मत्ती 19:22 - डोटेली नयाँ करार

²² तर यो कुरणी सुणिबर त्यो जबान मान्स निरास भयो, रे त्यो दुःखी होइबर गयो, क्याकि तइसित भौत धन थ्यो।

मत्ती 19:22 ပူးပေါင်းရင်းမြစ်များ

मत्ती 13:22

जो बि काणाका बिचमि पण्या बोट तिनन जसो हो, जइले बचन सुणन्छ जीवनको आवश्यकताको फिक्री अरन्छ। तिनन संसारको फिक्री रे धन सम्पतिका लोपले अद्दा मुर्ख बन्नाहान। तबइकिलाइ तिननले परमेश्वरको बचनलाइ बिस्दाहान रे परमेश्वरको इच्छा अनसार जीवन जिउनाइन।

मत्ती 14:9

तब राजा चिन्तामी पड्या भया लगइ आफ्नो कसम रे भोजमि बस्या पाउनाका खातिर तिनले तसोइ अदद्या हुकुम दियो,

मत्ती 16:26

तमलाइ कि फाइदा होलो यदि संसारको सब चिज पाउन्छौ तर परमेश्वरसितको अनन्त जीवनको मौका गुमाया भण्या? केइ लगइ नइ! कि एक मान्सले परमेश्वरलाइ कि दिन सकन्छ?

मत्ती 19:21

येशूले तइलाइ भण्यो “तु सिद्द हुन चाहन्छइ भण्या जा, रे तेरा जी-जति लगइ छन बेच रे गरिबलाइ पैसा दि दे। यदि तुइले इसो अरन्छइ भण्या तुइलाइ स्वर्गमि धन मिल्लया छ। रे मेरा शिष्य हुनाइलाइ मेरा पछा लाग।”

मत्ती 19:23

तब येशूले आफना शिष्यालाइ भण्यो “म साँच्चि भण्नउ, धनि मान्सलाइ स्वर्गको राज्यमि पस्स भौत असजि छ।

मत्ती 6:24

कसइले एकै समयमि दुइ मालिकको सेवा अद्द सक्दैन, क्याकि तइले एकलाइ घृणा अरन्छ रे अर्खालाइ प्रेम अरन्छ। अथवा त्यो एकसित इमानदार हुन्छ रे अर्खालाइ तुच्छ माणन्छ। तमनले परमेश्वर रे धनको सेवा अद्द सक्दानु।”

मर्कुस 10:22

जब येशूले तइलाइ यो भण्या सुण्यो तब त्यो मान्स निरास भयो, रे त्यो दुःखी होइबर गयो, क्याकि तइसित भौत धन थ्यो।

मर्कुस 6:26

राजा हेरोद भौत दु:खी भया, रे उनले आफ्नो कसम रे भोजमि बस्या पाउना खातिर तइ केटिलाइ दिया बचन तोड्ड चाहेइन।

लूका 18:23

तर येशूले तइलाइ यो भण्या सुणिबर त्यो सासक भौत निरास भयो, क्याकि त्यो बड्ताइ धनि थ्यो।

यूहन्नाले लेख्या सुसमाचार 16:20

साँच्चि, म तमनलाइ भण्नउ, म मर्या पछा तमन रुन्या हौउ रे बिलाप अद्द्याहौउ, तर संसारका मान्सन रमाउन्या छन। जब तमन मलाइ जिउनो धेक्द्याछौ, तब तमरो सोक आनन्दमी बद्लिन्या हो।

एफिसी 5:5

क्याकि तमन यो पक्‍का जाणन्छौ, कि व्यभिचारि अथवा दुराचारी मान्स अथवा लोभि मान्स जो एक मुर्तिपुजक हो, जइले संसारका कुरणीलाइ आराधना अरन्छ, तिनन ख्रीष्ट रे परमेश्वरको राज्यका भागि हुन्या आथिन।

कलस्सी 3:5

तबइकिलाइ तमरो पापी स्वभाव सित जोडीया ननिका काम: सब किसिमका व्यभिचार, अशुद्द्ता कामुकता खराब इच्छा रे लोप अद्द छाड। यो मुर्तिपुजा अर्या जसोइ हो।