मत्ती 9:38 - डोटेली नयाँ करार

³⁸ तबइकिलाइ फसलका प्रभुलाइ प्रार्थना अर, रे उनले भौत खेतालालाइ उनरो राज्यका बारेमि मान्सनलाइ प्रचार अददाइ पठाउन्या हुन।”

मत्ती 9:38 ပူးပေါင်းရင်းမြစ်များ

मत्ती 9:37

उनले आफना शिष्यालाइ भण्यो, “जसेरि खेतमी फसल भौत छ, तसेरि भौत मान्सन छन जो परमेश्वरको बचन सुणनाइलाइ तयार छन। तर तिननलाइ परमेश्वरको राज्यका बारेमि भणन्या थोक्काइ खेताला छन।

यूहन्नाले लेख्या सुसमाचार 20:21

पइ येशूले तिननलाइ आजी भण्यो, “तमनलाइ सान्ति होउ जसेरि मेरा पिताले मलाइ यइ संसारमी पठाया छ तसेरि म लगइ तमनलाइ यइ संसारमी पठाउन्या हु।”

यूहन्नाले लेख्या सुसमाचार 4:35

कि तमन भण्नानु, आजी चार मैना बाँकि छ, तब बालि काट्टया बेला आउँछ? म तमनलाइ भण्नउ, आफना आँखा खोल, रे आउन्या मान्सनलाइ हेर। तिनन एक खेत जसाइ हुन जो काट्टाइलाइ तयार भइरइछन।

प्रेरित 13:2

तिननले प्रभुको आराधना अद्दारया रे उपवास बस्या बेला पबित्र आत्माले भण्यो, “मेरा निउति बारनाबास रे शाउललाइ तइ कामकी निउति छुट्या, मेरा सेवाकि निउति मइले तिननलाइ बोलाइराइछु।”

प्रेरित 8:4

तर छरिया बिश्वासीले चारै तिर गइबर बचन प्रचार अर्यो।

१ कोरिन्थी 12:28

ख्रीष्टको यो मण्डलिमि, परमेश्वरले हामलाइ फरक फरक किसिमका काम अददाइ दिया छ: पइलो, उनले केइ मान्सनलाइ येशू ख्रीष्टका छान्या शिष्या हुनाइ, दोसरो अगमबक्तान, जइले उनरो बचन बोलन्छ, तेसरो शिक्षक। तइ पछा उनले केइ मान्सनलाइ अचम्मका काम अद्द्या अधिकार दियो। तइ पछा उनले केइ मान्सनलाइ निको पाड्डया अधिकार दियो, केइ मान्सनलाइ उनले औरलाइ सहयोग अद्द्या बरदान दियो, कसइलाइ अगुवान हुन्या, रे कसइलाइ पबित्र आत्मा बठेइ फरक फरक भासा बोल्लया बरदान दिया छ।

एफिसी 4:11

ख्रीष्टइले मण्डलिलाइ यिन जिम्मेवारी दियो: उनले कसइलाइ छान्या शिष्य, कसइलाइ अगमबक्ता, कसइलाइ प्रचारक, कसइलाइ मण्डलिका पास्टर रे कसइलाइ शिक्षक हुनाइ चुन्यो।

२ थेसलोनिकि 3:1

अन्त्यमि बिश्वासि भाइन हो, हामरा निउति प्रार्थना अद्दया अर, ताकि हामले प्रभु येशू ख्रीष्टको बारेमि यो सन्देश छिट्टाइ सब ठाउँमि फैलाउन सकु रे तमनले बिश्वास अर्या जसेरि और मान्सनले बिश्वास अरुन।