प्रकाश 16:21 - डोटेली नयाँ करार

²¹ हरेक चालिस किलोका अठ्ठा मान्सनमि अग्गास बठेइ ओइरिन लाग्या, जइका लाग्दा तिननले परमेश्वरलाइ श्राप दियो, क्याकि परमेश्वरले पठाया बिपत्ति बठेइ तिननले भौत दुःख भोग्दा थ्या।

प्रकाश 16:21 ပူးပေါင်းရင်းမြစ်များ

प्रकाश 11:19

स्वर्गमि परमेश्वरको मन्दिर खोलियो रे उनरा मन्दिर भितर उनरा करारको सन्दुक धेकियो। बिजुलिका चमक धेकिया। मेग गर्जनको आवाज सुणियो। भुइँचालो गयो रे ठुला-ठुला अठ्ठा पड्या।

प्रकाश 16:11

तिनरा बेदना रे घा पिलाका लाग्दा तिननले स्वर्गका परमेश्वरलाइ श्राप दिन पस्या। तर तिनरो अवस्था इसो थ्यो पइलगइ तिननले पाप अद्द छाडिबर परमेश्वरतिर फर्कीएइन रे तिननले अददार्या खराब काम अद्द छाडेइन।

प्रकाश 16:9

मान्सन प्रचण्ड ताताले बल्या, रे तिननले परमेश्वरलाइ श्राप दियो, क्याकि उनइलाइ तइ बिपत्तिमि अधिकार दियाथ्यो। तिननले आजी लगइ पाप अद्द छाडिबर परमेश्वरतिर फर्केइन रे परमेश्वरलाइ महिमा दिनाइ इन्कार अर्यो।

प्रकाश 8:7

पइलो स्वर्गदुतले आफ्नो तुरहि बजायो, रे उतन्जेइ भौत हिउको बर्सा भयो रे रगतसित मिसाया आगो धर्तीमि आयो, रे धर्तिको एक तिहाइ भाग, रुखको एक तिहाइ भाग रे सब हरिया घाँस बल्या।