मर्कुस 12:14 - डोटेली नयाँ करार

¹⁴ तिननले आइबर उनलाइ भण्यो, “गुरुज्यू, हाम जाण्नाउ, तम सदाइ इमानदार हौ, रे और तमलाइ कि सोच्चाहान भणबर कसइकि डर माणनानु। क्याकि तम सबसित एकनासको ब्यबहार अरन्छौ रे तम परमेश्वरको बाटो ठिक रितिले सिकाउछौ। आब तम हामलाइ भण, कि मोशाको कानुनले सम्राट लाइ कर तिद्दाइ अनुमति दिन्छ कि दिनइन?

डोटेलि

¹⁴ तिनुले आइबर उनुलाइ भुन्‍यो, “गुरु जि, हामुलाइ था छ कि तम साँचो कुरा बोलन्‍छउ, रे मान्‍सले क्‍या भनन्‍ना भनिबर लइ वास्‍ताइ अद्‍दाइन्‌। क्‍यालाइकि तमु मान्‍सको मुख हेरिबर काम अद्‍दाइन, तर परमेस्‍वरको बाटो साँचो रितिले सिकाउन्‍छउ। आब भुन हामुले रोमि महाराजालाइ कर तिद्‍द हामरा ब्‍यबस्‍था अन्‍सार ठिक हो कि नाइ?”

मर्कुस 12:14 ပူးပေါင်းရင်းမြစ်များ

मत्ती 22:16

तिननले आफना शिष्यालाइ हेरोद राजालाइ साथ दिन्या मान्ससित उनरा वाँ पठायो। तिननले भण्यो, “गुरुज्यू, हाम जाण्नाउ, तम सदाइ इमानदार हौ, रे और तमलाइ कि सोच्चाहान भणबर कसइको डर माणनानु। क्याकि तम सबसित एकनासको ब्यबहार अरन्छौ रे तम परमेश्वरको बाटो साँच्चि रितिले सिकाउछौ।

मत्ती 22:17

आब तम हामलाइ आफनो बिचार भण, कि मोशाको कानुनले सम्राटलाइ कर तिद्दाइ अनुमति दिन्छ कि दिनइन?”

मर्कुस 12:13

केइ समय पछा, ननिका कुरणीमि येशूलाइ फसाउनाइलाइ यहुदि अगुवानले फरिसि मान्सन मध्य कोइ मान्सन, रे हेरोद राजालाइ साथ दिन्या कोइ मान्सनलाइ येशूका वाँ पठायो।

मर्कुस 12:15

कि हामले कर तिद्दु पण्न्छ कि नइ?” येशूले तिनरो कपटिपन था पाइबर तिननलाइ भण्यो, “तमन मलाइ गलत कुरणी भणबर क्याइ फसाउन्या कोशिस अद्दाछौ? एक चाँदिको सिक्‍कालेइबर मलाइ धेका।”

मर्कुस 14:45

रे जब यहूदा आयो त्यो उतन्जेइ येशूका वाँ गयो रे भण्यो, “गुरु जी!” यहूदाले येशूलाइ अंगालो हाल्यो रे भात्ति खायो।

लूका 20:22

मोशाको कानुनले सम्राटलाइ कर तिद्दाइ अनुमति दिन्छ कि दिनइन?”

लूका 23:2

तिननले उनलाइ इसो भणबर दोस लाउन पस्या, “यइ मान्सले हामरा मान्सनलाइ रोमी सरकारका बिरुद्दमि बहकाउन्नारया हामले भेट्या। यइले सम्राटलाइ कर तिद्द बठेइ हामलाइ रोकन्छ, आफइलाइ ‘म ख्रीष्ट, एक राजा हु’ भणि भणन्छ।”

यूहन्नाले लेख्या सुसमाचार 7:18

जइले आफनाइ तिर बठेइ बोलन्छ, उइले आफनोइ सम्मान खोजन्छ, तर जइले आफलाइ पठाउन्याको सम्मान खोजन्छ, त्यो इमानदार हो, रे उइमि छल हुनइन।

रोमी 13:6

तबइकिलाइ लगइ तमन कर तिरन्छौ। क्याकि सासक परमेश्वरका सेवक हुन, तिनन आफ्नो काम पुरा अददाइ आफलाइ समर्पित अददाहान।

२ कोरिन्थी 2:17

क्याकि भौत मान्सन सरह हाम परमेश्वरको बचन पैसाकी निउति प्रचार अद्दइन तर निष्कपट मनले ख्रीष्टको अधिकारसित हाम परमेश्वरको बचन प्रचार अददाउ, यो जाणिबर कि परमेश्वरले हामलाइ हेरिराइछ।

२ कोरिन्थी 2:2

क्याकि मइले तमनलाइ दु:खी बनाया भण्या मइले दु:खी बनाया तमन बाहेक और कसइले लगइ मलाइ खुशी बनाउन सक्दइन।

२ कोरिन्थी 4:1

तबइकिलाइ परमेश्वरका कृपा बठेइ हामसित परमेश्वरको बचन प्रचार अद्द्या सेवा भया हुनाले हाम हरेस खानाइन।

२ कोरिन्थी 5:11

तबइकिलाइ हाम प्रभुको भय माणिबर मान्सनलाइ सत्यमी बिश्वास अददाइ बिन्ति अददाउ। रे परमेश्वरले हामलाइ पूरारुपमी जाण्नाहान, रे म आसा अद्दउ कि तमरा बिबेकले लगइ हामलाइ निक्केरि जाणन्छ।

२ कोरिन्थी 5:16

तबइकिलाइ आब बठेइ हाम कसइलाइ मान्सका नजरले हेद्दाइन। हामले ख्रीष्टलाइ एक बेला संसारिक नजरले हेर्याथ्या, तर आब बठेइ उनलाइ इसेरि हेद्द्या आथिन।

गलाती 1:10

साच्ची म मान्सनलाइ खुशी पड्ड कोशिस अद्दारयइन, तर परमेश्वरलाइ खुशी पड्ड चाहानउ। म मान्सनलाइ खुशी पड्ड कोशिस अद्दारयइन। यदि मइले आजी मान्सलाइ खुशी पड्ड कोशिस अर्या भया म ख्रीष्टको दास हुन्या थेइन।

गलाती 2:6

यरुशलेम सहरमि भया तिन मण्डलिका अगुवानले मइले सिकाउन्या शिक्षालाइ बदेल्लाइ दबाब दियइन, तिन अगुवान जति ठुला भया लगइ यइले मलाइ केइ फरक पड्डइन, क्याकि परमेश्वरले बाइरको रुप हेरिबर न्याय अद्दाइन।

१ थेसलोनिकि 2:4

परमेश्वरले हामलाइ योग्य ठानिबर सुसमाचार हामरा जिम्मामि सुम्पिराइछ। तबइकिलाइ हाम मान्सनलाइ होइन, तर हामरो हृदय जाँच्या परमेश्वरलाइ भौत खुशी पाड्डाइ उपदेस दिनाउ।