मर्कुस 10:47 - डोटेली नयाँ करार

⁴⁷ जब तइले मान्सन बठेइ यो सुण्यो कि येशू जो नासरत गाउँका थ्या, तइ बाटो भइबर आउन्ना छन भण्न्या सुण्यो, तब कला हालिबर त्यो भण्न पस्यो, “ओ येशू राजा दाउदका बंस, ममि दया अर!”

डोटेलि

⁴⁷ जबइ तइले उनु नासरतका इसु हुन्‌ भन्‍न्‍या सुन्‍यो, तबइ त्‍यो चिच्‍च्‍याइबर भुन्‍न लाग्‍यो, “हे नासनरतका इसु, दाउदका चेला, मु मुथि दया अर।”

मर्कुस 10:47 ပူးပေါင်းရင်းမြစ်များ

मत्ती 1:1

येशू ख्रीष्टका पुर्खेउलीको नाउँको सुचि यो हो। उन राजा दाउदका बंस हुन, रे राजा दाउद अब्राहामका बंस हुन।

मत्ती 12:23

पइ भिडका जम्माइ मान्सनले अचम्म माण्यो रे भण्न पस्या, “कि यिन दाउदका सन्तान हुन?”

मत्ती 15:22

तइ इलाका बठेइ एक कनानी आइमाइ आइबर कला हाल्ली भण्न पसि, ओ प्रभु, दाउदका चेला, ममि दया अर। मेरी चेलीलाइ भूतले बड्ताइ सताइराइछ।

मत्ती 2:23

तिनन गइबर नासरत भण्न्या गाउँमी बस्या। यिसेरी अगमबक्ता बठेइ येशूका बारेमि बोल्या बचन पुरा भयो, तबइकिलाइ उनलाइ नासरत गाउँको बासिन्दा भणिन्छ।

मत्ती 20:30

दुइ जाना काना मान्सन बाटाका ड्यालीमी बस्याथ्या, येशू तसइ बाटा जान्नाछन भण्न्या सुणिबर कला हालिबर तिननले भण्न पस्या, “राजा दाउदका बंस, हाममि दया अर!”

मत्ती 21:11

भिडका मान्सले भण्यो, “यिन गालीलका नासरत गाउँका अगमबक्ता येशू हुन।”

मत्ती 21:9

उनरा अगाडी पछाडिका भिडका मान्सले सबले खुसीसित कल्ला हालिबर नारा लायो, दाउदका चेलोलाइ होसन्ना! “धन्य हुन, उन, जो परमेश्वरका सक्तिमि आउनाहान! स्वर्गमि भया परमेश्वरलाइ प्रसंसा होस!”

मत्ती 26:71

त्यो बाइर दलानमि निकल्या पछा अर्खि नौकर्नीमि हइ एकले पत्रुसलाइ ताँ कल्लिया धेक्यो रे ताँ भयालाइ भणि, यो मान्स लगइ नासरत गाउँका येशूसित थ्यो।

मत्ती 9:27

येशू ताँ बठेइ जान्नाथ्या, दुइ जाना अन्धा उनरा पछा लाग्या, उनले कला हालिबर भण्न पस्या, “राजा दाउदका बंस, हाममि दया अर!”

मर्कुस 1:24

उतनजेइ तइले जोरले बोलिबर भण्यो, “हे नासरत गाउँका येशू! तम हामलाइ क्याकि असजि अद्दाछौ? कि तम हामलाइ नास पाड्डाइ आया हौ? म तमलाइ पछेण्नउ, तम को हउ? तम मान्तर पबित्रजन हौ जो परमेश्वरका वाँ बठेइ आया हउ।”

लूका 4:16

उन नासरत गाउँमी फर्किबर गया, जाँ उन हुर्क्या। उन आफ्नो चलन अन्सार बिश्राम दिन यहुदि सभाघरमी गया, रे पबित्र सास्त्र पड्डाइलाइ कलिया।

यूहन्नाले लेख्या सुसमाचार 1:46

नथानेलले तइलाइ भण्यो, “कि नासरत गाउँ बठेइ केइ निकी कुरणी आउन सकन्छ ब?” फिलिपले तइलाइ जबाफ दियो, “आइबर हेर।”

यूहन्नाले लेख्या सुसमाचार 19:19

पिलातस हाकिमले एक दोषपत्र लेख्यो रे येशूका मुन्टाका मल्तिर क्रुसमि दोषपत्र टाङयाथ्यो, रे तइमि इसो लेखिरइथ्यो: “नासरत गाउँका येशू यहुदिका राजा।”

यूहन्नाले लेख्या सुसमाचार 7:41

औरले भण्यो, “यिन ख्रीष्ट हुन।” तर कसइ-कसइले भण्यो, “कि ख्रीष्ट गालील जिल्ला बठेइ आउनाहान ब?

यूहन्नाले लेख्या सुसमाचार 7:52

तिननले मजाक अरिबर उनलाइ भण्यो, “तु लगइ गालील जिल्ला बठेइ हुनु पणन्छ। पबित्र सास्त्र खोजीबर हेर, रे तु था पाउन्या हइ, कि गालील जिल्ला बठेइ अगमबक्ता निकल्लइन।”

प्रेरित 6:14

क्याकि यइले यिसो भण्या हामले सुण्या, नासरत गाउँका येशूले यइ मन्दिरलाइ नास अद्द्या हुन, रे मोशाले हामलाइ दिया रित लगइ बदलदिन्या हुन।”

प्रकाश 22:16

म येशूले मेरा दुतलाइ यिन कुरणी तमरा वाँ भण्नाइ पठाया छु, जो परमेश्वरका मण्डलिका समुहमी छन। म राजा दाउदको सन्तान हु। म उइ हु जो तारा जसो छ, जो परभातइ धेकिन्छ।