प्रकाश 13:2 - डोटेली नयाँ करार

² मइले धेक्याको त्यो राक्षस चितुवा जसोथ्यो। तइका खुट्टा भालुका जसा थ्या रे तइको मुख सिंहको जसोथ्यो। तइ अजिङ्गरले आफ्नो सक्ति तइ राक्षसलाइ दियो रे उइलाइ सासन अद्द्या अधिकार दियो।

प्रकाश 13:2 ပူးပေါင်းရင်းမြစ်များ

२ तिमोथी 4:17

तर प्रभु मेरा पक्षमि थ्या, रे उनले मलाइ बल दियो, ताकि मइले येशू ख्रीष्टका बारेमि सुसमाचार निक्केरि प्रचार अद्द सकु ताकि तिन सब गैर-यहुदि मान्सन जो अदालतमि थ्या, तिनन सबले यो सुण्न सकुन। भोकाया सिंहका मुख बठेइ बच्या जसेरि उनले मलाइ मृत्यु बठेइ बचायो।

१ पत्रुस 5:8

आत्मा नियंत्रित होउ रे जागा रअ, क्याकि तमरो शत्रु सैतान मान्सनलाइ नष्ट अददाइ निउति चारै तिर घुम्दा छ। उ गर्जन्या सिंहकि जसेरि कइलाइ फेला पार्लो रे खाउँलो भणबर दाउ खोजबर घुम्दा छ।

प्रकाश 12:13

जब तइ अजिङ्गरले आफ पृथ्बीमि खितिया धेक्यो तब तइले चेलो जन्माउनेइ तइ आइमाइलाइ खेद्यो।

प्रकाश 12:15

तइ पछा आजी स्यापले आफ्नो मुख बठेइ आइमाइका तिर नदिकी जसेरि पानी निकाल्यो ताकि तइ बाढिले तइ आइमाइलाइ बगाइबर लइजाउ।

प्रकाश 12:9

त्यो ठुलो अजिङ्गर तइका सबइ दुतसित धर्तीतिर खितियो। त्यो अजिङ्गर त्यो स्याप हो जो पइल्ली बठेइ छ जइलाइ सैतान भणिन्छ। यइ संसारका मान्सनलाइ भणकाउन्या यइ हो।

प्रकाश 13:12

यइ दोसरा राक्षसले पइलो राक्षसको सब अधिकार प्रयोग अरन्छ। दोसरा राक्षसले धर्ति रे तइमि बस्सयालाइ पइलो राक्षसको आराधना अद्द लाउनथ्यो, जइको मृत्यु ल्याउन सक्द्या जसो बड्ताइ चोट लाग्या चिन्ह थ्यो त्यो चोट निको भयो।

प्रकाश 13:4

सब मान्सनले अजिङ्गरको आराधना अरन्थ्या क्याकि तइले आफ्नो अधिकार राक्षसलाइ दियाथ्यो। तिननले तइ राक्षसको लगइ आराधना अर्यो, तिननले भण्यो “तइ राक्षस जतिको सक्तिशाली और कोइ आथिन। उइसित लड्ड कसइले लगइ सक्दइन।”

प्रकाश 16:10

पाँचउ स्वर्गदुतले आफ्नो कटौराको चिज तइ राक्षसका सिंहासनमि खणेयो, जइका लाग्दा उइको राज्य अनारो भयो। मान्सनले तइ ठुलो दुःखका लाग्दा जिबणो काट्ट पस्या।

प्रकाश 17:12

तमले धेक्या तिन दस सिङले दस राजालाइ प्रतिनिधित्व अरन्छ जइले सासन अद्द सुरु अर्या आथिन। तिन दस राजालाइ राक्षस सित मिलिबर सासन अद्द्या अनुमति छ, तर तिनरो सासन एक घन्टाकि निउति मान्तर हुन्या हो।

प्रकाश 19:20

तब त्यो पसु रे तइका उपस्थितिमि अचम्म काम अद्द्या झुटो अगमबक्ता दुइ पकडिया। यिन अचम्मका काम बठेइ तइ झुटा अगमबक्ताले तइ राक्षसको छाप लैन्या रे तइको आराधना अद्द्यालाइ भडकाइ राइथ्यो। यिन दुइ बलिरया गन्धकका अग्नि-कुण्डमी जिउनाइ खितिया।

प्रकाश 2:13

मलाइ था छ कि तमन तइ सहरमि बसन्छौ जाँ सैतानले सासन अरन्छ। पइलगइ तमनले ममि बिश्वास अददाछौ। मलाइ यो लगइ था छ कि एन्टिपासलाइ कि भयाथ्यो जइले बिश्वासयोग्यसित मेरा बारेमि मान्सनलाइ भण्यो। तिननले एन्टिपासलाइ सैतानले सासन अद्द्या ठाउँमि मार्या बेला लगइ तमन मसित इमानदार भइरया।

प्रकाश 20:2

तिनले तइ अजिङ्गर, त्यो पइलिको पुरानो स्याप, जो सैतान हो, तइलाइ पोकड्यो, पइ एक हजार वर्षका निउति बादिबर राख्यो।