मत्ती 5:30 - डोटेली नयाँ करार

³⁰ यदि तमरो दाइन हात पाप अद्दाइ परीक्षामि पणन्छ भण्या तइलाइ काटीबर खितदिय। क्याकि तेरो पुराइ शरीर नरकमि जाना भण्न्ना बरु तेरा अंगमी हइ एक अंग नहुनु तुकिलाइ भौत निको हो।”

मत्ती 5:30 ပူးပေါင်းရင်းမြစ်များ

मत्ती 11:6

धन्य हो त्यो, जइले ममि बाधाको कारण पाउनइन।”

मत्ती 13:21

तिननले आफ्नो हृदयमि तइका जडा बड्डाइ अनुमति दिनइन रे तिननले थोकाइ समयकीलाइ बिश्वास अद्दाहान। जसेरि तिनरा जीवनमी समस्या आउछ रे जब बचन स्वीकार अर्या कारणले केइ सतावट आउछ रे तिनन पछा हट्टाहान।

मत्ती 16:23

तर फर्किबर उनले पत्रुसलाइ भण्यो, “सैतानले जसेरि मेरो परिक्षा जन अरइ!, तु मेरा निउति बाधा भइ। क्याकि तु परमेश्वरका जसेरि होइन, तर मान्सनका जसेरि सोच्चाछइ।”

मत्ती 17:27

पइलगइ कर उठाउन्यालाइ हामले ठेस नदिउ भणि तमन समुद्रमि जाइबर बल्छि हाण रे पइल्ली पणयाको माछा ल्यास। पइ तइको मुख खोलनज्या एक पैसा मिललो रे तसइ लइजाइबर तमरि रे मेरा निउति कर उठाउन्यालाइ दि दिय।

मत्ती 18:8

तेरा हात कि खुट्टाले तुलाइ पाप अद्द लाउछ भण्या तइलाइ काटीबर खितदिय। दुइ हात कि खुट्टा सित अनन्त आगामी फालिनु भण्ना बरु लुलो कि डुणो होइबर जीवन भितर पस्सु तेरा निउति असल हुन्छ।

मत्ती 22:13

तब राजाले सेबकलाइ भण्यो, “तइका हात खुट्टा बादिबर तइलाइ बाइर अनाराइनि खिद्दिय, जाँ मान्स रुन्या हुन रे दारा किरोल्ल्या हुन।”

मत्ती 25:20

तब पाँच सुनका सिक्‍का पाउन्या नौकरले पाँच और सुनका सिक्‍का लेइबर इसो भण्यो, “हजुरले मलाइ पाँच सिक्‍का दियाथ्या मइले पाँच और कमाइराइछु।”

मत्ती 26:31

तब येशूले तिननलाइ भण्यो, आज रात मेरा उइले तमन पछाडी सद्दया हउ। क्याकि यिसो लेखिरइछ, म ग्वालालाइ हाँण्नउ रे बगालका भेडा जाँ सक्कैइ छरबट्टिन्या हुन।

मत्ती 5:22

तर म तमनलाइ भण्नउ कि जइले लगइ कसइसित रिस अरन्छ, तिननले पंचायतमि दण्ड पाउन्या हुन, रे जइले कसइलाइ काम नलाग्द्या भणन्छ, तिननले यहुदि महासभामि दण्ड पाउन्या हुन। तर जइले कसइलाइ तु मुर्ख भणन्छ, तिननले नरकका आगामी दण्ड पाउन्या हुन।

मत्ती 5:29

यदि तमरो दाइन आँखो पाप अद्दया परीक्षामि पणन्छ भण्या तइलाइ निकलिबर खितदिय, क्याकि तेरो पुराइ शरीर नरकमि खितिनु भण्न्ना बरु तेरा अंगमी हइ एक अंग नहुनु तेरा निउति निको छ।

मर्कुस 9:43

यदि तमरो हात पाप अद्दाइ परीक्षामि पणन्छ भण्या तइलाइ काटीबर खितदिय। दुइ हात भइबर नरकमि जाना भण्न्ना, त एक हात भइबर स्वर्गमि जानु तमलाइ भौत निको हो।

लूका 12:5

तर कइ धेकि डराउनु पणन्छ, म तमनलाइ चेताउनी दिनउ: तिनसित डराउनु पणन्छ जइसित शरीरलाइ मार्या पछा नरकमि फाल्दिन्या सक्ति छ। म तमनलाइ भण्नउ, तिननसित डरा।

लूका 17:2

जइले यिन नानो मान्सलाइ पाप अददु लाउछ, तइको गलाइनो जितारा एक पाटो झुन्ड्याइबर समुद्र भित्तरी खितिनु सबहइ निको हुन्छ।

रोमी 9:33

जसेरि पबित्र सास्त्रमि लेखियाछ, “हेर, यरुशलेम सहरमि एक ढुङो राख्दउ, जइमि मान्सनलाइ ठेस लागन्छ, एक पखान, जइले मान्सनलाइ लोटाउछ, तर उनमी भरोसा राख्द्या कोइ सर्ममि पडिन्या आथिन।”

१ कोरिन्थी 8:13

तबइकिलाइ यदि मुर्तिलाइ चडाया खान्या कुरणी खाया हुनाले और बिश्वासिलाइ तिनरो बिश्वास छाड्डया कारण हुन्छ भण्या, म कभइ तसा किसिमको खाना खान्या होइन, ताकि म और बिश्वासिलाइ तिनरो बिश्वास छाड्डया कारण जनहु।

गलाती 5:11

भाइन हो, यदि मइले मान्सनको खतना हुनु पणन्छ भणबर प्रचार अर्या भयाले मइले दुःख भोग्दु पड्डया थेइन, यदि मइले क्रुसका बारेमि प्रचार अददुका सट्टामी खतनाका बारेमि प्रचार अर्या भयले, ताँ यहुदि मान्सनलाइ मइले अपमान अद्द्या थेइन।

१ पत्रुस 2:8

रे आजी पबित्र सास्त्रमि लगइ लेखिया छ, “यइ ढुंगाले मान्सनलाइ भइयाइनि लोटाउन्या हो, यो एक पखान हो जइले तिननलाइ लोट्टाउन्या हो।” तिनन तसेरि लोट्टाहान, क्याकि तिननले परमेश्वरको बचन पालन अददाइ इन्कार अददाहान। परमेश्वरले तिनरि निउति इसोइ योजना अर्याथ्यो।