मत्ती 15:27 - डोटेली नयाँ करार

²⁷ तइले भणि, “हो प्रभु, तर कुकुरले लगइ आफना मालिकको टेबुलमि हइ झडेका रोटा बुजा खानाहान।”

मत्ती 15:27 ပူးပေါင်းရင်းမြစ်များ

मत्ती 15:26

येशूले भण्यो, “बालकका रोटा कुकुरलाइ दिनु निको होइन।”

मत्ती 15:28

तब येशूले तइलाइ जबाफ दियो, “ए नारी, तेरो बिश्वास ठुलो रइछ। तुइले मन अर्या जसो तुलाइ होइजाउ।” तइकि चेली तसइ बेला निकी होइगइ।

मत्ती 5:45

रे तमन स्वर्गमि हुन्या आफना पिताका चेला-चेली हुन्या हौ। उनले दुष्ट रे निका दुयइ मान्सनलाइ सुर्यको तातो दिनाहान, रे धर्मि रे पापी दुयइ मान्सनलाइ बर्सा दिनाहान।

मत्ती 8:8

तर कप्तानले भण्यो “प्रभु, तमलाइ मेरा घरमि स्वागत अद्द्या लायकको म आथिन। तर बचन मान्तरइ बोल्दिय, रे मेरो नौकर निको होइजान्या हो।

मर्कुस 7:28

तइ स्वानिले था पायो कि येशू और जातका मान्सलाइ कुकुर रे यहुदिलाइ बालक भण्ना छन। उइले जबाफ दियो, “हो प्रभु, कुकुरले बालकका टेबुल बठेइ झडेका रोटा बुजा खानाहान।”

लूका 16:21

तइ धनि मान्सले खाइबर उपर्याको टुकडाटाकडी खाइबर लाजरसले आफ्नो पेट भद्या इच्छा अरन्थ्यो। कुकुर लगइ आइबर तइका घा चाटन्थ्या।”

लूका 18:13

“तर कर उठाउन्या दूरइ कलिबर स्वर्गतिर लगइ नहेरिबर यिसो भण्नोइ दुखि भइबर आफ्नो छाति पिट्यो, ‘हे, परमेश्वर, म पापी हु। ममि दया अर रे मेरा भौत पाप क्षमा अर।’

रोमी 10:12

क्याकि यहुदि मान्सन रे गैर-यहुदिमि केइ फरक आथिन। एकइ परमेश्वर सबका प्रभु हुन, रे उनलाइ सहयोगकिलाइ पुकाद्द्या सबलाइ आफ्नो प्रसस्त आशिस दिनाहान।

रोमी 3:19

हाम जाँण्नाउ, जी-जति कानुनले भणन्छ त्यो कानुनका अधिनमी हुन्या मान्सलाइ भणन्छ, ताकि मान्सन बाहाना जनबनाउन रे संसारमी भया सब मान्सन परमेश्वरका न्यायका अधिनमी होउन।

रोमी 3:29

परमेश्वर केवल यहुदि मान्सनका परमेश्वर होइन तर उन गैर-यहुदि मान्सनका परमेश्वर लगइ हुन।

रोमी 3:4

होइन, बिलकुल होइन, परमेश्वर सदाइ सत्य बोल्लाहान रे हरेक मान्स झुटि बोलन्छ। जसो पबित्र सास्त्रमि परमेश्वरका बारेमि लेखिरइछ, “तमन आफना बचनमी ठीक ठहरिया, रे न्याय हुनज्या तमन बिजय होइजा।”

एफिसी 3:19

रे म प्रार्थना अद्दउ कि तमनले ख्रीष्टको यो प्रेम बुज्ज्या सक, जो मान्सले बुज्ज सक्दइन, ताकि परमेश्वरले तमनलाइ आफ्नो स्वभाबले भरुन।

एफिसी 3:8

म सब परमेश्वरका जन भण्ना कम महत्वपूर्ण छु, तर परमेश्वरले गैर-यहुदिलाइ सुसमाचार प्रचार अददाइ मलाइ अनुग्रह दिया छ। ख्रीष्ट बठेइ हामले पाउन्या आशिस हामले कल्पना अर्या अथवा सोच्या भण्ना बड्ता हुन्छ।