प्रकाश 18:20 - डोटेली नयाँ करार

²⁰ तमन जो स्वर्गमि बसन्छौ, तइका इन्साफमि रमा! हे परमेश्वरका पबित्र मान्सन, छान्या शिष्या रे अगमबक्तान, तमनमि अर्या अन्यायका निउति परमेश्वरले बेबिलोनलाइ उइले अर्या सब कुरणीकी निउति दोषि ठहराया छ।”

प्रकाश 18:20 ပူးပေါင်းရင်းမြစ်များ

एफिसी 2:20

तमन घर जसाइ, रे छान्या शिष्य रे अगमबक्ता जग जसाइ हुन, रे यइका कुन्या ढुङ्गो येशू ख्रीष्ट आफइ हुन।

एफिसी 3:5

यो गोप्य योजना अगाडीका पुस्ताका मान्सनलाइ प्रकट अर्या थेइन, तर उनले आब पबित्र आत्मा बठेइ येशू ख्रीष्टका छान्या शिष्या रे अगमबक्तालाइ प्रकट अर्याछ।

एफिसी 4:11

ख्रीष्टइले मण्डलिलाइ यिन जिम्मेवारी दियो: उनले कसइलाइ छान्या शिष्य, कसइलाइ अगमबक्ता, कसइलाइ प्रचारक, कसइलाइ मण्डलिका पास्टर रे कसइलाइ शिक्षक हुनाइ चुन्यो।

२ पत्रुस 3:2

म इसो अददाछु, क्याकि परमेश्वरका अगमबक्ताले भौत समय पइल्ली बोल्या बचन रे हामरा प्रभु येशू ख्रीष्ट, हामरो मुक्तिदाताको शिक्षालाइ तमनले याद अर भणन्या म चाहनउ, जो तमरा वाँ आया छान्या शिष्याले तमनलाइ सिकायाथ्यो।

यहूदा 1:17

तर प्रिय हो, तमनले हामरा प्रभु येशू ख्रीष्टका छान्या शिष्याले अगाडी बठेइ भण्या कुरणी सम्ज।

प्रकाश 12:12

तबइकिलाइ तमन याँ स्वर्गमि रन्या सब रमाउ। तर धर्ति रे समुद्रमी रन्या तमन भयानक समस्यामि छौ! आफ्नो समय छोटो छ भणि था पाइबर सैतान ठुलो क्रोध सित तमरा वाँ तलतिर आउन्ना छ।”

प्रकाश 18:6

तबइकिलाइ म भणनउ, तइ सहरलाइ लगइ तसोइ अर जसेरि यो और मान्सनलाइ अरिया छ। यइको सबइ दुष्ट काम भण्ना दुइ गुणा बरता फिर्ता तिर। तइ सहरकी निउति दुइ गुणा सक्तिशाली यातना बना त्यो यातना जसोइ जो तइ सहरले और मान्सनलाइ यातना दियाथ्यो।

प्रकाश 6:10

पइ तिनन इसो भणबर जोरले परमेश्वरलाइ पुकार्यो, “हे पबित्र रे सत्य प्रभु, क्याकि तम पृथ्बीमि बस्सया तिन दुष्ट मान्सनलाइ सजाय दिनाइ इति लामो समय सम्म पर्खन्छौ? हाम तमलाइ बिन्ति अददाउ कि तमले हामलाइ हत्या अद्द्या मान्सको ब्यवहारको बदला लिया।”