प्रकाश 6:4 - डोटेली नयाँ करार

⁴ तुरुन्तइ एक भौत रातो घोडा आयो। घोड सवारलाइ तरबार दिइयो रे उइलाइ संसार बठेइ सान्ति हटाउन्या रे मान्सनलाइ आपतमी पड्डया अधिकार दिइयो ताकि तिननले एक अर्खालाइ मारुन।

प्रकाश 6:4 ပူးပေါင်းရင်းမြစ်များ

मत्ती 10:34

तमन इसो जन सोच कि म धर्तिका मान्सनका बिचमि सान्ति ल्याउनाइ आया हु। म त मान्सनका बिचमि फाटो ल्याउनाइ आया हु, सान्ति ल्याउनाइ होइन।

मत्ती 24:6

तमले लडाइका हल्ला नजिकै सुणन्या हौ रे लडाइका बारेमि टाढाको समाचार सुणन्या हौ। घबराया जन, क्याकि इसा घटना हुनु जरुरि छ तर संसारको अन्त छिट्टाइ त हुनइन।

यूहन्नाले लेख्या सुसमाचार 19:11

येशूले जबाफ दियो, “यदि तमलाइ परमेश्वर बठेइ नदिया भया ममि तमरो केइ अधिकार हुनेइ थेइन। तबइकिलाइ मलाइ तमरा हातमि सुम्पिदिन्या मान्सन आजी बड्ता पापको दोषि हुन्या हुन।”

प्रकाश 12:3

पइ अग्गासमी एक अर्खों चिन्ह धेकियो, एक ठुलो रातो अजिङ्गर धेकियो, जो सैतान हो। यइका सात मुन्टा थ्या रे हरेक मुन्टामि मुकुट थ्यो, रे तइका दस सिङ थ्या।

प्रकाश 13:10

जो झेलमि जानु पड्ड्या नियतका छन, तिनन साच्ची झेलमि पड्ड्या हुन, रे जो पक्‍का छन कि तिनन तरबारले मद्द्या हुन तिनन साच्ची तरबारले मरिन्या हुन। तबइकिलाइ परमेश्वरका मान्सनले कठिनाइ सनु पणन्छ, जो उनले अनुभव अददाहान रे बिश्वासमि पक्‍का रनु पणन्छ, तिननले धैर्य हुनु पणन्छ रे उनमी भरोसा राख्दु पणन्छ।

प्रकाश 17:3

आत्माले मलाइ नियन्त्रण अर्यो, रे स्वर्गदुतले मलाइ उजाड ठाउँमि लइय्या। ताँ सात मुन्टा रे दस सिङ भया परमेश्वरको बिरुद्दमि निन्दाका नाउले भरिया चम्कन्या राता रङका राक्षसमि बसेइ एक आइमाइ मइले धेक्या।

प्रकाश 17:6

पइ मइले धेक्या कि त्यो आइमाइ परमेश्वरका पबित्र मान्सनका रगतले मातिरइ थी जइलाइ मान्सनले येशूका निउति तिनरा बिश्वासयोग्यताका लाग्दा मर्याथ्या। त्यो धेकिबर म भौत अचम्म पर्या।”