मत्ती 19:9 - डोटेली नयाँ करार

⁹ रे म तमन सबलाइ भण्न्नउ, जइले व्यभिचार बाहेक और केइ कारणले आफनी स्वानिलाइ छाणन्छ रे अर्खो ब्या अरन्छ, तइले व्यभिचार अरन्छ; पइ जइले तइ छाडेकि सित ब्या अरन्छ तइले लगइ व्यभिचार अरन्छ।”

मत्ती 19:9 ပူးပေါင်းရင်းမြစ်များ

मत्ती 19:10

उनरा शिष्याले उनलाइ भण्यो आफनी स्वानिसित मान्सको इसोइ अवस्था हुन्छ भण्या ब्या अद्दु केइ फाइदा हुनइन।

मत्ती 19:8

उनले तिननलाइ भण्यो, “क्याकि तमन सदाइ परमेश्वरको आज्ञा माण्नाइ इन्कार अरन्छौ तबइकिलाइ मोशाले तमनलाइ आफ्ना स्वानिलाइ त्याग अद्द्या अनुमति दियो; तर सुरु बठेइ इसो थेइन।

मत्ती 5:32

म तमनलाइ भण्नउ, जइले आफनी स्वानिलाइ व्यभिचारका उइले बाहिक और उइले छाडन्छ, तइले उइलाइ व्यभिचारि बनाउछ, रे जइले छाडेइ स्वानी सित ब्या अरलो, तइले व्यभिचार अद्द्या हो।”

लूका 16:18

“उदहारणकि निउति जइले आफनी स्वानी छाडिबर अर्खीलाइ ब्या अरन्छ, तइले व्यभिचार अरन्छ, रे बैकान बठेइ त्यागिएइ आइमाइलाइ ब्या अद्या मान्सले लगइ व्यभिचार अरन्छ।”

१ कोरिन्थी 5:1

तमरा बारेमि मान्सनले कुरणी अर्या मइले सुण्या कि तमरा मण्डलिका केइ मान्सले व्यभिचार अद्दा छन, इसो व्यभिचार जो गैर-यहुदि मान्सनमि लगइ हुनइन। तमन मध्ये कसइ एक जनाले आफनाइ सौतेनी आमालाइ राख्याछौ भण्न्या मइले सुण्याछु।

१ कोरिन्थी 7:39

बैकान बाँचन्ज्या स्वानी बैकानसित बस्सु पणन्छ। तर बैकान मर्या पछा तइको इच्छा भया अर्खा मान्ससित ब्या अद्दाइ उ स्वतन्त्र हुन्छे, तर उ प्रभुमि बिश्वास अद्द्या मान्स हुनु पणन्छ।

१ कोरिन्थी 7:4

स्वानिले आफ्ना सरीरमि हक राख्दइन, तर उइका बैकानले राखन्छ। इसेरि बैकानले लगइ आफना सरीरमि हक राख्दइन, तर उइकी स्वानिले राखन्छे।