मत्ती 4:24 - डोटेली नयाँ करार

²⁴ उनरो बारेमि सब सिरिया प्रदेस भरि खबर फैलियो जो गालील जिल्लाको उत्तर तिर पणन्छ, रे बिमारी, जो फरक किसिमका रोग रे पिडाले सताया, भूत लाग्या रे मिर्गी रे लुला भया सबलाइ मान्सले उनरा वाँ लेया। उनले तिनन सबलाइ निका बनायो।

मत्ती 4:24 ပူးပေါင်းရင်းမြစ်များ

मत्ती 12:22

तब उनरा वाँ एक भूत लाग्या अन्धो रे लाटो मान्स लेया। येशूले तइलाइ निको बनायो, इति सम्मकि त्यो लाटो बोल्ल पस्यो रे धेक्द लगइ पस्यो

मत्ती 14:1

तइ बेला गालील प्रदेसका सासक हेरोदले येशूको कामको चर्चा सुण्यो,

मत्ती 15:22

तइ इलाका बठेइ एक कनानी आइमाइ आइबर कला हाल्ली भण्न पसि, ओ प्रभु, दाउदका चेला, ममि दया अर। मेरी चेलीलाइ भूतले बड्ताइ सताइराइछ।

मत्ती 17:15

प्रभु मेरा चेलामी दया धेकाइ दिय त्यो भौत दु:ख पाउन्नाछ तइलाइ छारे रोग लागिरइछ रे कभइ आगाइनी, कभइ पानीनि झणन्छ।

मत्ती 17:18

पइ येशूले भूतलाइ हकाद्द पस्या रे त्यो तइ मान्स बठेइ निकल्यो; पइ त्यो केटा उन्जेइ बठेइ निको भयो।

मत्ती 4:23

तइ पछा येशू तिनरा यहुदि सभाघरमी सिकाउनाइ, परमेश्वरको राज्यको सुसमाचार सुणाउनाइ, रे मान्सनमि लाग्या सब किसिमका रोग रे दुर्बलता निका बनाउनाइ सारा गालील जिल्ला भरि घुम्या।

मत्ती 8:28

जब उन पारि बठेइ एक ठाउँमि आया जाँ गदरिन मान्सन बसनथ्या, तब भूत लाग्या दुइ जाना मान्सनले चिहान बठेइ आउनज्या उनलाइ भेट्यो। तिनन इति डराउनाथ्या, कि कोइलगइ ताँ बठेइ आउनजान सक्दाइन्थ्या।

मत्ती 8:33

सुङर चराउन्या भाग्या रे सहर गइबर सब कुरणी, रे तिनन भूत लाग्यालाइ कि भया हो त्यो लगइ सुणाइ दियो।

मत्ती 8:6

“प्रभु, मेरो नौकर लुलो हुन्या बिमारले भौत दु:ख पाइबर घरइ ओछ्यानइनि पडिरइछ।”

मत्ती 9:26

तब यइ कुरणीको किर्ति तइ मुलुक भरि फैलियो।

मत्ती 9:35

तइ पछा येशू रे उनरा शिष्या गालील जिल्लाका भौत सहर रे गाउँ बठेइ गया। तिनन यहुदि सभाघरमी सिकाउनाइ, परमेश्वरको राज्यको सुसमाचार प्रचार अद्दाइ रे सब किसिमका रोग रे दुर्बलता निको अद्दाइ गया।

मर्कुस 1:28

पइ पछा येशूले जो अर्याथ्यो तइका बारेमि तिननले और मान्सनलाइ भण्यो, रे छिट्टाइ गालील जिल्ला भरिका मान्सनले येशूको बारेमि सुण्यो।

मर्कुस 1:32

बसाइतक, बिश्रामको दिन बित्या पछा भौत मान्सन जो बिमारी रे जइलाइ भूत लाग्याथ्यो। तिनन मान्सनलाइ लेइबर उनरा वाँ आया।

मर्कुस 2:3

तइ बेला ताँ चार जना भण्ना बड्ता मान्सन लुलो मान्ससित आया रे चार जानाले तइलाइ बोकिबर येशूका वाँ आया।

मर्कुस 2:4

भिड भया हुनाले तिन मान्सन येशूका नजिक आउन सकेन तब तिनन पाखामि गया रे पाखा उचेडिबर येशू भया ठाउँमि बाटो बनाइबर लुलो मान्सलाइ बिस्सतरा सहित उनरा वाँ ओलाइ दियो।

मर्कुस 2:9

कि भण्नु सजी छ? ‘तेरा पाप क्षमा होइय्या’ भण्नु कि ‘उठ, आफ्नो बिस्सतरा उठा, रे हिट भण्नु?’

लूका 2:2

कुरेनियस सिरिया प्रदेसका हाकिम हुनज्या यो पइल्ली बेरको जनगणना थ्यो।

लूका 4:14

येशू पबित्र आत्माको सक्तिमि गालील जिल्लामि फर्किबर गया, रे उनरा बिसयको कुरणी वलतिर पल्तिरका सब ठाउँमि फैलियो।

लूका 4:38

यहुदि सभाघर बठेइ निकलिबर उन सिमोनका घर पस्या। सिमोनकि सासु जरले सिकिस्त होइरइथिन, रे तिननले उइकी निउति येशूसित बिन्ति अर्यो।

लूका 5:15

तर येशूको बारेमि खबर और भौत फैलियो, रे ठुलो भिड उनरो शिक्षा सुण्न्नाइ रे आफना-आफना रोग बठेइ निको हुनाइ ताँ आउनथ्या।

लूका 5:24

तर म, मान्सको चेलोलाइ संसारमी पाप क्षमा अद्दया अधिकार छ भणन्या तमन जाण।” तब येशूले तइ लुलो मान्सलाइ भण्यो “म तुलाइ भण्नउ उठ, रे आफ्नो बिस्तरा समा रे घर जा।”

लूका 7:17

येशूका बारेमि यो चर्चा सारा यहुदिया जिल्ला रे वलतिर पल्तिरका सब जिल्लामि फैलियो।

यूहन्नाले लेख्या सुसमाचार 10:21

और भण्नाथ्या, “भूत लाग्या मान्सकि कुरणी इसी हुनिन। कि भूतले कानाको आँखा खोल्ल सकन्छ ब?”

प्रेरित 10:38

अर्थात नासरत गाउँका येशूलाइ परमेश्वरले पबित्र आत्मा रे सक्तिले अभिषेक अर्यो, उन भलाइका काम अद्दाइ रे सैतान लाग्या मान्सनलाइ निको पाड्डाइ सबतिर घुम्या, क्याकि परमेश्वर उनसित थ्या।”

प्रेरित 15:23

रे यहूदा भणिन्या बारनाबास रे सिलाससित तिननले यो चिठ्ठी पठायो, “एन्टिओखिया सहर, सिरिया प्रदेस रे किलिकिया प्रदेसमि रन्या गैर-यहुदि बिश्वासि भाइनलाइ, येशू ख्रीष्टका छान्या शिष्या रे मण्डलिका अगुवानको अबिबादन।

प्रेरित 15:41

आजी तिनन सिरिया प्रदेस रे किलिकिया प्रदेसमि गया, रे मण्डलिका बिश्वासिनलाइ उत्साह दिनाइ गया।

प्रेरित 28:9

यो घटना भया पछा, तइ टापुका और बिमारी मान्सन लगइ पावलका वाँ आया, रे निका भया।

प्रेरित 8:7

जब फिलिपले आज्ञा दियो, तब भौत जाना बठेइ भूत जोरले कला हालिबर निकल्ल पस्या, भौत जाना झाण्नो पड्या, बिमारी रे डुणा मान्सन लगइ निका भया।