मत्ती 14:3 - डोटेली नयाँ करार

³ क्याकि पइल्ली राजा हेरोदले आफना भाइ फिलिपकि स्वानी हेरोदियासलाइ खुशी पाड्डाइ यूहन्नालाइ पकडीबर झेलमि हाल्या थ्यो।

मत्ती 14:3 ပူးပေါင်းရင်းမြစ်များ

मत्ती 11:2

यूहन्नाले येशू ख्रीष्टका कामको चर्चा झेलमि सुण्यो, रे आफना शिष्यालाइ उनरा वाँ केइ प्रश्न सोद्दाइ पठायो,

मत्ती 14:6

जब हेरोदको जन्म दिन आयो, तब हेरोदियासकि चेलिले तिनरा बिचइनि नाचिबर हेरोदलाइ भौत खुशी बनाइ।

मत्ती 4:12

जब येशूले यूहन्नालाइ पकडीबर झेलमि हाल्या छ भण्न्या सुण्यो तब यहुदिया जिल्ला छाडिबर उन गालील जिल्लामि फर्किबर गया।

मर्कुस 6:14

राजा हेरोदले येशूले अर्या कामको चर्चा सुण्यो, क्याकि भौत मान्स येशूका कामका बारेमि जण्न्थ्या रे और मान्स उनरो कामको चर्चा अद्दाथ्या। कोइ मान्सनले भण्नाथ्या, “यो बप्तिस्मा-दिन्या यूहन्ना हुनु पणन्छ जो मर्या बठेइ जिउना होइरइछन, तबइकिलाइ त यिनले यिसा अचम्मका काम अद्दा छन।”

मर्कुस 6:17

त्यो राजा हेरोद थ्यो जइले आफना भाइ फिलिपकि स्वानी रानी हेरोदियास सित केइ दिन अगाडी ब्या अरिराइथ्यो। रे बप्तिस्मा-दिन्या यूहन्नाले राजा हेरोदलाइ यिसो भणिराइथ्यो, “मोशाको ब्यबस्था अन्सार आफनी भाइकि स्वानिसित ब्या अद्दु तमलाइ ठीक आथिन जबकि दाइ जिउनोइ छ।” तबइकिलाइ रानी हेरोदियासलाइ खुशी पाड्डाइ, राजा हेरोदले यूहन्नालाइ पकडीबर झेलमि हाल्या थ्यो

मर्कुस 6:19

पइलगइ रानी हेरोदियासले बप्तिस्मा दिन्या यूहन्नासित रिस अरन्थी रे तइलाइ माद्द चाहान्थि, तर माद्द सक्या थेइन।

मर्कुस 6:22

जब रानी हेरोदियासकि आफनी चेली भितर आइबर नाच्च पसि, तब तइले राजा हेरोदिया रे उनरा पाउनाइलाइ खुशी बनाइ। पइ राजा हेरोदले तइ केटिलाइ भण्यो, “तुलाइ जी मन लागन्छ त्यो माग रे म तुलाइ दिउलो।”

मर्कुस 8:15

येशूले शिष्यालाइ यिसो भणबर चेताउनी दियो, “तमन फरिसि मान्सन रे राजा हेरोदको खमिर बठेइ साबधान बस।”

लूका 13:1

तसइ बेला ताँ केइ मान्सन थ्या, तिननले येशूलाइ भण्यो, “पिलातस हाकिमले गालील जिल्लाका केइ मान्सनको हत्या अर्याथ्या जब तिनन मन्दिरमि बलिदान अद्दाथ्या।”

लूका 13:31

तसइ बेला कोइ-कोइ फरिसि मान्सन आइबर उनलाइ भण्यो, “याँ बठेइ निकलिबर जा, क्याकि राजा हेरोदले तमलाइ माद्द खोज्जा छ।”

लूका 23:11

राजा हेरोदले आफना सिपाइनसित मिलिबर उनलाइ तिरस्कारपूर्ण ब्यबहार अर्यो, रे उनरो खिसि काट्यो। तइ पछा उनलाइ चहकिलो लत्ता लाइबर पिलातस हाकिमका वाँ पठाइदियो।

लूका 23:7

रे येशू राजा हेरोदले राज्य अर्या जिल्ला बठेइ आया हुन भण्न्या था पाइबर पिलातस हाकिमले उनलाइ राजा हेरोदका वाँ पठाइदियो। तइ बेला हेरोद आफइ लगइ यरुशलेम सहरमि थ्या।

लूका 3:1

रोमी सम्राट तिबेरिअसको सासन कालको पन्नराउ बर्षमि पन्तियस पिलातस यहुदिया जिल्लाका हाकिम थ्या। तइ बेला राजा हेरोद गालील जिल्लामि सासन अद्दाथ्या, तिनरा भाइ फिलिप इतुरिया रे त्राखोनितिसका क्षेत्रमी सासन अद्दाथ्या, रे लुसानियास अबिलेनेका क्षेत्रमी सासन अद्दाथ्या।

लूका 8:3

राजा हेरोदको भणडारे खुजासइकि स्वानी योअन्ना, रे सुसन्ना। यिन स्वानिन रे औरले आफना धनले येशू रे उनरा शिष्याको सेवा अरन्थ्या।

प्रेरित 12:1

तिन दिनमि राजा हेरोदले मण्डलिका केइ मान्सनलाइ सताउन पस्यो।

प्रेरित 4:27

क्याकि भण्या साँच्चि तमनले अभिषेक अर्या, तमरा पबित्र सेवक येशूको बिरोधमी राजा हेरोद रे पन्तियस पिलातस हाकिम दुइ जाना, गैर-यहुदि रे इस्राएल देशका मान्सनसित इसइ सहरमि जम्मा भयाथ्या।