मत्ती 5:15 - डोटेली नयाँ करार

¹⁵ मान्सनले बत्ति बालिबर भाँडाले त छोप्दाइन, तर उच्चा ठाउँमि राख्दाहान, रे घरमि हुन्या सबकि निउति तइले उजालो दिन्छ।

मत्ती 5:15 ပူးပေါင်းရင်းမြစ်များ

मर्कुस 4:21

येशूले तिनलाइ भण्यो, “कसइले लगइ बत्ति बालिबर भाँडाले छोप्दाइन अथवा खाटका तलतिर राख्दइन! तर उच्चा ठाउँमि राख्दाहान ताकि सबलाइ उजालो होउ।”

लूका 11:33

कसइले लगइ बत्ति बालिबर गोप्य ठाउँमि अथवा भाँडाले छोप्दाइन,, तर भितर जान्या सबले उजालो धेकन्ना भणबर उच्चा ठाउँमि राख्दाहान।

लूका 11:36

यदि तमरो पुराइ शरीर उजालाले पूर्ण छ भण्या, रे कोइ भाग अनरो आथिन भण्या त्यो पुराइ उजालो हुन्या हो, जसेरि बत्तिको किरणले तमनलाइ उजालो दिन्छ।

लूका 8:16

कसइले लगइ बत्ति बालिबर भाँडाले छोप्दाइन, कि खाट तल्तिर राख्दाइन, तर भितर आउन्याकि लाइ उजालो होलो भणबर उच्चा ठाउँमि राख्दाहान।

फिलिप्पी 2:15

ताकि तमन दुष्ट रे भ्रष्ट संसारका मान्सनका बिचमि सुद्द रे खोट नभया परमेश्वरका सिद्द सन्तान जसाइ जीवन बिताउन सक। तमन यइ संसारका दुष्ट मान्सनका बिचमि अग्गासमि तारा चम्कया जसेरि चम्कनु पणन्छ।

हिब्रु 9:2

यो पाल पशुको छाला बठेइ बनाइया थ्यो। तइ पालका बिचमि, तिननले पर्दा झुण्डेइबर दुइ कोठा बनायाथ्यो। पहिलो कोठामी सात शाखा भया सामदान थ्यो। ताँ एक टेबल थ्यो जइमि परमेश्वरलाइ चढाइया रोटा थ्या। यइ कोठालाइ पबित्रस्थान भणिन्थ्यो।

प्रकाश 2:5

याद अर कि तमनले कसेरी सुरुमि मलाइ प्रेम अरन्थ्या रे आब तमनले मलाइ इसो प्रेम अददानु। रे पाप अद्द छाडिबर परमेश्वरतिर फर्क रे जसो सुरुमी तमनले मलाइ प्रेम अर्या तसेरि मलाइ प्रेम अद्द सुरु अर। यदि तमनले पाप अद्द छाडिबर परमेश्वरतिर फर्कीयानु भण्या, म तमरा वाँ आउनउ रे म तमरो सामदान जाँ छ तइलाइ ताँ बठेइ हटाइबर तमनलाइ दण्ड दिन्या हु।