मत्ती 7:19 - डोटेली नयाँ करार

¹⁹ हरेक रुख जो फुचेरो फल फलाउछ तिन सब काटीन्छ, रे आगाइनी हालिन्छ। झुटा अगमबक्तालाइ इसेरि दण्ड दिइन्या हो।

मत्ती 7:19 ပူးပေါင်းရင်းမြစ်များ

मत्ती 3:10

अइलइ रुखका जडा बन्चरो पडियो। तबइकिलाइ असल फल नफलाउन्या सब रुख काटीबर आगाइनी हालिन्या हुन।

मत्ती 7:18

एक निका रुखले फुचेरो फल फलाउनइन, न त फुचेरा रुखले निको फल फलाउन सकन्छ।

लूका 3:9

पाप अद्द छाडिबर परमेश्वरतिर नफर्किन्या हरेक मान्सलाइ परमेश्वर दण्ड दिन तयार छन, जसेरि कोइ मान्स असल फल नफलाउन्या रुखलाइ बन्चरो लइजाइबर काट्टाइ तयार हुन्छ। तबइकिलाइ जो मान्स असल फल नफलाउन्या रुख जसो छ, त्यो परमेश्वर बठेइ दोषि हुन्या हो, रे आगाइनी हालिन्या हुन।”

तितस 3:14

इति मान्तर होइन, तुइले बिश्वासिनलाइ सिकाइ राख्दु पणन्छ रे निको काम अददाइ लगातार मिहिनत अददु पणन्छ ताकि तिन मान्सनको खाचो पुरा अद्द सकुन जो अभावमि छन। तसो अर्या हुनाले तिननले अर्थपूर्ण जीवन बिताउन सक्द्या हुन।

हिब्रु 6:8

और मान्सन तइ जमिन जसाइ हुन, जइले काणा रे सिउँडी उमार्न्छ रे त्यो जमिन बेकार हुन्छ। इसो जमिनमी त परमेश्वरको सराप पड्डया डर हुन्छ रे यो आगोले नष्ट हुन्या हो।

यहूदा 1:12

जब यिन मान्सनले प्रभुको प्रेम याद अरिबर तमरा प्रितिभोजमि तमनसित खानाहान, तिननले लाजकि कुरणी रे स्वार्थि काम अददाहान। तिनन डर लाग्दा चट्टान जसाइ हुन जो समुद्र भितर लुक्या हुनाहान रे तइले जहाजलाइ डुबाउन सक्दाहान। तिनन ग्वाला जसाइ हुन, जइले आफनो मान्तर हेरबिचार अददाहान। तिनन जमिन मल्तिर उड्डारया पानी नआउन्या बादल जसाइ हुन। तिनन हिउनका बोट जसाइ हुन, जो दुइ बेर मरिसक्या हुनाहान, क्याकि तिननले केइ फल फलाउनाइन रे जडाइ बठेइ उपाडिया छन।