मत्ती 24:3 - डोटेली नयाँ करार

³ येशू मन्दिर छाडिबर जैतुन डाङामि बसन्ज्या शिष्याले एकान्तमी आइबर सोध्यो, “हामलाइ भण, यिन कुरणी कब हुन्या हुन, रे तमरो आगमन रे यइ युगका अन्तको चिनो कि हुन्या हो?”

मत्ती 24:3 ပူးပေါင်းရင်းမြစ်များ

मत्ती 13:36

तब येशू भिडलाइ छाडिबर घर गया रे उनरा शिष्याले उनसित आइबर भण्यो, “खेतका साउँको काहानि को अर्थ हामलाइ भणिदिय।”

मत्ती 13:49

संसारको अन्तमी इसोइ हुन्या हो स्वर्गदुत आउन्या हुन रे दुष्ट मान्सनलाइ धर्मि मान्सनका बिच बठेइ अलग पड्डया हुन।

मत्ती 15:12

तइ पछा शिष्या आइबर येशूलाइ भण्यो, “कि तमलाइ था छ, फरिसि मान्सनको समुह तमरा कुरणी सुणिबर रिसाया छन?”

मत्ती 16:27

क्याकि म, मान्सको चेलो बाको महिमामि आफना स्वर्गदुतसित आउन्या हो, रे तसइ बेला उइले हरेक मान्सलाइ तइको काम अन्सारको फल दिन्या हो।

मत्ती 16:28

साँच्चि, म तमनलाइ भण्नउ, हामरा बिचमि याँ कल्लिया केइ मान्स छन जइले मद्दा हइ पइला म, मान्सको चेलोलाइ परमेश्वरको राज्यमि नयाँ रे सक्तिशाली रुपमि आउन्नारया धेक्द्या छन।

मत्ती 17:19

पइ शिष्या गोप्यमि येशूका वाँ आइबर भण्यो, “हामले क्याकि तइ केटा बठेइ भूत निकाल्ल सकेइन?”

मत्ती 21:1

जब उन यरुशलेम सहरका नजिकै आया रे जैतुन डाँङाका बेथफागे गाउँमी पुग्या। तब येशूले दुइ जाना शिष्यालाइ यिसो भणबर पठायो।

मत्ती 24:27

क्याकि जसेरि बिजुलि पुर्व बठेइ चम्कन्ज्या पश्चिम सम्म उजालो हुन्छ, तसेरि म, मान्सको चेलाको आगमन हुन्या हो।

मत्ती 24:30

तब म, मान्सको चेलाको चिन्ह अग्गासमी धेका पड्डया हुन, रे धर्तिका सब जाति बिलाप अद्दया हुन, रे तिननले मान्सको चेलोलाइ अग्गासका बादलमि सक्ति रे ठुलो महिमासित आउन्नारया धेक्द्या हुन।

मत्ती 24:37

जब म, मान्सको चेलाको आगमन हुन्या हो, तब त्यो समय नोआका पालामि भया जसोइ हुन्या हो।

मत्ती 24:39

रे जलप्रलय आइबर तिनन सबलाइ स्वाट्टइ बगाइ नलैजान्ज्या सम्म तिननले था पाएइन। म, मान्सको चेलोको आगमन लगइ तसेरि हुन्या हो।

मत्ती 24:43

तर यो जाण, कि घरको मालिकले चोर रातको कइ बेला आउछ भणि जाण्या भया, उ बिउजोइ रनेइथ्यो, रे आफ्नो घर फुटाउन दिनेइ थेइन।

मत्ती 28:20

तिननलाइ मइले आज्ञा अर्या सब कुरणी पालन अद्द सिका। हेर, म युगको अन्त सम्म सदाइ तमन सित छु।”

लूका 21:7

तिननले उनलाइ सोध्यो, “गुरुज्यू, यिन सब कब हुन्या हुन? रे यिन कुरणी हुन्ज्या कि चिनो हुन्या हो?”

प्रेरित 1:7

उनले तिननलाइ भण्यो, “तइ बेला अथवा त्यो कब हुन्या हो, तमनलाइ जाण्न जरुरी आथिन, केवल मेरा पितासित मान्तर तइ अद्द्या अधिकार छ।