मर्कुस 5:30 - डोटेली नयाँ करार

³⁰ येशूले आफ बठेइ निको अद्याया सक्ति निकल्या था पाया हुनाले भिडलाइ पछाडी तिर तकिबर सोध्यो, “कइले मेरा लत्ता छोयो?”

डोटेलि

³⁰ इसुले आफुबटहइ सक्‍ति निकल्‍बर गया थाँ पायो रे पछाडि फर्‌किबर भिडलाइ सोध्‍यो, “कइले मेरो लत्‍ता छोयो?”

मर्कुस 5:30 ပူးပေါင်းရင်းမြစ်များ

मर्कुस 5:31

उनरा शिष्याले उनलाइ भण्यो, “तमरा वलतिर-पलतिर भिड खचाखच धेक्दइलाछौ” पइलगइ भण्नाछौ “मलाइ कइले छोयो?”

लूका 5:17

एक दिन येशूले सिकाउन्या बेला गालील रे यहुदिया जिल्लाको क्षेत्रका हरेक गाउँ रे यरुशलेम सहर बठेइ आया फरिसि मान्सनको समुह रे मोशाको कानुन सिकाउन्यावाला नजिकै बसिरइथ्या। परमप्रभुको निको बनाउन्या सक्ति उनसित थ्यो।

लूका 6:19

सारा भिडले उनलाइ छुनाइ खोज्जाथ्या, क्याकि सक्ति उन बठेइ निकलिरइथ्यो, रे तिनन जम्माइलाइ निको बनाउनाथ्यो।

लूका 8:46

तर येशूले भण्यो, “कसइले मलाइ छोयइ हो, क्याकि निको अद्याया सक्ति म बठेइ निकलिबर गया मइले था पाया हु।”

१ पत्रुस 2:9

तर तमन इसा होइनु, क्याकि तमन परमेश्वरका चुनिया मान्सन हौ, तमन परमेश्वरका पुजारि हौ, जो राजा हुन। तमन परमेश्वरको सेवा अददाइ समर्पित भया मान्सन रे परमेश्वरका निजि प्रजा हौ। उनले तमनलाइ अनारा बठेइ आफ्नो अदभूत ज्योतिमि लेया छ, ताकि तमनले परमेश्वरका अचम्मका कामको घोषणा अद्द सक।