फिलेमोन 1:8 - डोटेली नयाँ करार

^8-9 म तमले कि अद्दु पड्डया हो तइ अद्दाइ आज्ञा दिनउ। म ख्रीष्टले दियाको अधिकारलाइ प्रयोग अरिबर यो अद्द्या आज्ञा दिन सकलो, तर म इसो अद्दइन। बरु, म तमलाइ सामान्य हिसाबले यो अर भण्न्ना छु क्याकि हाम एक-अर्खालाइ रे परमेश्वरका मान्सनलाइ प्रेम अद्दाउ। म पावल बुढो मान्सको रुपमि आब भण्न्ना छु, रे मलाइ कसइ मान्सले झेलमि हाल्या छ क्याकि म येशू ख्रीष्टको सेवा अद्दउ।

फिलेमोन 1:8 ပူးပေါင်းရင်းမြစ်များ

२ कोरिन्थी 10:8

क्याकि हामरा अधिकारका बारेमि मइले केइ बरताइ घमण्ड अर्या भण्या लगइ म लाजमि पड्ड्या होइन, क्याकि यो अधिकार तमरा बिश्वासलाइ नास अददाइ होइन, तर प्रभुले तमरो बिश्वास बढाउनाइ सहयोग अददाइ हामलाइ दिया हो।

२ कोरिन्थी 11:21

कि तमन सोचन्छौ कि मइले तसो नअर्या हुनाले, म लज्जित छु? तर कसइले केइ कुरणीमि घमण्ड अरन्छ भण्या, म लगइ तिन कुरणीमि घमण्ड अद्दउ। हो, म मुर्खइ जसेरि बोल्ला छु।

२ कोरिन्थी 3:12

तबइकिलाइ हामरो इसो आसा भया हुनाले हाम भौत साहासी भयाछौ।

एफिसी 5:4

केइ अश्‍लील कुरणी अथवा मुर्ख कुरणी, रे ननिकि ठट्टा जन अर, यो तमनलाइ उचित हुनइन, बरु तमनले परमेश्वरलाइ धन्यबाद चाडाउनु पणन्छ।

१ थेसलोनिकि 2:2

हाम तमरा वाँ आउना हइ पइल्ली फिलिप्पी सहरमि भौत कष्ट भोग्या रे ताँका मान्सनले हामरो अपमान अर्या यिन सब कुरणी तमनलाइ थाइछ, रे थेसलोनिके सहरका मान्सनले घोर बिरोध अर्या लगइ हामरा परमेश्वरले हामलाइ नडराइबर तमनलाइ यो सुसमाचार प्रचार अद्दाइ सहयोग अर्याथ्यो।

१ थेसलोनिकि 2:6

हाम मान्सन बठेइ आदर खोज्जाइन, न त तमन बठेइ न और कसइ बठेइ। पइलगइ हाम ख्रीष्टका छान्या शिष्या भया हुनाले हामले तमनलाइ हाम प्रति खास मान्सनकि जसेरि ब्यबहार गराउन सकनथ्या, तर हामले तसो कभइ अरेइन। तमन बठेइ सहयोग पाउनु हामरो अधिकार थ्यो।