मत्ती 4:23 - डोटेली नयाँ करार

²³ तइ पछा येशू तिनरा यहुदि सभाघरमी सिकाउनाइ, परमेश्वरको राज्यको सुसमाचार सुणाउनाइ, रे मान्सनमि लाग्या सब किसिमका रोग रे दुर्बलता निका बनाउनाइ सारा गालील जिल्ला भरि घुम्या।

मत्ती 4:23 ပူးပေါင်းရင်းမြစ်များ

मत्ती 11:5

कि अन्धा धेक्दाहान, लङडा हिट्टाहान, कोणी सुद्द हुनाहान, टोल्या सुण्नाहान, मर्या जिउना हुनाहान, गरिबलाइ सुसमाचार सुणाइन्छ।

मत्ती 12:9

ताँ बठेइ खुसिबर उन तिनरा यहुदि सभाघरमी गया।

मत्ती 13:19

जब कसइले राज्यका बारेमि बचन सुणन्छ रे तइलाइ बुज्जइन त्यो दुष्ट सैतान आउँछ, रे तइका ह्रदयमी जी बोया थ्यो तइ खोसीबर लैजान्छ। बटाइनि बोया बि तेइ हो।

मत्ती 13:54

पइ आफना सहरमि आया पछा उनले तिननलाइ तिनरा यहुदि सभाघरमी जाइबर सिकाउन पस्या, याँ सम्मकि तिनन सब छक्‍क पण्या रे इसो भण्न लाग्या “यइ मान्सले यिन सब ज्ञान काँ बठेइ रे एसो महान अचम्मका काम अद्द्या क्षमता पायो?

मत्ती 14:14

किनार पुग्या पछा तइ ठुलो भिड धेक्यो, रे उनले तिनरि खाँति माण्यो, रे तिनरा बिरामिलाइ निका बनाइदियो।

मत्ती 24:14

रे परमेश्वरका राज्यको सुसमाचारका बारेमि संसारका सब जातिमी प्रचार अरिन्या हो, ताकि सब जातिकी निउति स्वीकार अद्दाइ मौका हुन्या हो। तइ पछा संसारको अन्त्य आउन्या हो।

मत्ती 3:2

“आफ्ना-आफना पाप अद्द छाडिबर परमेश्वरतिर फर्क, क्याकि स्वर्गको राज्य नजिक आइरइछ।”

मत्ती 9:35

तइ पछा येशू रे उनरा शिष्या गालील जिल्लाका भौत सहर रे गाउँ बठेइ गया। तिनन यहुदि सभाघरमी सिकाउनाइ, परमेश्वरको राज्यको सुसमाचार प्रचार अद्दाइ रे सब किसिमका रोग रे दुर्बलता निको अद्दाइ गया।

मर्कुस 1:14

केइ दिन पछा, जब यूहन्नालाइ पकडीबर झेलमि हाल्यो, तइ पछा येशू गालील जिल्लामि गाया रे मान्सनका बिचमि परमेश्वरको सुसमाचार प्रचार अर्यो।

मर्कुस 1:21

येशू रे उनरा शिष्या कफर्नहुम गाउँमी गया, तइ पछा बिश्राम दिन आयो रे येशू यहुदि सभाघरमी पसिबर मान्सनलाइ शिक्षा दिन लाग्या।

मर्कुस 1:39

तबइकिलाइ येशू रे उनका शिष्या गालील जिल्लाका भौत सहर रे गाउँमी गया, ताँ उनले यहुदि सभाघरमी प्रचार अद्दाइ रया रे मान्सन बठेइ भूत निकाल्लाइ रया।

मर्कुस 3:10

येशूले भौत मान्सलाइ निको बनाया हुनाले ताँ रोग लाग्या सब मान्सन येशूलाइ छुनाइ भणबर घोचाघोच अद्दाथ्या।

मर्कुस 6:2

बिश्राम दिनमि उनले यहुदि सभाघरमी परमेश्वरको सन्देश प्रचार अद्द पस्या। भौत जाना सुण्न्याले अचम्म माणिबर भण्यो, “यइ मान्सले यिन सब काँ बठेइ सिक्यो, यिनलाइ दिया यो ज्ञान रे एसो अचम्मका काम अद्द्या क्षमता कइले दियो?”

मर्कुस 6:6

येशू तिनरो अबिश्वास धेकिबर छक्‍क पड्या। तइ पछा उन गाउँ गाउँमी शिक्षादिनाइ गया।

लूका 10:9

गाउँमी भया रोगीनलाइ निको बना, रे आब ‘परमेश्वरको राज्य तमरा नजिक आइरइछ भणबर प्रचार अर।’

लूका 13:10

बिश्राम दिनमि येशूले कसइ एक यहुदि सभाघरमी शिक्षा दिन्नाथ्या।

लूका 16:16

“बप्तिस्मा-दिन्या यूहन्नाको समय सम्म, मोशाको कानुन रे अगमबक्ताका संदेस तमरा मार्गदर्शक थ्या। तर आब परमेश्वरका राज्यको सुसमाचार प्रचार होइरइछ, रे सब जाना तइ राज्य भितर जानाइलाइ उत्सुक छन।

लूका 20:1

एक दिन मन्दिरमि उन मान्सलाइ सिकाउन्नाथ्या, रे तिननलाइ सुसमाचार प्रचार अद्दाथ्या। यहुदि मान्सनका अगुवासित यहुदि मुख्य पुजारिन रे मोशाको कानुन सिकाउन्यावाला उनरा वाँ आया,

लूका 4:14

येशू पबित्र आत्माको सक्तिमि गालील जिल्लामि फर्किबर गया, रे उनरा बिसयको कुरणी वलतिर पल्तिरका सब ठाउँमि फैलियो।

लूका 5:17

एक दिन येशूले सिकाउन्या बेला गालील रे यहुदिया जिल्लाको क्षेत्रका हरेक गाउँ रे यरुशलेम सहर बठेइ आया फरिसि मान्सनको समुह रे मोशाको कानुन सिकाउन्यावाला नजिकै बसिरइथ्या। परमप्रभुको निको बनाउन्या सक्ति उनसित थ्यो।

लूका 6:17

उन तिननसित डाङा बठेइ तल्तिर ओलीबर एक बराबर भया जग्गामि कलिया। उनरा शिष्याको एक ठुलो भिड, रे सारा यहुदिया जिल्ला रे यरुशलेम सहर, रे समुद्र किनार टुरोस रे सिदोन सहरका इलाका बठेइ ठुलो भिड

लूका 6:6

अर्खा बिश्राम दिनमि यहुदि सभाघर भितर पसिबर उनले शिक्षा दियो। ताँ दाइन हात सुक्या एक जानो मान्स थ्यो।

लूका 7:21

तसइ बेला येशूले भौत मान्सनका रोग ब्यथा रे भूत बठेइ छुटायो, रे अन्धालाइ धेक्द्या बनायो।

लूका 7:22

तब उनले तिननलाइ भण्यो, “जा रे जी तमनले धेक्या रे सुण्या, गइबर यूहन्नालाइ भण, कि अन्धा धेक्दाहान, लङडा हिट्टाहान, कोणी निका हुनाहान, टोल्या सुण्नाहान, मर्या जिउना हुनाहान, गरिबलाइ सुसमाचार सुणाइन्छ।

लूका 8:1

तइ पछा येशू सहर-सहर रे गाउँ-गाउँमी प्रचार अद्दाइ रे परमेश्वरको राज्यको सुसमाचार सुणाउनाइ घुम्द पस्या। बार जाना शिष्या लगइ उनसित थ्या।

लूका 9:11

तर यो था पाइबर भिड उनरा पछा-पछा लाग्यो। उनले तिननलाइ स्वागत अर्यो, रे परमेश्वरको राज्यको बिसयमि सुणायो, रे जइ-जइलाइ निको हुन आवश्यक थ्यो तिननलाइ निको पाड्यो।

लूका 9:60

उनले तइलाइ भण्यो, “जो आत्मिक रुपमि मर्या छन, तिननले आफना मान्सन मर्या पछा तिननले आफइ खड्ड्याउन, तर तमन गइबर परमेश्वरको राज्यको सुसमाचार प्रचार अर।”

यूहन्नाले लेख्या सुसमाचार 18:20

येशूले उनलाइ जबाफ दियो, “मइले सबलाइ खुल्लम खुल्ला भण्या। मइले सदाइ यहुदि सभाघर रे मन्दिरमि शिक्षा दिया जाँ यहुदि मान्सन सदाइ जम्मा हुनाहान। मइले गोप्यमी केइलगइ भण्या आथिन।

यूहन्नाले लेख्या सुसमाचार 6:59

यिन कुरणी उनले कफर्नहुम गाउँको यहुदि सभाघर भितर शिक्षा दिन्या बेलामि भण्यो।

यूहन्नाले लेख्या सुसमाचार 7:1

तइ पछा येशू गालील जिल्लामणि घुम्द पस्या, तर यहुदिया जिल्लामि उन जानाइ खोजेइन, क्याकि यहुदि मान्सन उनलाइ माद्या दाउमि थ्या।

प्रेरित 10:38

अर्थात नासरत गाउँका येशूलाइ परमेश्वरले पबित्र आत्मा रे सक्तिले अभिषेक अर्यो, उन भलाइका काम अद्दाइ रे सैतान लाग्या मान्सनलाइ निको पाड्डाइ सबतिर घुम्या, क्याकि परमेश्वर उनसित थ्या।”

प्रेरित 18:4

पावल हरेक बिश्राम दिनमि यहुदि सभाघरमी वाद-बिबाद अरन्थ्या, यहुदि रे ग्रीक भासा बोल्या मान्सनलाइ येशू ख्रीष्टमी बिश्वास अद्दाइकिलाइ सम्जाउन्या कोशिस अरन्थ्या।

प्रेरित 20:25

आब हेर, म जाण्नउ कि तमनमि हइ जइ जइलाइ मइले हरेक ठाउँमि परमेश्वरको राज्यका बारेमि प्रचार अर्या, तमन मलाइ आजी कभइ धेक्द्या होनु।

प्रेरित 28:31

तिनले साहासी भइबर बिना रोकटोक परमेश्वरको राज्यको प्रचार अरन्थ्या, रे प्रभु येशू ख्रीष्टका बारेमि शिक्षा दिन्थ्या।

रोमी 10:15

रे कसइले जाना हइ पइल्ली तिननलाइ भण त्यो मान्स पठाइनु पणन्छ। तबइकिलाइ पबित्र सास्त्रमि इसो लेखिरइछ, “सुसमाचार प्रचार अद्द्या मान्सनका खुट्टा कति सुन्दर!”