मत्ती 7:15 - डोटेली नयाँ करार

¹⁵ “झुटा अगमबक्ता बठेइ होस अरि बस्या, तिनन इसा ब्वाँसा जसा हुन जो तमरा वाँ भेडाका भेसमि आउनाहान, मान्सन बिश्वास अद्दाहान कि उन भेडा हुन, तर साँच्चि तिन मान्सनलाइ हमला अद्दया डर लाग्द्या ब्वाँसा हुन।

मत्ती 7:15 ပူးပေါင်းရင်းမြစ်များ

मत्ती 10:17

मान्सन धेकि होस अर्या, क्याकि मान्सन तमलाइ पकड्या हुन रे चौकि लैजान्या हुन, रे तिनरा यहुदि सभाघरमी तमनलाइ कोर्रा लाउन्या हुन।

मत्ती 16:11

मइले तमनलाइ रोटाका बारेमि भण्या होइन भणि क्याकि तमन बुज्जानु? तर फरिसि मान्सनको समुह रे सदुकीको समुहको खमिर बठेइ होस अर्या।

मत्ती 16:6

येशूले तिननलाइ भण्यो, “ध्यान दिय, फरिसि मान्सन रे सदुकीको समुहको खमिर बठेइ साबधान बस।”

मत्ती 24:11

भौत झुटा अगमबक्ता आउन्या हुन, रे भौत मान्सनलाइ धोका दिन्या हुन।

मत्ती 7:14

क्याकि अनन्त जीवनमी पुगाउन्या साँणो ढोका हुन्छ रे बाटो असजि हुन्छ, रे तइ पाउन्या थोक्काइ मान्सन हुनाहान।”

लूका 12:15

पइ उनले तिननलाइ भण्यो, “होस अर, तमन सब किसिमका लालच बठेइ जोगिन्या काम अर, क्याकि मान्सको जिन्दगी उइको धन-सम्पत्तिको प्रशस्ततामि रनइन।”

लूका 6:26

तमनलाइ भयानक दण्ड छ, जब सब मान्सनले तमरो प्रसंसा अद्दाहान। क्याकि इसेरि तमरा पुर्खाले झुटा अगमबक्तानलाइ प्रसंसा अर्याथ्यो।”

यूहन्नाले लेख्या सुसमाचार 10:12

नौकर मान्स भेडा आफनाइ ग्वालो जसो होइन। तइले त ब्वाँसा आया धेकिबर भेडा छाडिबर डरले भागन्छ, रे ब्वाँसाले भेडालाइ झ्म्टीन्छ रे तितर बितर पाडीदिन्छ। क्याकि त्यो तिनारो ग्वालो होइन रे तिनन उइका भेडा होइन।

प्रेरित 13:40

तबइकिलाइ होशियार होउ, नति अगमबक्तानका किताबमी भणिएइ यिन कुरणी तमनमि आइ पड्यइ हुन,

प्रेरित 13:6

तइ पछा तिननले सब साइप्रस टापुको एक गाउँ बठेइ अर्खा गाउँमी घुम्या, रे छाड्डीबार तिनन पाफोस सहरमि पुग्या, तब ताँ तिननले एक जाना यहुदि झुटो अगमबक्ता बार येशू भण्न्या एक जादुगर भेट्यो।

गलाती 2:4

खतनाको यो कुरणीले समस्या लेयो, क्याकि केइ झुटा भाइन गोप्यमी हामरा दलमि आया, रे हामरा उद्दारकर्ता येशूमि भया स्वतन्त्रतालाइ नास अददाइ खोज्जाथ्या, ताकि तिननले हामलाइ आजी यहुदि कानुनका बन्दक बनाउन सकुन।

एफिसी 4:14

तबइकिलाइ आब बठेइ हाम बच्चा जसाइ हुनु पड्डइन, आब हाम छालाले इथउथ लइजान्या ना जसोइ रे इथउथ चल्लया हावा जसा हुन्या आथिन। यइको अर्थ, आब धुर्त कपटि मान्सनले आफ्ना झुटा शिक्षा बठेइ हामलाइ धोका दिन्या आथिन।

एफिसी 5:6

यिन मान्सन बठेइ मुर्ख जन बन जो यिन पाप अद्दाइ बाहाना बनाउन्या कोशिस अददाहान, क्याकि यिन कुरणिका लाग्दा परमेश्वरको क्रोध आज्ञा नमान्या मान्सनमि पणन्छ।

फिलिप्पी 3:2

तिन मान्सन बठेइ होस अर्या जइले कुकुरका जसो ब्यबहार अददाहान, जइले ननिका काम अददाहान। तिन मान्सन बठेइ होस अर्या जइले भण्नाहान कि उद्दार पाउनाइलाइ खतना भया हुनु पणन्छ।

कलस्सी 2:8

होशियार बस कि कसइले लगइ तमनलाइ बिना मोलका रे ब्यर्थका कुरणीले जन छलउ तसा बिचार ख्रीष्टका होइन, तर मान्सले सिकाया शिक्षा बठेइ आउनाहान।

२ तिमोथी 3:13

तर दुष्ट मान्सन रे तिन ठगमान्सनले भौत दुष्ट काम अददाहुन, तिननले मान्सन धोका दिन्या हुन रे तिनन आफइ लगइ और बठेइ धोका पाउन्या हुन।

२ तिमोथी 4:3

क्याकि इसो समय आउन्ना छ, जब तिननले सत्य शिक्षालाइ स्वीकार अद्द्या होइन्न, तर तिननले आफ्ना इच्छा अन्सार हिट्या हुन रे तिननले भौत शिक्षकका कुरणी सुणन्या हुन।

२ पत्रुस 3:17

तबइकिलाइ प्रिय हो, तमनलाइ अगाडी बठेइ था छ कि यिन कुरणी हुनेइहुन। तबइकिलाइ होशियार होउ ताकि नियम नमाणन्या मान्सनले तमनलाइ झुटि बोलिबर जन अलमल्याउन। यदि तमनले तिनरा पछा लाग्या भण्या तमनले सत्य कुरणीमि बिश्वास अद्द छाडया हउ।

१ यूहन्ना 4:1

प्यारा हो, तिन सबलाइ बिश्वास जन अर जइले पबित्र आत्मा बठेइ बोल्या दाबि अददाहान। तर तिन आत्मा परमेश्वर बठेइ आयाका हुन कि होइन भणबर तिनरो जाँच अर। क्याकि भौत झुटा अगमबक्ता लगइ येइ संसारमी छन।

यहूदा 1:4

म यो लेख्दाछु क्याकि झुटा शिक्षा सिकाउन्या परमेश्वरको आज्ञा नमाणन्या केइ मान्सन तमरा बिचमि सुटुक्‍क पस्या छन। यिन मान्सनलाइ परमेश्वरले भौत पिढि अगाडी पबित्र सास्त्रमि भण्या थ्यो कि उनले सजाय दिन्या हुन। तिननले ननिका अनैतिक काम अद्द बहाना बनाउनाइ निउति परमेश्वरको अनुग्रहका बारेमि हामरो सन्देसलाइ बदल्या छन। तिननले हामरा एक मान्तर मालिक रे प्रभु येशू ख्रीष्टलाइ लगइ अस्वीकार अददाहान।

प्रकाश 16:13

तइ पछा मइले तीन भूत धेक्या जो भ्यागुता जसाइ धेकिनथ्या। एक अजिङ्गरको मुख बठेइ निकल्या थ्यो, एक पइलो राक्षसका मुख बठेइ, रे एक दोसरा राक्षसका मुख बठेइ लगइ, उ जइले एक झुटो सन्देश दियो।

प्रकाश 17:6

पइ मइले धेक्या कि त्यो आइमाइ परमेश्वरका पबित्र मान्सनका रगतले मातिरइ थी जइलाइ मान्सनले येशूका निउति तिनरा बिश्वासयोग्यताका लाग्दा मर्याथ्या। त्यो धेकिबर म भौत अचम्म पर्या।”

प्रकाश 19:20

तब त्यो पसु रे तइका उपस्थितिमि अचम्म काम अद्द्या झुटो अगमबक्ता दुइ पकडिया। यिन अचम्मका काम बठेइ तइ झुटा अगमबक्ताले तइ राक्षसको छाप लैन्या रे तइको आराधना अद्द्यालाइ भडकाइ राइथ्यो। यिन दुइ बलिरया गन्धकका अग्नि-कुण्डमी जिउनाइ खितिया।

प्रकाश 20:10

तइ पछा तिननले सैतानलाइ गन्धकले बल्ल्या ठाउँमि खित्यो जइले तिन सबइ मान्सनलाइ धोका दियो। तसइ ठाउँमि हुन्या हो जाँ तिननले पइल्ली राक्षस रे झुटो अगमबक्तालाइ खित्याथ्यो। आगोले दिन रे रात तिन सबइलाइ सदासर्वदा यातना दिन्या हुन।