रोमी 10:2 - डोटेली नयाँ करार

² म यो गवाही दिनउ कि परमेश्वर प्रति तिनरो जोस त छ, तर तिनरो समज परमेश्वरको सेवा कसेरी अद्द्या भणन्या बारेमि ठीक आथिन।

रोमी 10:2 ပူးပေါင်းရင်းမြစ်များ

यूहन्नाले लेख्या सुसमाचार 16:2

तिननले तमलाइ यहुदि सभाघर बठेइ निकाल्दिन्या हुन। वास्तवमि यिसो समय आउनाछ, जब तमनलाइ हत्या अद्द्याले परमेश्वरको सेवा अद्दउ भणि माणन्छ।

प्रेरित 21:20

यो सुणिबर तिननले परमेश्वरको महिमा अर्यो रे उनलाइ भण्यो, “हे भाइ, तम जाण्न्छौ, यहुदि मान्सनमि हइ कति हजार मान्सनले प्रभुमि बिश्वास अर्या छन रे तिनन मोशाको कानुनकि निउति जोसिला छन।

प्रेरित 21:28

तिनन यिसो भणबर कला हाल्ल पस्या, “हे इस्राएल देशका मान्सन हो, सहयोग अर, मान्सनलाइ जाँ पायो ताँइ हामरा जातिलाइ मोशाको कानुन जन माण रे मन्दिरमि पुजा जन अर भण्न्या शिक्षा दिन्या यइ मान्स हो, इति मान्तर होइन, यइले गैर-यहुदि मान्सनलाइ लगइ मन्दिर भित्तर लेइबर यइ पबित्र ठाउलाइ असुद्द पाण्यो।”

प्रेरित 22:22

तिन मान्सनले पावलकि कुरणी याँ सम्म मान्तर सुण्यो, रे यिसो भण्नाइ उन जोरले कला हाल्ल पस्या, “यिसो मान्सलाइ मार। क्याकि त्यो बाच्या लायकको आथिन।”

प्रेरित 22:3

पावलले भण्यो, “म यहुदि हु, मेरो जन्म किलिकिया प्रदेसको टार्सस सहरमि भया हो, तर यइ सहरमि मइले गमलिएल बठेइ तालिम पाया हु। हामरा पिता पुर्खाले माण्या कानुन अन्सार मइले पबित्र सास्त्रको शिक्षा नीक्केरि सिकिराइछु। आज तमन परमेश्वरमि जति समर्पित छौ, म लगइ उति समर्पित थ्या।

रोमी 10:1

बिश्वासि भाइन हो, मेरो आफ्नो हृदयको इच्छा रे यहुदि, मेरा आफ्ना मान्सनकि निउति परमेश्वरमि मेरो प्रार्थना यइ छ, कि परमेश्वरले तिननलाइ बचाया होउ।

रोमी 10:3

क्याकि परमेश्वर बठेइ आउन्या धार्मिकताको बारेमि नजाणिबर तिननले आफनाइ तरिका बठेइ धर्मि हुनाइ खोज्यो, रे परमेश्वरले मान्सनलाइ धार्मि बनाउन्या तरिका तिननले स्वीकार अरेइन।

२ कोरिन्थी 4:4

रे यइ संसारका देब सैतानले तिनन अबिश्वासीका बुद्दीलाइ अन्धा बनाइ दिया छ। ताकि तिननले ख्रीष्टको महिमाको बारेमि सुसमाचार बठेइ आया ज्योति धेक्द जन सकुन, जइले परमेश्वर कसा छन भणीबर धेकाउन्छ।

२ कोरिन्थी 4:6

तबइकिलाइ परमेश्वरले भण्यो, “अनारा बठेइ उजालो चम्कउ।” रे उनइ परमेश्वरले हामरा हृदयमि ज्योति जसोइ हामलाइ ज्ञान दियो, ताकि हामले परमेश्वरको महिमा येशू ख्रीष्टमी प्रकट भया धेक्दसकु।

२ कोरिन्थी 8:3

क्याकि म गवाही दिनउ कि तिननले आफ्नो योग्यता अन्सार रे योग्यता भण्ना बरता लगइ आफना इच्छा अनसार दियो।

गलाती 1:14

हामरा जातिमी मेरा यहुदि दौतरि भण्ना म हमरा पुर्खाको शिक्षा पढाइ रे पालन अददाइ भौत उत्सुक थ्या रे मेरा पुर्खाको परम्परामि भौत जोसिलो थ्या।

गलाती 4:15

तइ बेला तमन भौत खुशी थ्या! आब त्यो खुशी काँ गयो? म साच्ची यो भण्न सक्दउ, कि तमनले मेरी निउति सब कुरणी अर्या याँ सम्मकि सम्भब भया भयले तमनले आफना आँखा लगइ निकालिबर मलाइ दिनेइथ्या।

फिलिप्पी 1:9

मेरो प्रार्थना यो छ कि सत्यको ज्ञान रे बिबेकमी एक-अर्खाका निउति तमरो प्रेम झिक-झिक बडोइजाउ।

फिलिप्पी 3:6

जोसका बारेमी हो भण्या म मण्डलिलाइ सताउन्या हु, यहुदि कानुन पालन अद्द्या बारेमी भणन्या हो भण्या, म धर्मि मान्स थ्या, क्याकि मइले तिन सब कानुन पालन अर्याथ्या।

कलस्सी 4:13

क्याकि म तिनरि निउति गवाही दिनउ, कि तमन, रे लाउडिकिया सहर रे हिरापोलिस सहरका मान्सनका निउति तिनले तमनकीलाइ लगनशिल भइबर प्रार्थना अददाहान।