मर्कुस 4:24 - डोटेली नयाँ करार

²⁴ आजी येशूले तिनलाइ भण्यो, “साबधान होउ कि तम जी सुणन्छौ। क्याकि जइ नापले तमन दिन्छौ, तसइ नापमि तमन लगइ फिर्ता पाउन्या हौ। रे तमनलाइ झिक बड्ता दिइन्या हो।

डोटेलि

²⁴ अज इसुले तिनुलाइ भुन्‍यो, “तमु ज्‍या सुनन्छउ, तइमि ध्‍यान दिय। क्‍यालाइकि जइ नापले तमु दिन्‍छउ तसइ नापले तमु पाउछउ। रे तमुलाइ झिग बर्ता दिइन्‍या छ।

मर्कुस 4:24 ပူးပေါင်းရင်းမြစ်များ

मत्ती 7:2

क्याकि जसेरि तमन औरलाइ दोस लाउछौ, तसेरि परमेश्वरले तमलाइ लगइ दोस लाउन्या हुन, क्याकि जइ नापले तमन नापन्छौ तसेरि तमरि निउति नापिन्या हो।

मर्कुस 9:7

तब एक बादल आयो रे तिननलाइ ढाक्दियो रे परमेश्वरले बादल बठेइ इसो भण्यो, “यिन मेरा प्यारा चेलो हुन रे इनरि कुरणी सुण!”

लूका 8:18

तबइकिलाइ होस अर्या, तमन कसेरी सुणन्छौ, जइले बुज्जया इच्छा अरन्छ तइलाइ परमेश्वरले बुज्जया सक्ति दिनान, रे जइले बुज्जया इच्छा अद्दइन कि म कि सिकाउन्नाछु, तइको बुज्जया सक्ति परमेश्वरले खोस्साहान।

यूहन्नाले लेख्या सुसमाचार 10:16

मेरा और भेडा लगइ छन, जो यइ गोठका होइन। तिननलाइ लगइ मइले ल्याउनु पडिरइछ, रे तिननले मेरो डाको पछेण्न्या हुन, रे तिनन एकै बगाल हुनाहान, रे तिनरो एकै ग्वालो हुन्छ।

यूहन्नाले लेख्या सुसमाचार 10:27

जसेरि भेडाले आफ्नो असल गोठालोको सोर पछेण्नाहान, तसेरि मेरो मान्सन मेरा कुरणी ध्यानले सुण्नाहान। म तिननलाइ पछेण्नउ रे तिनन शिष्या हुनाइलाइ मेरा पछा लाग्दया हुन।

यूहन्नाले लेख्या सुसमाचार 5:25

साँच्चि, म तमनलाइ भण्नउ, त्यो समय आउनाछ, रे त्यो समय अइलइ हो, जब मर्याले परमेश्वरका चेलोको डाको सुण्नाहान, रे जो सुण्न्या छन तिनन सब सदाइ बाँच्या छन।

प्रेरित 17:11

ताँका यहुदि मान्सन थेसलोनिके सहरका मान्सन हइ भौत निका थ्या, तिननले परमेश्वरको बचन खुशी भइबर सुण्यो, पावलले भण्या कुरणी ठीक छ कि आथिन भणबर तिननले दिना दिन पबित्र सास्त्र पडिबर छानबिन अरन्थ्या।

२ कोरिन्थी 9:6

तर कुरणी यइ हो कि थोकाइ बुन्याले थोकाइ कटनी अरन्छ, रे बरता बुन्याले बरताइ कटनी अरन्छ।

हिब्रु 2:1

तबइकिलाइ हामले सिक्या कुरणी अददाइ निउति भौत ध्यान दिनु पणन्छ। तइ पछा हाम सत्य बठेइ बहकिबर जान्या आथिन।

१ पत्रुस 2:2

जसेरि नयाँ जन्म्या बालक आफ्नि आमाको सुद्द दुध खोजन्छ तसेरि तमनले परमेश्वरको बचन सिक्दाइ खोज्ज पणन्छ, ताकि तमन आत्मिक रुपमि परिपक्व हुन सक। तब छाड्डीबार, परमेश्वरले तमनलाइ यइ संसारका खराब चिज बठेइ पुरा रुपले बचाउन्या हुन।

१ यूहन्ना 4:1

प्यारा हो, तिन सबलाइ बिश्वास जन अर जइले पबित्र आत्मा बठेइ बोल्या दाबि अददाहान। तर तिन आत्मा परमेश्वर बठेइ आयाका हुन कि होइन भणबर तिनरो जाँच अर। क्याकि भौत झुटा अगमबक्ता लगइ येइ संसारमी छन।