मत्ती 26:52 - डोटेली नयाँ करार

⁵² तब येशूले तइलाइ भण्यो, तेरो तरबार दाब भित्तर हाल, क्याकि तरबार लैजान्या सब तरबारले नास हुन्या हुन।

मत्ती 26:52 ပူးပေါင်းရင်းမြစ်များ

मत्ती 5:39

तर म तमनलाइ भण्नउ, दुष्ट मान्सनले तमनसित अर्या खराब कामको बदला जन लिय। जइले तेरा दाइने गलामि थप्पडी हाणलो, तइलाइ अर्खो गला लगइ थापी दिय।

रोमी 12:19

प्यारा हो, आफइ बदला कभइ जन लिय, तर परमेश्वरलाइ बदला लिन दिय। क्याकि पबित्र सास्त्रमि प्रभुले भण्ना हान, “बदला लिन्या काम मेरो हो, मइ बदला लिन्या हु।”

१ थेसलोनिकि 5:15

यो याद अर कि कसइले खराबिको बादलमि खराबी जन अरउ, तर तमनले सदाइ एक-अर्खालाइ रे सबइलाइ निका काम अद्द्या कोशिस अददु पाणन्छ।

१ पत्रुस 3:9

खराबिको बदला खराबी जन अर अथवा अपमानको बदला अपमान जन अर बरु तइका सट्टामी, आशिस दिन्या होउ, क्याकि औरलाइ आशिस दिनाइ निउति परमेश्वरले तमनलाइ बोलाया हो। यदि तमनले इसो अर्या भण्या परमेश्वरले तमनलाइ लगइ आशिस दिनाहान।

प्रकाश 13:10

जो झेलमि जानु पड्ड्या नियतका छन, तिनन साच्ची झेलमि पड्ड्या हुन, रे जो पक्‍का छन कि तिनन तरबारले मद्द्या हुन तिनन साच्ची तरबारले मरिन्या हुन। तबइकिलाइ परमेश्वरका मान्सनले कठिनाइ सनु पणन्छ, जो उनले अनुभव अददाहान रे बिश्वासमि पक्‍का रनु पणन्छ, तिननले धैर्य हुनु पणन्छ रे उनमी भरोसा राख्दु पणन्छ।

प्रकाश 16:6

क्याकि तिननले तमरा मान्सन रे अगमबक्तालाइ मार्या थ्या रे तिनरा रगत बगाया थ्या, तबइकिलाइ आब तम तिननलाइ रगत पिनाइ दिय। यो तिननकी निउति इनामका रुपमि ठीक छ।”