प्रकाश 18:10 - डोटेली नयाँ करार

¹⁰ तिनन डराउनाहान कि तिनन लगइ सजायमि पकोडिन्या हुन। तबइकिलाइ तिनन टाडा कल्लिबर इसो भणन्या हुन, “हाइ! हाइ! तु महानगरी, तु सक्तिशाली बेबिलोन! अचानक परमेश्वरले तुलाइ नष्ट अर्याछ।”

प्रकाश 18:10 ပူးပေါင်းရင်းမြစ်များ

प्रकाश 11:8

तिनन दुइ साक्षिलाइ मार्या पछा, तिनरा लास ताँको ठुलो यरुशलेम सहरको सडकमि राखिया अवस्थामी छाडिन्या हो, जइ सहरको सांकेतिक रुपमि सदोम सहर रे मिश्र देस भणिन्छ। जाँ तिनरा प्रभु क्रुसमि टाङिया हुन।

प्रकाश 14:8

ताँ एक अर्खो स्वर्गदुत लगइ थ्यो जइले पइलोलाइ अनुसरण अर्यो रे भण्यो, “आब यो नास भयो। बेबिलोन सहर भौत नास भयो। उइले सब मान्सनलाइ उनरा दारुले मात्तेइ दियो, जो भणनुको अर्थ हो कि उनले सारा मनस जातिलाइ भौत ननिको ब्यबहार अद्द सिकायो क्याकि उइले तिननलाइ मुर्तिपुजा अद्द सिकायो।”

प्रकाश 16:19

बेबिलोनको महान सहर तीन टुक्रामि परिणत भयो रे जाति-जातिका सहर ध्वस्त भया। क्याकि परमेश्वरले तिन बेबीलोनका मान्सनको सजायका बिसयमि अर्या प्रतिज्ञालाइ पुरा अर्यो। परमेश्वरले तिन मान्सनलाइ भौत तितो पिन्या चिज पिउन लाउन्या, जइमि केइ मिसावट हुनइन, यइ भणाइको अर्थ उन तिननसित पूरारुपमी क्रोधित हुन्या हुन।

प्रकाश 17:12

तमले धेक्या तिन दस सिङले दस राजालाइ प्रतिनिधित्व अरन्छ जइले सासन अद्द सुरु अर्या आथिन। तिन दस राजालाइ राक्षस सित मिलिबर सासन अद्द्या अनुमति छ, तर तिनरो सासन एक घन्टाकि निउति मान्तर हुन्या हो।

प्रकाश 18:18

जब तिननले सहरलाइ बल्लार्या आगो बठेइ धुवाँ धेक्द्या हुन, तिनन कला हाल्या हुन रे यिसो भणन्या हुन, “यइ महान सहर जस्तो और कोइ सहर आथिन।”

प्रकाश 18:19

पइ तिननले आफना-आफना मुन्टाइनि धुलो हालिबर रुनाइ रे बिलौना अद्दाइ यिसो भणबर कला हाल्ल पस्या, “हाइ! हाइ! त्यो महानगरी जाँ समुद्रमी जहाजका सबइ मालिक तइ सहरको सम्पत्तिका लाग्दा धनि भया। रे आब केवल एक घन्टामि यइमि भया सबइ कुरणी हराइसक्यो।

प्रकाश 18:21

तब एक सक्तिशाली स्वर्गदुतले ठुला जितरा जसो एक ढुङो समायो, रे यिसो भणबर तइलाइ समुद्रइनि फाल्दियो, “यिसेरी महानगरी बेबिलोन जोरले फालिनेइ हो, रे त्यो आजी कभइ पाइनेइ होइन

प्रकाश 18:8

तबइकिलाइ एकइ दिनमि तइमि बिपत्ति आउन्याहुन-मृत्यु, सोक रे अनिकाल। आगाले त्यो भस्म पाडिनेइ हो, क्याकि तइका इन्साफ अद्द्या परमप्रभु परमेश्वर सक्तिशाली छन।”