मत्ती 15:36 - डोटेली नयाँ करार

³⁶ सात रोटा रे माछा हातमि समाइबर परमेश्वरलाइ धन्यबाद दिया पछा रोटा तोड्यो, रे शिष्यालाइ दियो, शिष्याले मान्सलाइ दियो।

मत्ती 15:36 ပူးပေါင်းရင်းမြစ်များ

मत्ती 14:19

उनले भिडलाइ घाँसमि समुहमी बस भण्यो, रे तिन पाँच रोटा रे दुइ माछा लैजाइबर स्वर्गतिर हेर्यो रे परमेश्वरलाइ धन्यबाद दियो, रोटा तोडयो रे मान्सलाइ दिनाइलाइ शिष्यालाइ दियो।

मत्ती 15:35

उनले भिडलाइ जमिनमी बस्या हुकुम दियो।

लूका 22:17

तब येशू अंगुरको रसकि कटौरा समाइबर परमेश्वरलाइ धन्यबाद चडाया पछा तिनले भण्यो, “यो लिय रे एक-अर्खालाइ बाण।

लूका 22:19

तइ पछा तिनन खानाइ तयार थ्या, पइ येशूले रोटा समाइबर परमेश्वरलाइ धन्यबाद दिइबर तोड्यो, रे रोटाका टुकरा उठाइबर आफ्ना शिष्यालाइ दियो रे भण्यो, “लिय यो खा, तमनका निउति दिया यो मेरो शरीर हो। मेरो सम्जनामि यो अर्या।”

लूका 24:30

जब येशू तिननसित खानाइ बस्या, उनले रोटा समाइबर आसिर्बाद दियो, रे तोडीबर तिननलाइ दिन लाग्या।

यूहन्नाले लेख्या सुसमाचार 6:11

येशूले रोटा लैजाइबर स्वर्गतिर हेर्या रे परमेश्वरलाइ धन्यबाद दियो, तइ घासमि बस्या मान्स खान्ना भणिबर शिष्यालाइ बाणन्न लायो। माछा लगइ उनले सबलाइ बाँडिदियो।

यूहन्नाले लेख्या सुसमाचार 6:23

पइलगइ जाँ येशूले धन्यबाद दिबर रोटा ख्वायाथ्यो तसइ ठाउका नजिक तिवेरिया सहर बठेइ और ना ताँ आया।

प्रेरित 27:35

यिन कुरणी भण्या पछा पावलले रोटा समायो, रे सबका अगाडी परमेश्वरलाइ धन्यबाद दिइबर त्यो तोडबर खान पस्या।

रोमी 14:6

जइ मान्सले कसइ दिनलाइ बिसेस रुपले पालना अरन्छ, तइले प्रभुलाइ आदर धेकाउनाइ तसो अरन्छ। जइ मान्सले मासु लगइ खान्छ, तइले प्रभुका निउति खान्छ, क्याकि तइले परमेश्वरलाइ धन्यबाद दिन्छ। जइ मान्सले मासु खानइन तइले परमेश्वरको आदरको निउति खानइन रे परमेश्वरलाइ धन्यबाद दिन्छ।

१ कोरिन्थी 10:31

निचोडमि, म तमनलाइ भणनउ कि तमन खा अथवा पिय, अथवा तमन जी लगइ अर, सब परमेश्वरका महिमाका निउति अर।

१ कोरिन्थी 14:16

नतित तमनले आत्मामी परमेश्वरको प्रसंसा अरन्ज्या बुज्ज नसक्द्या बाइरका मान्सले तमरा धन्यबादका प्रार्थना पछा “आमेन” कसेरी भणलो? जबकि तमनले कि भण्या उइले बुज्जइन।