मत्ती 8:9 - डोटेली नयाँ करार

⁹ क्याकि मलाइ था छ कि म लगइ अधिकारीका अधिनमी छु, मेरा अधिनमी सिपाइ छन। म एक जनालाइ जा भण्नउ, रे त्यो जान्छ, रे अर्खाकि आ भण्नउ, त्यो आउँछ। मेरा नौकरलाइ यिसो अर भण्नउ, रे तइले त्यो अरन्छ।”

मत्ती 8:9 ပူးပေါင်းရင်းမြစ်များ

मत्ती 8:10

येशूले तइकि कुरणी सुणिबर अचम्म माण्यो, रे उनरा पछा आउन्यालाइ भण्यो, “साँच्चि, म तमनलाइ भण्नउ, मइले पुराइ इस्राएल देशमि इसो एक मान्स लगइ भेटेइन कि यो गैर-यहुदि जइले ममि इति ठुलो बिश्वास अरन्छ।

मत्ती 8:8

तर कप्तानले भण्यो “प्रभु, तमलाइ मेरा घरमि स्वागत अद्द्या लायकको म आथिन। तर बचन मान्तरइ बोल्दिय, रे मेरो नौकर निको होइजान्या हो।

मर्कुस 1:27

यहुदि सभाघरमी भया सब मान्सले भौत अचम्म माण्यो। रे तिन एक अर्खालाइ सोद्द लाग्या, “यो एक नयाँ प्रकारको ज्ञानकि कुरणी रइछ। क्याकि येशू उनसित एक इसो शिक्षककि जसेरी कुरणी अरन्थ्या जइसित अधिकार छ, रे याँ सम्मकि येशूले भूतलाइ आज्ञा दिनाहान रे भूतले उनरो आज्ञा माणनाहान।”

लूका 4:39

उइका नजिकै गइबर उनले जरलाइ हकार्यो, रे जरले उइलाइ छाड्यो, उतनजेइ उठीबर उइले तिननलाइ खानाइ दियो।

लूका 7:8

क्याकि म लगइ अधिकारीका अधिनमी छु, मेरा अधिनमी सिपाइ छन। म एकलाइ जा भण्नउ, त्यो जान्छ, रे अर्खालाइ आ भण्नउ, त्यो आउन्छ। मेरा नौकरलाइ यो अर भण्नउ, तइले त्यो अरन्छ।”

लूका 9:1

तब येशूले बार जाना शिष्या एकखट्टा बोलायो, रे तिनन सबलाइ भूत निकाल्या रे रोग निको बनाउन्या सक्ति रे अधिकार दियो।

कलस्सी 3:22

दास हो, तमनले आफ्ना संसारका मालिकले भण्या सब कुरणी माण रे मालिकलाइ आँखाका अगाडी मान्तर असल काम अरिबर खुशी बनाउन्या होइन, बरु तिननले नधेक्या बेला लगइ इमानदार भइबर प्रभुसित डराइबर असल काम अद्द्या अर।

तितस 2:9

बिश्वासि दासलाइ भण कि सदाइ आफना मालिकको आज्ञापालन अर। तिननलाइ त्यो अददाइ भण जइ कुरणीले तिनरा मालिकलाइ खुशी बनाउन्छ, आफना मालिकका मुख-मुख जन लागुन।