मत्ती 26:74 - डोटेली नयाँ करार

⁷⁴ तब पत्रुस इसो भणबर आफलाइ सराप्द पस्यो, “म कसम खाइबर सत्य भण्ना छु, जैका बारेमि तम भण्नाछौ तइ मान्स म चिन्नै चिन्नैन।” तइ पछा उतन्जेइ भाल्या बास्यो।

मत्ती 26:74 ပူးပေါင်းရင်းမြစ်များ

मत्ती 10:28

तिननसित जनडरा जइले शरीरलाइ माद्दाहान, तर प्राण माद्द सक्दाइन। बरु प्राण रे शरीर दुएइलाइ नरकमि नास अद्द्या परमेश्वरसित डरा।

मत्ती 26:34

येशूले तइलाइ भण्यो, “साँच्चि, म तमलाइ भण्नउ कि इसइ रात दुइ बेर भाल्या बास्सा हइ पइल्ली तुइले मलाइ तीन बेर सम्म चिन्नइन भणन्या हइ।”

मत्ती 26:73

थोक्काइ बेर पछा ताँ भयाले लगइ नजिकै आइबर पत्रुसलाइ भण्यो, “पक्का लगइ तु येशूका शिष्यामि हइ एक हइ, क्याकि तेरि बोलाइले था हुन्छ।”

मत्ती 26:75

तब पत्रुसलाइ येशूले भणेइ यो कुरणी याद आइ, “दुइ बेर भाल्या बास्सा हइ पइल्ली तीन बेर सम्म तु मलाइ इन्कार अद्दा है।” तब पत्रुसले आफना दु:खलाइ समालि नसकिबर धुरु-धुरु रुन पस्यो।

मत्ती 27:25

सबइ मान्सले जबाफ दियो, “हाम रे हामरो आफ्नो परिबारले उइको हत्याको दोस लिन्या हु।”

मर्कुस 14:30

येशूले तइलाइ भण्यो, “साँच्चि, म तमलाइ भण्नउ कि इसइ रात दुइ बेर भाल्या बास्सा हइ पइल्ली तुइले मलाइ तीन बेर सम्म चिन्नइन भणन्या हइ।”

मर्कुस 14:68

रे तिनले इसो भणबर इन्कार अर्यो, “तम क्या भण्नाछौ म जाण्नैन रे म बुज्जइन” तइ पछा तिन ताँ बठेइ आगनका मुल ढोका बठेइ निकल्या, रे भाल्या बास्यो।

लूका 22:60

तर पत्रुसले भण्यो, “ए मान्स, तु कि भण्नाछइ, म चिन्नै चिन्नैन।” त्यो बोल्ला बोल्लाइ भाल्या बास्यो।

यूहन्नाले लेख्या सुसमाचार 18:27

तब पत्रुसले आजी इन्कार अर्यो रे उतन्जेइ भाल्या बास्यो।

रोमी 9:3

मेरा यहुदि भाइन रे बइनिन जो मेरा जातिका हुन, तिननकी निउति मइले आफइलाइ परमेश्वर बठेइ दोस लाइनु रे ख्रीष्ट बठेइ अलग हुनाइ लगइ तयार भया।

१ कोरिन्थी 16:22

कसइले प्रभुलाइ प्रेम अद्दइन भण्या त्यो श्रापित होउ। हे हामरा प्रभु, आस!

प्रकाश 3:19

जइलाइ म प्रेम अद्दउ तिननलाइ म हप्काउनउ रे सुधार अद्दउ। तबइकिलाइ सहि अददाइलाइ उत्सुक होउ, रे पाप अद्द छाडिबर परमेश्वरतिर फर्क।