फिलिप्पी 1:18 - डोटेली नयाँ करार

¹⁸ जी भया लगइ! महत्वपूर्ण कुरणी यो हो कि हर किसिमले झुटा किसिमले होस अथवा सत्यमी ख्रीष्टका बारेमि सुसमाचार प्रचार अरिया छ, रे इसइमि म खुशी छु।

फिलिप्पी 1:18 ပူးပေါင်းရင်းမြစ်များ

मत्ती 23:13

“तमन भयानक समस्यामि छौ! तमन मोशाको कानुन सिकाउन्यावाला रे फरिसि मान्सनको समुह हो, कपटि! तम मान्सलाइ स्वर्गका राज्यमि जानाइलाइ अनुमति दिनानु, क्याकि तमन न त आफ पसन्छौ, न त औरलाइ पस्स दिन्छौ।

मर्कुस 12:40

तिनन धोका दिइबर बिधवाका घरको सब सम्पति लइनाहान, रे तिनन मान्सलाइ आफ निको हु धेकाउनाइलाइ सार्वजनिक ठाउँमि लामा-लामा प्रार्थना अद्दाहान, यिसा मान्सलाइ परमेश्वरले पक्‍का आजी बड्ताइ दण्ड दिन्या हुन।”

लूका 9:45

तर तिननले उनले भणेइ कुरणी बुजेइन। क्याकि तिननले नबुजन्ना भणबर तिनन बठेइ गोप्य राखिरइथ्यो। तिनन यइ बिसयमि उनलाइ डरले सोद्द सकेइन।

लूका 9:50

तर येशूले तिनलाइ भण्यो, “उइलाइ मनाहि जन अर। क्याकि जो हामरा बिरोधमी आथिन उ हामरो पक्षमि छ।”

रोमी 3:9

तसो भया कि हाम यहुदि मान्सन गैर-यहुदि मान्सन भण्ना असल छौ? अवश्य आथिन, क्याकि सब मान्स, यहुदि मान्सन रे गैर-यहुदि मान्सन दुएइ पापका सक्तिका अधिनमी छन भणि मइले दोस लाइसक्याछु।

रोमी 6:15

क्याकि हाम कानुनको अधिनमी आथिन, तर परमेश्वरका अनुग्रहका अधिनमी छौ, तबइकिलाइ हामले पाप अद्द्या पड्डइन।

१ कोरिन्थी 10:19

म यो भण्नारइन कि मुर्तिलाइ चडाइया बलिको भौत मुल्य छ, रे तइ मुर्तिको भौत महत्त्व छ।

१ कोरिन्थी 14:15

तबइकिलाइ म पबित्र आत्माको अगुवाइमी प्रार्थना अद्द चाहानउ, तर मइले बोल्या सब्द और मान्सनले लगइ बुज्या चाहानउ। रे जब म गाउनउ, म चाहानउ कि मइले गाउन्या गीत पबित्र आत्माले प्रेरणा अर्या होस, तर यो लगइ आवश्यक छ कि मइले गाउन्नारया गीत और मान्सनले लगइ बुजउ।

१ कोरिन्थी 15:11

तबइकिलाइ मइले भया लगइ अथवा और येशू ख्रीष्टको छान्या शिष्यले भया लगइ, हाम सबले ख्रीष्टका बारेमि एकइ सन्देश प्रचार अर्या। रे त्यो तमनले बिश्वास अर्या छौ।

फिलिप्पी 1:19

हो, म खुशी होइरन्या हु क्याकि म यो जाण्नउ कि तमरो प्रार्थना रे येशू ख्रीष्टले पठाया पबित्र आत्माका सहयोगले यो मेरो मुक्ति रे छुटकाराकि निउति हुन्या हो।