फिलेमोन 1:24 - डोटेली नयाँ करार

²⁴ तसेरि मर्कुस, अरिस्तार्खस, डेमास रे लूका जो मसित प्रभुको काम अददाहान, उनरो तमलाइ अबिबादन छ।

फिलेमोन 1:24 ပူးပေါင်းရင်းမြစ်များ

प्रेरित 12:12

यिन कुरणी जाणिबर कि परमेश्वरले तिनलाइ बचायो भणि पत्रुसले था भया पछा, तिन मर्कुस भणिन्या यूहन्नाइ इजा मरियमका घर गया। ताँ भौत बिश्वासि मान्सन जम्मा होइबर प्रार्थना अद्दाथ्या।

प्रेरित 12:25

जब यहुदिया देशमि यहुदि बिश्वासीनको सहयोग अद्दाइ रुप्या दिया पछा बारनाबास रे शाउल आफना काम पुरा अरिबर यरुशलेम सहर बठेइ एन्टिओखिया सहरमि फर्क्या। तिननसित मर्कुस भणिन्या यूहन्ना लगइ थ्या।

प्रेरित 13:13

पावल रे तिनरा साथी भाइन पाफोस सहर बठेइ जहाजमि चड़िबर सुरुमि पामफिलिया जिल्लाको पर्गा सहरमि पुग्या, रे मर्कुस भणिन्या यूहन्ना तिनन बठेइ छुटिबर यरुशलेम सहर फर्क्या।

प्रेरित 19:29

सहरका और भौत मान्सनले कला हाल्या आवाज सुण्यो रे ताँ गइबर तिननसित मिलिबर माकेडोनिया प्रदेस बठेइ आया पावलका साथी गायस रे अरिस्तार्खसलाइ समाइबर रङ्गशाला भितर घसाडिबर लैया।

प्रेरित 27:2

एड्रामिटेनोस सहर बठेइ एसिया प्रदेशका भौत बन्दरगाह भइबर जान्या एक जहाजमि चडिबर हामले यात्रा सुरु अर्या। माकेडोनिया प्रदेसको थेसलोनिके सहरका अरिस्तार्खस नाउँ भया एक जानो मान्स हामसित थ्यो।

२ कोरिन्थी 8:23

तीतस मेरा संगी रे तमरा सेवामि मेरा सहकर्मी हुन रे भाइन भण्या तिनन मण्डलिका छान्या शिष्या हुन रे तिनरो जीवन ख्रीष्टको प्रशंसाकि निउति हो।

फिलिप्पी 2:25

मइले इपाफ्रोडिटसलाइ तमरा वाँ पठाउनु जरुरी माण्या। उन मेरा भाइ, सहकर्मी रे मसित सुसमाचारको रक्षा अद्द्या योद्दा रे तमनले छान्या शिष्य रे मेरा खाचोमी सेवा अद्दाया मान्स हुन।

फिलिप्पी 4:3

म तमलाइ सोद्दउ, सिसिगुस, जसो तमरो नाउँ छ, बिश्वासयोग्य सहकर्मी, म तमनलाइ यो बिन्ति लगइ अद्दउ कि यिन दुइ स्वानी मान्सनलाइ मेलमिलापमि बसाइलाइ सहयोग अर, क्याकि यिनले मसित सुसमाचार फइलाउन्या काममी, कष्टमी रे मेरा और सहकर्मी सित मिहिनेत अरिराइछ, जइको नाउँ तइ किताबमी लेखिरइछ जइमि अनन्त जीवन पाया मान्सनको नाउ लेखिया छ।

कलस्सी 4:10

मेरा संगि कैदी अरिस्तार्खसले तमनलाइ अबिबादन पठाया छन। बारनाबासको भान्ज मर्कुसले अबिबादन पठाया छन। तमनले मर्कुसका बिसयमि पइल्ली चिठ्ठी पाइसक्याछौ। उन तमरा वाँ आया भण्या उनलाइ स्वागत अर।

कलस्सी 4:14

प्यारो वैध लूका रे डेमासले लगइ तमनलाइ अबिबादन पठाया छन।

१ पत्रुस 5:13

तमन जसाइ परमेश्वर बठेइ चुनिया बेबिलोन सहरको बिश्वासीनले तमनलाइ अबिबादन पठाया छन। मर्कुसले लगइ तमनलाइ अबिबादन पठाया छन। जो मेरो चेलो जसोइ छन।

३ यूहन्ना 1:8

तबइकिलाइ इसा मान्सनलाइ सेवा सत्कार अद्दु पणन्छ, ताकि हाम सत्य कुरणी प्रचार अद्द्या काममी सहभागी हुन सकौ।