मत्ती 9:22 - डोटेली नयाँ करार

²² फनक्‍क फर्किबर हेरनज्या येशूले तइ स्वानी धेक्यो, रे भण्यो, “चेली, साहस अर, तेरा बिश्वासले तुलाइ निको बनाइराइछ।” त्यो स्वानी तसइ बेला निकी होइगइ।

मत्ती 9:22 ပူးပေါင်းရင်းမြစ်များ

मत्ती 15:28

तब येशूले तइलाइ जबाफ दियो, “ए नारी, तेरो बिश्वास ठुलो रइछ। तुइले मन अर्या जसो तुलाइ होइजाउ।” तइकि चेली तसइ बेला निकी होइगइ।

मत्ती 17:18

पइ येशूले भूतलाइ हकाद्द पस्या रे त्यो तइ मान्स बठेइ निकल्यो; पइ त्यो केटा उन्जेइ बठेइ निको भयो।

मत्ती 8:13

येशूले कप्तानलाइ भण्यो, “घर जा, जसो तुइले बिश्वास अरिराइछइ, तसोइ तुकिलाइ होइजाउ।” रे त्यो नौकर तसइ बेला निको होइय्यो।

मत्ती 9:2

केइ मान्सनले एक लुलो मान्स बिस्तरामि येशूका वाँ लेया। येशूले तिनरो बिश्वास धेकिबर तइ लुला मान्सलाइ भण्यो, “चेला, हिम्मत अर। तेरा पाप क्षमा भया छन।”

मत्ती 9:29

तब उनले तिनरा आँखा छोइबर भण्यो, “मइले तमलाइ निको बनाउना छु क्याकि तमले मलाइ बिश्वास अर्या छौ।”

मर्कुस 10:52

येशूले तइलाइ भण्यो, “मइले तुलाइ निको बनाउना छु क्याकि तुइले मलाइ बिश्वास अर्या छइ। तु आफना घर जा। उइले उतन्जेइ धेक्द सक्द्या भयो रे उ और मान्सनसित गयो जो येशूका पछा-पछा लागीरइथ्या।”

मर्कुस 5:34

तइ स्वानिलाइ येशूले भण्यो, “चेली, साहस अर, तेरा बिश्वासले तुलाइ निको बनाइराइछ। सान्ति सित जा, तेरो रोग निको होउ।”

लूका 17:19

रे उनले तइलाइ भण्यो, “उठ, रे जा। क्याकि तुइले बिश्वास अरि रे तु निको भयाछइ।”

लूका 18:42

तब येशूले तइलाइ भण्यो, “मइले तुलाइ निको बनाउना छु क्याकि तुइले मलाइ बिश्वास अर्या छइ।”

लूका 7:50

उनले तइ आइमाइलाइ भण्यो, “परमेश्वरले तुलाइ बचाया छ क्याकि तुइले ममि बिश्वास अरि, सान्ति सित जा।”

लूका 8:48

उनले तइलाइ भण्यो, “चेली, साहस अर, तेरा बिश्वासले तुलाइ निको बनाइराइछ, सान्ति सित जा।”

यूहन्नाले लेख्या सुसमाचार 4:53

येशूले तइलाइ तेरो चेलो बाँचिजान्या हो भण्या बेला बठेइरइछ भणि ठुला हाकिमले था पायो। रे त्यो आफइ रे तइका सारा परिबारले येशूमि बिश्वास अर्यो।

प्रेरित 14:9

तइले पावललाइ बोल्लार्या सुण्न्नाथ्यो, पावलले तइलाइ एकहोरो हेर्यो रे तइ मान्सले “म लगइ निको हुन सक्दउ” भणि बिश्वास अर्याछ भण्न्या पावलले था पायो।

प्रेरित 16:18

तइले भौत दिन सम्म इसोइ अर्यो। तब पावलले दिक्‍क माणिबर फनक्‍क फर्किबर तइ भूत आत्मालाइ भण्यो, “येशू ख्रीष्टका नाउँमि म तुलाइ तइ बठेइ निकल्ल्या आज्ञा अद्दउ।” पइ त्यो भूत आत्मा तसइ बेला निकल्यो।

हिब्रु 4:2

जसेरि हामले येशू ख्रीष्टका बारेमि सुसमाचार सुण्याछौ, इस्रायल देशका मान्सनले लगइ आरामका ठाउँमि प्रवेश अद्द्या सुसमाचार सुण्या थ्या। तर तिननले यइमि बिश्वास अरेइन। तबइकिलाइ त्यो सन्देश तिननकी निउति काम नलाग्द्या भयो।