मत्ती 27:6 - डोटेली नयाँ करार

⁶ तर यहुदि मुख्य पुजारिले भण्यो, “हामरो कानुनले यो सिक्‍कालाइ मन्दिरको दान पेटिमी राख्दु अनुमति दीनइन क्याकि यो कसइलाइ माद्दया रगतको मोल हो।”

मत्ती 27:6 ပူးပေါင်းရင်းမြစ်များ

मत्ती 23:24

तम अन्धा अगुवा हो! तमन नानो नियमलाइ होशियार भइबर माणन्छौ जसोकि केइ पिउन्या बेला माखा धपाउछौ, तर तम परमेश्वरका महत्वपूर्ण आज्ञालाइ माणनानु जो उँटलाइ निल्या जसो हो!”

मत्ती 27:5

तब चाँदीका सिक्‍का मन्दिरका आगनमी खितिबर त्यो गयो, रे झुणिबर मर्यो।

मत्ती 27:7

तिननले आपसमी सल्लाह अरिबर तइ पैसाले परदेशिलाइ दफन अद्दाइ कुमालेको जमिन किन्यो।

मर्कुस 7:11

रे तम मान्सनलाइ सिकाउछौ, यदि कसइ मान्सले आफना इजा अथवा बालाइ यो भणन्छ, “मइले तमलाइ सहयोग अद्द सक्दइन क्याकि जो मइले तमलाइ अद्द पडयाथ्यो तइ मइले परमेश्वरलाइ अद्दया कसम खाया छु। रे यो उपहार परमेश्वर किलाइ मान्तरइ हो। इसो भणबर तम त्यो मान्सलाइ आफ्ना इजा अथवा बाकि निउति सहयोग अद्या अनुमति दिनानु।

यूहन्नाले लेख्या सुसमाचार 18:28

तइ पछा तिननले येशूलाइ कैयाफाका वाँ बठेइ रोमीका ठुला हाकिम, पिलातासका महलमि लैया। त्यो परभातइको समय थ्यो, रे यहुदि मान्सन महलमि पस्या थेइन। तिननमि हइ यदि कोइ भितर पस्या भयाले तिनन असुद्द हुन्थ्या रे तइलाइ निस्तार काजबारको भोज खान्या अनुमति मिलनथेइन।