मत्ती 26:45 - डोटेली नयाँ करार

⁴⁵ तब उनले शिष्याका वाँ आइबर तिननलाइ भण्यो, “आब सिरउ रे आराम अर। आब भौत भयो! बेला आइयो म, मान्सको चेलोलाइ धोका दिइबर पापी मान्सनका हातमि पकोडिना हो।

मत्ती 26:45 ပူးပေါင်းရင်းမြစ်များ

मत्ती 26:18

उनले भण्यो, “सहरमि एक जाना मान्सका वाँ जा, रे तइलाइ भण, गुरु जी भण्नाहान कि त्यो व्यवस्थित पाउना कोठा काँ छ जा म लगइ आफना शिष्यासित निस्तार काजबारको भोज खान्या हु?”

मत्ती 26:2

तमनलाइ था छ, अबको दुइ दिन पछा निस्तार काजबार आउन्या हो, रे म, मान्सको चेलो क्रुसमि टाँङिनाइ पकोडिन्या हु।

मत्ती 26:44

तबइकिलाइ उनले तिननलाइ आजी छाडदियो रे गइबर आजी उनइ कुरणी दोहरेइबर तीन बेर प्रार्थना अर्यो।

मत्ती 26:46

उठ, हाम जाउ रे! मलाइ पकडाउनाइ निउति जो मदत अद्दा छ, त्यो याँ आउन्ना छ!”

मर्कुस 14:35

पइ येशू थोक्काइ उथ जाइबर भैयाइनि घुडा टेकिबर आफ्नो मुख जमिनमी घोप्टिबर परमेश्वरसित प्रार्थना अर्यो, “अब्बा, मेरो पिता यदि यो तमरा योजनामि सम्भब भयाबर, मलाइ तइ दु:ख बठेइ बचाइ दिय जो मेरा वाँ आउन्ना छ। तमकीलाइ सब कुरणी सम्भब छ। यइ दु:खलाइ आउन जन दिय। रे तम तसोइ अर जो तम चाहन्छौ, यो नइ कि जो म चाहानौ।”

लूका 22:53

म दिन दिनइ तमसित मन्दिरमि बसिबर शिक्षा दिन्थ्या, रे तमले मलाइ पकोडेइ पकोड्यान। तर आब तमरो समय हो, रे अन्धकारको सक्ति यइ हो।”

यूहन्नाले लेख्या सुसमाचार 12:23

येशूले तिननलाइ भण्यो, “म, मान्सको चेलोको महिमा हुन्या बेला पुगिरइछ।

यूहन्नाले लेख्या सुसमाचार 12:27

आब म भौत ब्याकुल होइरइ छु, रे म कि भणु? ‘हे मेरो पिता, मलाइ यइ दुख बठेइ बचा?’ होइन, म यइ संसारमी यइउइले आया हु कि दुख उठाउ।

यूहन्नाले लेख्या सुसमाचार 13:1

निस्तार काजबार अगाडी जब येशूले यइ संसार बठेइ बिदा लिन्या बेला रे पिताका वाँ फर्किबर जान्या बेला आइयो भणि था पाइबर आफना शिष्यालाइ पुरा मनले प्रेम अरन्थ्या।

यूहन्नाले लेख्या सुसमाचार 17:1

येशूले यिन कुरणी आफ्ना शिष्यालाइ भणि सक्या पछा येशूले स्वर्गतिर आँखा उठाइबर भण्यो, “हे पिता, बेला आइय्यो, म, तमरो चेलोको महिमा प्रकट अर, ताकि म, चेलाले तमरो महिमा प्रकट अरु।