मत्ती 27:27 - डोटेली नयाँ करार

²⁷ तब हाकिमका सिपाइनले येशूलाइ हाकिमको महलको आगनमी लैया (जइलाइ प्रेटोरियन भण्नान), रे सिपाइनको एक ठुलो पल्टन उनरा अगाडी जम्मा अर्यो।

मत्ती 27:27 ပူးပေါင်းရင်းမြစ်များ

मत्ती 26:3

तब कैयाफा नाउँ भया प्रधान पुजारिका दरबारमि यहुदि मुख्य पुजारि रे अगुवान जम्मा भया।

यूहन्नाले लेख्या सुसमाचार 18:28

तइ पछा तिननले येशूलाइ कैयाफाका वाँ बठेइ रोमीका ठुला हाकिम, पिलातासका महलमि लैया। त्यो परभातइको समय थ्यो, रे यहुदि मान्सन महलमि पस्या थेइन। तिननमि हइ यदि कोइ भितर पस्या भयाले तिनन असुद्द हुन्थ्या रे तइलाइ निस्तार काजबारको भोज खान्या अनुमति मिलनथेइन।

यूहन्नाले लेख्या सुसमाचार 18:3

तब सिपाइको एक टोलि, रे यहुदि मुख्य पुजारि रे फरिसि मान्सनको समुह बठेइ चौकीदार पठाइबर यहूदा इस्करियोत बत्ति, राँका रे हतियार लेइबर आयाथ्या।

यूहन्नाले लेख्या सुसमाचार 18:33

तब पिलातस हाकिमले आजी महल भित्तर बोलाइबर येशूलाइ सोध्यो, “कि तम यहुदि मान्सनका राजा हौ?”

प्रेरित 10:1

कैसरिया सहरमि कर्नेलियस नाउ भया एक मान्स थ्या, जो रोमी सैनिकका सुबेदार थ्या, जइका पल्टनको नाउ इटालिया थ्यो।

प्रेरित 23:35

पइ ठुला हाकिमले भण्यो, “तसो भयाले तुलाइ उजुरि अद्दया मान्सन आया पछा मान्तर तेरा कुरणी सुण्न्या हु।” तइ पछा उनले पावललाइ राजा हेरोदले बनाया दरबारमि राख भणबर आज्ञा दियो।

प्रेरित 27:1

जब ठुला हाकिम फेस्तसले समुद्रको यात्रा बठेइ हामलाइ इटालिया प्रदेसको रोम सहरमि जानु पणन्छ भणि पक्‍का भया तब तिननले पावल रे और केइ कैदीलाइ सम्राट अगस्टसको फौजको युलियस नाउँ भया कप्तानका जिम्मा लाइदियो।