मत्ती 22:16 - डोटेली नयाँ करार

¹⁶ तिननले आफना शिष्यालाइ हेरोद राजालाइ साथ दिन्या मान्ससित उनरा वाँ पठायो। तिननले भण्यो, “गुरुज्यू, हाम जाण्नाउ, तम सदाइ इमानदार हौ, रे और तमलाइ कि सोच्चाहान भणबर कसइको डर माणनानु। क्याकि तम सबसित एकनासको ब्यबहार अरन्छौ रे तम परमेश्वरको बाटो साँच्चि रितिले सिकाउछौ।

मत्ती 22:16 ပူးပေါင်းရင်းမြစ်များ

मत्ती 22:24

गुरुज्यू, मोशाले भणिराइछ, कोइ मान्स बालक नहोइबर मर्यो भण्या उइको भाइले दाइकि स्वानिलाइ ब्या अरिबर दाइको निउति सन्तान बनाउनु पणन्छ।

मत्ती 22:26

तसोइ अरि माइलाले रे साइलाले लगइ, रे सातइ भाइले तसोइ अर्यो।

मत्ती 26:18

उनले भण्यो, “सहरमि एक जाना मान्सका वाँ जा, रे तइलाइ भण, गुरु जी भण्नाहान कि त्यो व्यवस्थित पाउना कोठा काँ छ जा म लगइ आफना शिष्यासित निस्तार काजबारको भोज खान्या हु?”

मत्ती 26:49

उतन्जेइ येशूका वाँ गयो रे, “गुरु जी!” भणबर यहूदाले येशूलाइ अंगालो हाल्यो रे भात्ति खायो।

मर्कुस 10:17

येशू रे उनरा शिष्या बाटाइनि जाना जानाइ, एक जाना मान्स दकुडिबर येशूका वाँ आयो रे आदर अर्या धेकाउनाइलाइ येशूका अगाडी घोप्टो पर्यो। रे उनलाइ सोध्यो, “ओ असल गुरु, मइले कि काम अरु कि परमेश्वरले मलाइ अनन्त जीवन दिउन?”

मर्कुस 12:13

केइ समय पछा, ननिका कुरणीमि येशूलाइ फसाउनाइलाइ यहुदि अगुवानले फरिसि मान्सन मध्य कोइ मान्सन, रे हेरोद राजालाइ साथ दिन्या कोइ मान्सनलाइ येशूका वाँ पठायो।

मर्कुस 12:14

तिननले आइबर उनलाइ भण्यो, “गुरुज्यू, हाम जाण्नाउ, तम सदाइ इमानदार हौ, रे और तमलाइ कि सोच्चाहान भणबर कसइकि डर माणनानु। क्याकि तम सबसित एकनासको ब्यबहार अरन्छौ रे तम परमेश्वरको बाटो ठिक रितिले सिकाउछौ। आब तम हामलाइ भण, कि मोशाको कानुनले सम्राट लाइ कर तिद्दाइ अनुमति दिन्छ कि दिनइन?

मर्कुस 3:6

तब फरिसि मान्सन हेरोद राजालाइ साथ दिन्या मान्सनसित बाइर निकलिबर गया रे कस्याँ येशूलाइ नास पाणु भणबर मौका खोज्ज लाग्या।

मर्कुस 8:15

येशूले शिष्यालाइ यिसो भणबर चेताउनी दियो, “तमन फरिसि मान्सन रे राजा हेरोदको खमिर बठेइ साबधान बस।”

लूका 20:21

तिननले उनलाइ सोध्यो, “गुरुज्यू, हाम जाण्नाउ, तम ठीक बोलन्छौ रे ठीक सिकाउन्छौ, रे कसइको पक्षपात लगइ अद्दान, तर सत्यसित परमेश्वरको बाटो सिकाउछौ।

लूका 7:40

येशूले तइ फरिसिको सोच था पाइबर भण्यो, “ए सिमोन, मइले तुलाइ केइ भण्नु छ।” तइले भण्यो, “गुरुज्यू, भण।”

यूहन्नाले लेख्या सुसमाचार 14:6

येशूले तइलाइ भण्यो, “म तेइ हु, जइमि बाटो, सत्य रे अनन्त जीवन छ। म बठेइ बाहेक कोइलगइ पिताका वाँ आउन सक्दैन।

यूहन्नाले लेख्या सुसमाचार 18:37

पिलातस हाकिमले येशूलाइ सोध्यो, “कि तम यहुदि मान्सनका राजा हउ?” येशूले जबाफ दियो, “म राजा हु भणि तम आफइ भणन्छौ। मेरो जन्म रे यइ संसारमी यइ उइले आया हु कि म सत्यका बारेमि सिकाउन सकौ। सत्यको पालन अद्या जति मेरा कुरणी सुणनाहान।”

यूहन्नाले लेख्या सुसमाचार 7:18

जइले आफनाइ तिर बठेइ बोलन्छ, उइले आफनोइ सम्मान खोजन्छ, तर जइले आफलाइ पठाउन्याको सम्मान खोजन्छ, त्यो इमानदार हो, रे उइमि छल हुनइन।

२ कोरिन्थी 2:17

क्याकि भौत मान्सन सरह हाम परमेश्वरको बचन पैसाकी निउति प्रचार अद्दइन तर निष्कपट मनले ख्रीष्टको अधिकारसित हाम परमेश्वरको बचन प्रचार अददाउ, यो जाणिबर कि परमेश्वरले हामलाइ हेरिराइछ।

२ कोरिन्थी 4:2

हाम सरमका रे लुकिछिपि अद्द्या काम अददाइन। हाम छल कपट अथवा परमेश्वरको बचनलाइ हेरफेर अद्दया काम लगइ अद्दाइन। तर हाम परमेश्वरको नजरमि सत्य मान्तर सिकाउनाउ रे यो सत्य हो भणबर हरेक मान्सले गवाही दिन सक्न्छ।

२ कोरिन्थी 5:16

तबइकिलाइ आब बठेइ हाम कसइलाइ मान्सका नजरले हेद्दाइन। हामले ख्रीष्टलाइ एक बेला संसारिक नजरले हेर्याथ्या, तर आब बठेइ उनलाइ इसेरि हेद्द्या आथिन।

गलाती 1:10

साच्ची म मान्सनलाइ खुशी पड्ड कोशिस अद्दारयइन, तर परमेश्वरलाइ खुशी पड्ड चाहानउ। म मान्सनलाइ खुशी पड्ड कोशिस अद्दारयइन। यदि मइले आजी मान्सलाइ खुशी पड्ड कोशिस अर्या भया म ख्रीष्टको दास हुन्या थेइन।

गलाती 2:6

यरुशलेम सहरमि भया तिन मण्डलिका अगुवानले मइले सिकाउन्या शिक्षालाइ बदेल्लाइ दबाब दियइन, तिन अगुवान जति ठुला भया लगइ यइले मलाइ केइ फरक पड्डइन, क्याकि परमेश्वरले बाइरको रुप हेरिबर न्याय अद्दाइन।

१ थेसलोनिकि 2:4

परमेश्वरले हामलाइ योग्य ठानिबर सुसमाचार हामरा जिम्मामि सुम्पिराइछ। तबइकिलाइ हाम मान्सनलाइ होइन, तर हामरो हृदय जाँच्या परमेश्वरलाइ भौत खुशी पाड्डाइ उपदेस दिनाउ।

याकुब 3:17

तर जो बुद्दि परमेश्वरले दिनाहान, त्यो पइल्ली सुद्द हुन्छ, तब त्यो सान्तिपुर्ण, कोमल, बिचारशिल रे दया रे असल कामले भरियाको, भेदभाव नभया रे निष्कपट हुन्छ।

१ यूहन्ना 5:20

हाम जाण्नाउ कि परमेश्वरका चेलो, येशू ख्रीष्ट यइ संसारमी आया छन। रे हामलाइ समज दिया छन, ताकि हाम सत्य परमेश्वरलाइ जाण्न सकउ। हाम सत्य परमेश्वरसित एकतामी छौ क्याकि हाम उनरा चेलो येशू ख्रीष्टसित एकतामी छौ। उन सत्य परमेश्वर हुन रे जइले अनन्त जीवन दिनाहान।