मत्ती 2:12 - डोटेली नयाँ करार

¹² पइ सुइनामी राजा हेरोदका वाँ फर्कि जन जा भण्न्या चेताउनी पाइबर, राजा हेरोदलाइ खबर नअरेइ तिनन अर्खाइ बाटा होइबर आफना देस फर्क्या।

मत्ती 2:12 ပူးပေါင်းရင်းမြစ်များ

मत्ती 1:20

तइ पछा जब उन यिन कुरणी बिचार अद्दाथ्या, सुइनामी प्रभुका स्वर्गदुत धेका पड्या, रे उनलाइ यिसो भण्यो, “योसेफ, राजा दाउदका बंस, मरियमलाइ तेरि स्वानिका रुपमि स्वीकार अद्दाइ जनडराइ, क्याकि जो तइका गर्भइनि छन, उन पबित्र आत्माका सक्ति बठेइ हुन।

मत्ती 2:13

बुद्दिमान मान्सन गया पछा, प्रभुका एक स्वर्गदुत सुइनामी योसेफका वाँ धेका पड्या रे तिनले यिसो भण्यो, “उठ, बालक रे उनरी इजा मरियमलाइ लैयइबर मिश्र देशमि भाग। तुलाइ मइले नभणइय्याँ सम्म ताँइ बस, क्याकि राजा हेरोदले बालकलाइ माद्दाइ उनरो खोजी अद्दा छ।”

मत्ती 2:19

योसेफ, मरियम रे बालक येशू मिश्र देशमि थ्या, जब राजा हेरोद मर्यो प्रभुका एक स्वर्गदुत सुइनामी योसेफका वाँ मिश्र देशमि धेका पड्या, रे यिसो भण्यो,

मत्ती 2:22

तर जब योसेफले यहुदिया जिल्लामि आफना बा राजा हेरोदका ठाउँमि अर्खिलाउसले राज्य अरिराइछ भण्न्या सुण्यो, उ ताँ जानाइ डरायो। योसेफले सुइनामी परमेश्वर बठेइ चेताउनी पायो रे, तिनन सब गालीलका जिल्लामि गया।

मत्ती 27:19

पिलातस न्याय आसनमी बस्या बेला तिनरि स्वानिले इसो खबर पठायो कि तइ निर्दोष मान्सलाइ केइ जन अर्या, क्याकि आज सपनामि मइले तिनरा लाग्दा भौत दु:ख भोगेइ छु।

लूका 2:26

“प्रभुका ख्रीष्टलाइ नधेकन्ज्या सम्म तु मद्द्या आथिनी” भण्न्या प्रकाश उनलाइ पबित्र आत्माले प्रकट अर्याथ्या।

प्रेरित 10:22

तिननले भण्यो, “कर्नेलियस नाउँ भया सुबेदारले हामलाइ पठायो हो। उन असल रे परमेश्वरकि डर माणन्या मान्स हुन, रे उनले पुरा यहुदि जाति बठेइ आदर पाया छ। एक पबित्र स्वर्गदुत उनरा वाँ धेका पण्या रे तमलाइ उनरा घरमि बोलाइबर तमरा बचन सुण्न्या आज्ञा स्वर्गदुतले दिया छ।

प्रेरित 4:19

तर पत्रुस रे यूहन्नाले तिननलाइ जबाफ दियो, “परमेश्वरकि कुरणी सुण्नु भण्ना तमरि कुरणी सुण्नु परमेश्वरका नजरमि ठीक हो कि होइन तमन आफइ बिचार अर।

प्रेरित 5:29

पइ पत्रुस रे येशू ख्रीष्टका छान्या शिष्याले भण्यो, “हामले मान्सनको होइन तर परमेश्वरको आज्ञा पालना अद्दुइ पणन्छ।

१ कोरिन्थी 3:19

क्याकि संसारका नजरमि बुद्दिमान कुरणी परमेश्वरका अगाडी मुर्खता हो। क्याकि पबित्र सास्त्रमि लेखिया जसोइ हो, “केइ मान्सनले सोच्चाहान कि तिनन बुद्दिमान छन, तर परमेश्वरले तिननलाइ हाराउनाइ तिनरा बुद्दिमान बिचार प्रयोग अददाहान।”

हिब्रु 11:7

बिश्वास बठेइ नोआ नाउ भया मान्सले कभइ नधेक्या बाढीका बारेमि परमेश्वर बठेइ चेताउनी पाया पछा उनरो आज्ञापालन अरिबर आफ्नो परिवारलाइ बचाउनाइ एक ठुलो जहाज बनायो। रे नोआको बिश्वास भणना पइल्ली, और बिश्वास नअद्द्या मान्सन दोषि ठहरिया, रे बिश्वास बठेइ परमेश्वरले नोआलाइ धर्मि घोषणा अर्यो।

हिब्रु 8:5

यिन यहुदि पुजारिले अद्द्या काम स्वर्गमि भया सत्य कुरणीको नक्‍कल रे छायाँ मान्तर हो, तर स्वर्गमि भया जसोइ होइन। क्याकि मोशाले पबित्र ठाउँ बनाउन्या बेला, परमेश्वरले मोशालाइ यो चेताउनी दियाथ्यो, “पर्वतमी तुलाइ धेकाइया नमुना अनसार तु सब थोक बनायइ।”