मर्कुस 5:35 - डोटेली नयाँ करार

³⁵ जब येशू तइ आइमाइसित कुरणी अद्दाथ्या यहुदि सभाघरको सासक याइरसका घर बठेइ मान्स आया रे भण्यो, “तमरि चेली त मरिगइन गुरुजीलाइ आब क्याकि दु:ख दिन्नाछौ?”

डोटेलि

³⁵ उनु बोल्‍ला बोल्‍लाइ सभाघरका सासक याइरसका घरहइ मान्‍स आया। तिनुले यारसलाइ भुन्‍यो, “तमरि चेलि त मरिगइ। आब गुरुलाइ दु:ख जनदिय।”

मर्कुस 5:35 ပူးပေါင်းရင်းမြစ်များ

मत्ती 26:10

तर येशूले यो था पाइबर तिननलाइ भण्यो, “तमन तइलाइ एकलि छाडिदिय, रे तइलाइ दु:ख दिन बन्द अर। तइले त मेरा निउति एक निको काम अरिराइछ।

मत्ती 26:18

उनले भण्यो, “सहरमि एक जाना मान्सका वाँ जा, रे तइलाइ भण, गुरु जी भण्नाहान कि त्यो व्यवस्थित पाउना कोठा काँ छ जा म लगइ आफना शिष्यासित निस्तार काजबारको भोज खान्या हु?”

मत्ती 9:18

जब उनले तिननलाइ यिन कुरणी भण्नाथ्या, तब यहुदि सभाघरको सासक आयो, रे उनलाइ आराधना अरि भण्यो, “मेरी चेली भक्करइ मरि, तर तमले मेरा घर आइबर उइमि आफना हात राखिदिनु पण्यो क्याकि उ निकी होइबर बाचउ।”

मर्कुस 10:17

येशू रे उनरा शिष्या बाटाइनि जाना जानाइ, एक जाना मान्स दकुडिबर येशूका वाँ आयो रे आदर अर्या धेकाउनाइलाइ येशूका अगाडी घोप्टो पर्यो। रे उनलाइ सोध्यो, “ओ असल गुरु, मइले कि काम अरु कि परमेश्वरले मलाइ अनन्त जीवन दिउन?”

मर्कुस 5:22

तब यहुदि सभाघरको सासक मध्ये याइरस नाउँ भया एक जाना आया रे येशूलाइ धेकिबर आदर अर्या धेकाउनाइलाइ उनरा अगाडी घोप्टो पर्यो।

लूका 8:49

जब येशू तइ आइमाइसित कुरणी अद्दाथ्या, यहुदि सभाघरको सासक याइरसका घर बठेइ मान्स आया रे भण्यो, “तमरि चेली त मरिगइन, गुरुजीलाइ आब क्याकि दु:ख दिन्नाछौ?”

यूहन्नाले लेख्या सुसमाचार 11:21

तब मार्थाले येशूलाइ भणि, “प्रभु, तम यइ भया भए मेरो भाइ मद्देइ थेइन।

यूहन्नाले लेख्या सुसमाचार 11:25

येशूले तइलाइ भण्यो, “म तेइ हु, जो मर्या बठेइ जिउना बनाउनउ रे जइले जीवन दिन्छ। मलाइ बिश्वास अद्द्या मर्या लगइ जिउनो हुन्या हो।

यूहन्नाले लेख्या सुसमाचार 11:28

इति भणबर त्यो निगइ, रे आफ्नि बैनि मरियमलाइ बोलाइबर खुसुक्‍क भणि, “गुरुज्यू, पुग्ग्या, रे तुलाइ बोलाउन्ना छन।”

यूहन्नाले लेख्या सुसमाचार 11:32

जब मरियम येशू भया ठाउँमि पुगि रे उनलाइ धेक्यो, तब यिसो भण्नी त्यो उनरा खुट्टाइनि पडि, “हे प्रभु, तम याँ भया भए मेरो भाइ मद्देइ थेइन।”

यूहन्नाले लेख्या सुसमाचार 11:39

येशूले भण्यो, “ढुङो हटा।” मर्या मान्सकि दिदि मार्थाले उनलाइ भणि, “हे प्रभु, यइ बेला सम्म त त्यो गनाउन पसिगइ हो, क्याकि त्यो मर्या चार दिन होइय्या।”

यूहन्नाले लेख्या सुसमाचार 5:25

साँच्चि, म तमनलाइ भण्नउ, त्यो समय आउनाछ, रे त्यो समय अइलइ हो, जब मर्याले परमेश्वरका चेलोको डाको सुण्नाहान, रे जो सुण्न्या छन तिनन सब सदाइ बाँच्या छन।