मत्ती 13:19 - डोटेली नयाँ करार

¹⁹ जब कसइले राज्यका बारेमि बचन सुणन्छ रे तइलाइ बुज्जइन त्यो दुष्ट सैतान आउँछ, रे तइका ह्रदयमी जी बोया थ्यो तइ खोसीबर लैजान्छ। बटाइनि बोया बि तेइ हो।

मत्ती 13:19 ပူးပေါင်းရင်းမြစ်များ

मत्ती 12:26

यदि सैतानले भूतलाइ निकालन्छ भण्या, त्यो आफनाइ बिरुद्दमि बिभाजन हुन्छ। तब तइको राज्य कसेरी टिक्द सकन्छ?

मत्ती 13:20

केइ मान्सन ढुङगेनि जमिनमी बोइएका बि जसाइ हुनाहान। उन त्यो जसाइ हुनाहान जो बचन सुणन्जेइ त्यो खुसीसित झट्टइ बचन स्वीकार अरन्छ।

मत्ती 13:38

खेत संसारका मान्सन हुन। असल बि भण्याको राज्यका मान्सन हुन, रे साँउ भण्याको सैतानका मान्सन हुन।

मत्ती 4:23

तइ पछा येशू तिनरा यहुदि सभाघरमी सिकाउनाइ, परमेश्वरको राज्यको सुसमाचार सुणाउनाइ, रे मान्सनमि लाग्या सब किसिमका रोग रे दुर्बलता निका बनाउनाइ सारा गालील जिल्ला भरि घुम्या।

मत्ती 5:37

तमनले भण्या बचन ‘हो’ भण्या ‘हो’ ‘होइन’ भण्या ‘होइन’ हुनु पणन्छ। यिन भण्न्ना बड्ता त सैतान बठेइ आउन्या हो।”

मर्कुस 4:15

जो बि बटाइनि बोइया छ तइको तुलना इसो मान्ससित अरिन्छ जो परमेश्वरको बचन सुणन्छ तब उतन्जेइ सैतान आउँछ, रे तइका ह्रदयमी बोया बचन तइले लैजान्छ।

लूका 10:9

गाउँमी भया रोगीनलाइ निको बना, रे आब ‘परमेश्वरको राज्य तमरा नजिक आइरइछ भणबर प्रचार अर।’

लूका 9:2

येशूले तिननलाइ परमेश्वरको राज्यको प्रचार अद्दाइ रे बिमारी निको पाड्डाइ पठायो।

यूहन्नाले लेख्या सुसमाचार 18:38

पिलातस हाकिमले सोध्यो, “सत्य कि हो?” इसो भणबर उन आजी यहुदि अगुवानका वाँ गया रे भण्यो, “म येइ मान्समि एक लगइ दोस पाउनइन।”

यूहन्नाले लेख्या सुसमाचार 8:43

तमन क्याकि मइले भण्या कुरणी बुज्जानु? क्याकि तमन मेरा भण्या कुरणी स्वीकार अद्द सक्दानउ।

प्रेरित 17:32

जब तिननले मर्या बठेइ जिउना हुन्या बारेमि सुण्यो, तब कसइ-कसइले खिसि काट्यो। तर औरले हाम आजी यइ कुरणी सुण्नाउ भण्यो।

प्रेरित 18:15

तर सब्द, नाउँ रे तमरो आफनोइ कानुनको सवाल भया हुनाले तमन आफइ बिचार अर। म यिसा कुरणीको न्याय अद्दाइ इन्कार अद्दउ।”

प्रेरित 20:25

आब हेर, म जाण्नउ कि तमनमि हइ जइ जइलाइ मइले हरेक ठाउँमि परमेश्वरको राज्यका बारेमि प्रचार अर्या, तमन मलाइ आजी कभइ धेक्द्या होनु।

प्रेरित 28:23

तब यहुदि मान्सनले पावलकि निउति एक दिन तोक्दियो, रे भौत संख्यामि मान्सन तिनरा डेरामि आया। तिनले तिननलाइ परभात बठेइ बसाइतक सम्म परमेश्वरको राज्यका बारेमि शिक्षा दियो, रे मोशाको कानुन रे अगमबक्तानका किताब बठेइ परमेश्वरका राज्यका बारेमि गवाही दियो, पइ येशूका बारेमि सम्जाइबर तिननलाइ बिश्वासमि ल्याउनु खोज्यो।

रोमी 1:28

रे तिननले परमेश्वरको पुरा ज्ञानलाइ स्वीकार अद्द उचित माणइन, क्याकि परमेश्वरले लगइ तिननलाइ त्यो सब अनुचित काम अददाइलाइ तिनरा कुबिचारमी छाडिदियो।

रोमी 14:17

क्याकि परमेश्वरको राज्यमि खान्या रे पिउन्या कुरणी महत्वपूर्ण होइन। महत्वपूर्ण कुरणी परमेश्वरसित धर्मि, सान्ति रे पबित्र आत्मामी आनन्दित भइबर जिउनु हो।

रोमी 2:8

तर स्वार्थि, सत्यलाइ नमाणन्या, रे दुष्ट काम अद्द खोज्ज्यामि परमेश्वरले क्रोध रे रिस धेकाउन्या हुन।

एफिसी 3:8

म सब परमेश्वरका जन भण्ना कम महत्वपूर्ण छु, तर परमेश्वरले गैर-यहुदिलाइ सुसमाचार प्रचार अददाइ मलाइ अनुग्रह दिया छ। ख्रीष्ट बठेइ हामले पाउन्या आशिस हामले कल्पना अर्या अथवा सोच्या भण्ना बड्ता हुन्छ।

२ थेसलोनिकि 2:12

रे परिणाम यो हो कि, तिन सब जो पाप अद्या मन अददाहान रे येशू ख्रीष्टका बारेमिको सत्य सन्देशमि बिश्वास अद्दाइन्न, तिनन परमेश्वर बठेइ दोषि गणिन्या हुन।

हिब्रु 2:1

तबइकिलाइ हामले सिक्या कुरणी अददाइ निउति भौत ध्यान दिनु पणन्छ। तइ पछा हाम सत्य बठेइ बहकिबर जान्या आथिन।

१ यूहन्ना 3:12

आदमको चेलो कयिन जसो जन होउ, जो सैतान बठेइ थ्यो। उइले आफना भाइलाइ मार्यो। उइले आफना भाइलाइ क्याकि मार्यो? क्याकि उइका काम दुष्ट थ्या, उइका भाइका काम लगइ परमेश्वरका नजरमि ठीक थ्या।

१ यूहन्ना 5:18

हाम जाण्नाउ कि, परमेश्वरका सन्तानले लगातार पाप अरि राख्दइन, क्याकि परमेश्वरका चेलो, येशूले तइलाइ सुरक्षित राख्दाहान रे सैतानले तइलाइ छुन सक्दइन।

१ यूहन्ना 5:20

हाम जाण्नाउ कि परमेश्वरका चेलो, येशू ख्रीष्ट यइ संसारमी आया छन। रे हामलाइ समज दिया छन, ताकि हाम सत्य परमेश्वरलाइ जाण्न सकउ। हाम सत्य परमेश्वरसित एकतामी छौ क्याकि हाम उनरा चेलो येशू ख्रीष्टसित एकतामी छौ। उन सत्य परमेश्वर हुन रे जइले अनन्त जीवन दिनाहान।