयोग अरौ। अगमवाणीको हो भण्या, उइले त्यो सब्द बोल्लु पणन्छ जो परमेश्वर उइलाइ भण्या छ भणि उइले बिश्वासको अरन्छ।

रोमी 12:6 ပူးပေါင်းရင်းမြစ်များ

मत्ती 23:34

तबइकिलाइ, हेर, म तमरा वाँ अगमबक्तान, बुद्दिमान मान्सन रे मोशाको कानुन सिकाउन्यावालालाइ पठाउनउ। तिन मध्ये कति जनालाइ तमनले माद्याहउ रे क्रुसमि टाँग्द्या हौ। रे कति जनालाइ आफना यहुदि सभाघरमी कोर्रा हाण्न्याहौ, रे तिननलाइ सहर बठेइ सहर खेद्द्याहौ।

मत्ती 25:22

दुइ सुनका सिक्‍का पाउन्या नौकरले आइबर भण्यो, “हजुर तमले मलाइ दुइ सुनका सिक्‍का दिया हो रे मइले और दुइ सुनका सिक्‍का कमाया छु।”

लूका 11:49

तबइकिलाइ परमेश्वरको बुद्दिले लगइ भणन्छ, म तमन वाँ अगमबक्ता रे छान्या शिष्य पठाउन्या हु। उननमि हइ कसइलाइ तिनन माद्दया हुन रे कसइलाइ सताउन्याहुन।

प्रेरित 13:1

एन्टिओखिया सहरका मण्डलिमि अगमबक्तान, रे शिक्षा दिन्याबाला मान्सन भौत थ्या, तिनन बारनाबास, नीगर भणिन्या शिमियोन, कुरेनि सहरका लुकियस, रे देशको एक चउथाइ भागको राजा हेरोदसित हुर्क्या मनेन रे शाउल थ्या।

प्रेरित 15:32

यहूदा रे सिलास आफइ लगइ अगमबक्ता भया हुनाले बिश्वासि भाइनलाइ भौत बचन बठेइ उत्साह दिइबर तिननलाइ तकड़ा बनायो।

प्रेरित 2:17

आखिरी दिनमि यिसो हुन्या हो भणबर परमेश्वर भण्नाहान, म सब मान्समि मेरा आत्मा दिन्या हु, रे तमरा चेला रे तमरि चेलिले अगमबाणी बोल्ल्याहुन, रे तमरा जबान मान्सनले दर्सन धेक्द्या हुन, रे तमरा बुढा पाका सपना दर्शि हुन्या हुन।

प्रेरित 21:9

फिलिपकि चार जानि ब्या नअरेइ चेली थिन, तिननलाइ भविष्यवाणी बोल्या बरदान थ्यो।

रोमी 1:11

क्याकि म तमनलाइ भिट्टाइ भौत इच्छा अद्दउ ताकि म तमनलाइ केइ आत्मिक आशिस दिन सकु जइले तमरो बिश्वास बलियो होउ।

रोमी 12:3

मलाइ अर्या अनुग्रह बठेइ तमनमि हइ हरेकलाइ म अनुरोध अद्दउ, तमन जसा छौ तइ भण्ना बड्ता आफइलाइ जनसमझउ। तर परमेश्वरले तमनलाइ दिया बिश्वासको परिमाण अनसार सन्तुलित बिचारले सोचउ।

१ कोरिन्थी 12:18

तर परमेश्वरले आफ्नो इच्छा अन्सार हामरो सरिरको हरेक अंग मिलाइबर ठीक ठाउँ राखिदिराइछ।

१ कोरिन्थी 13:2

मसित अगमबाणी बोल्ल्या सक्ति होलो, रे सब रहस्य रे सब ज्ञान बुज्ज सक्लो, रे या सम्मकि पहाडलाइ हटाउन सक्द्या सम्मको परमेश्वरमि बलियो बिश्वास मसित होलो, तर ममि प्रेम आथिन भण्या मेरो केइ मुल्य आथिन।

१ कोरिन्थी 14:1

एक अर्खालाइ प्रेम अद्द्या कोशिस अर, रे आत्मिकि बरदानका निउति उत्कट इच्छा राख, बिसेस अरिबर अगमबाणी बोल्लाइ निउती।

१ कोरिन्थी 14:24

तर सबले अगमबाणी अद्दार्या बेला कोइ अबिश्वासी अथवा बुज्ज नसक्द्या बाइरको मान्स ताँ आयो भण्या, तमनले भण्या कुरणीले तइले आफ्ना पापलाइ चिन्न्या हुन रे तमनले भण्या कुरणिका लाग्दा तइले आफ्नो ब्यबहार बदल्ल खोज्ज्या हो।

१ कोरिन्थी 14:29

अगमबाणी बोल्ल्या दुइ अथवा तीन जाना होउन, रे औरले तिननले बोलेकि कुरणी निक्केरि जाँच अरुन।

१ कोरिन्थी 3:5

अपोल्लोस को हो? पावल को हो? तिन सेवक मान्त्तर हुन, जइ बठेइ तमनले ख्रीष्टमी बिश्वास अर्या। परमेश्वरले हाम हरेकलाइ अद्दाइ दिया काम हामले अर्या।

१ कोरिन्थी 7:7

सब मान्सन म जसाइ अविबाहित रया म इच्छा अद्दउ। तर हरेकलाइ परमेश्वर बठेइ बिसेस बरदान मिल्या छ, परमेश्वरले कसइलाइ ब्या अद्द्या बरदान, रे कसइलाइ अविबाहित रन्या बरदान दिनाहान।

२ कोरिन्थी 8:12

क्याकि यदि तमन और मान्सनलाइ दान दिन चाहन्छौ भण्या तमनसित भया अनसारको दानइ ग्रहणयोग्य हुन्छ, नभया ए अनसार होइन।

एफिसी 3:5

यो गोप्य योजना अगाडीका पुस्ताका मान्सनलाइ प्रकट अर्या थेइन, तर उनले आब पबित्र आत्मा बठेइ येशू ख्रीष्टका छान्या शिष्या रे अगमबक्तालाइ प्रकट अर्याछ।

एफिसी 4:11

ख्रीष्टइले मण्डलिलाइ यिन जिम्मेवारी दियो: उनले कसइलाइ छान्या शिष्य, कसइलाइ अगमबक्ता, कसइलाइ प्रचारक, कसइलाइ मण्डलिका पास्टर रे कसइलाइ शिक्षक हुनाइ चुन्यो।

फिलिप्पी 3:15

हाम आत्मिक रुपमि परिपक्व हुन्या सबले यिसेरी बिचार अददु पणन्छ। रे यदि तमरो आजी और बिचार छन भण्या परमेश्वरले तमनलाइ त्यो लगइ स्पष्ट पाडीदिन्या हुन।

१ थेसलोनिकि 5:20

यो जन सोच कि परमेश्वरले आफना मान्सनलाइ दिया अगमबाणी बिना कामको हो।

२ पत्रुस 1:20

तर यो कुरणी बुज्जु महत्त्वपुर्ण छ कि पबित्र सास्त्रमि तमनले पढ्या अगमबक्ताका बचन केवल अगमबक्ताका आफ्नाइ बिचार मान्तर होइन।