मत्ती 10:41 - डोटेली नयाँ करार

⁴¹ यदि अगमबक्तालाइ परमेश्वरको बचन बोलल्या माणिबर स्वागत अद्द्यालाइ परमेश्वरले अगमबक्तालाइ दिन्या जसोइ इनाम दिन्या हुन, रे धर्मि जनलाइ परमेश्वरको मान्स माणिबर ग्रहण अद्द्यालाइ परमेश्वरले धर्मिलाइ दिन्या जसोइ इनाम दिन्या हुन।

मत्ती 10:41 ပူးပေါင်းရင်းမြစ်များ

मत्ती 16:27

क्याकि म, मान्सको चेलो बाको महिमामि आफना स्वर्गदुतसित आउन्या हो, रे तसइ बेला उइले हरेक मान्सलाइ तइको काम अन्सारको फल दिन्या हो।

मत्ती 25:44

तिननले लगइ इसो भणबर जबाफ दिन्या हुन, “प्रभु कब हामले तमलाइ भोकाएका वाँ तिसाया धेक्या, परदेशी वाँ नाङङाइ बिरामी वाँ झेलमि धेक्या रे तमरो सेवा अरेइन?”

मत्ती 25:45

रे मइले तिननलाइ जबाफ दिन्या हु, “साँच्चि म तमनलाइ भण्नउ, कि जो लगइ तमनले तमरा नाना बिश्वासि भाइलाइ अर्यानु, त्यो तमनले मेरा निउति अर्यानु।

मत्ती 6:1

तइ पछा येशूले इसो भणि राख्यो, “होस अर्या कि तमन मान्सलाइ धेकाउनाइ निका काम जन अर। नतित स्वर्गमि हुन्या तमरा पिता बठेइ तमनले केइलगइ इनाम पाउन्या होनु।

मत्ती 6:18

रे तमरो बर्त बस्या मान्सनले होइन, तर तमनले गोप्यमी अद्द्या काम जाणन्या तमरा पिताले धेकुन, रे सब गोप्य कुरणी जाणन्या तमरा पिताले तमलाइ इनाम दिन्या हुन।”

मत्ती 6:4

तबइकिलाइ तमरो दान गोप्यमी दिय, रे गोप्यमी धेक्द्या तमरा पिताले तमलाइ इनाम दिन्या हुन।”

मत्ती 6:6

तर तमन जइ बेला प्रार्थना अरन्छौ, आफना भितरा कोठामी पस, रे ढोका लाइबर तइ गोप्य ठाउँमि हुन्या तमरा पितालाइ प्रार्थना अर, रे गोप्य ठाउँमि अर्या सब कुरणी धेक्द्या तमरा पिताले तमनलाइ इनाम दिन्या हुन।

मत्ती 7:8

क्याकि जइले मागन्छ तइले पाउछ, जइले खोजन्छ तइले भेट्टाउछ, रे जइले ढोका ढकढक अरन्छ तइकि निउति उगाडिन्छ।

प्रेरित 16:15

जब तइको रे तइका घरका सबको बप्तिस्मा भयो, तब तइले हामलाइ बिन्ति अरि, “यदि तमनले मलाइ प्रभुमि बिश्वास अद्देइ बइनि माणन्छौ भण्या मेरा घर आइबर बस।” रे तइले हामलाइ कर अद्द पसि।

रोमी 16:23

गायस भाइले लगइ अबिबादन पठाइराइछ। म उइका घरमि बस्सउ जाँ मण्डलि जम्मा हुन्छ। इरास्तस, जो सहरको कोषाध्यक्ष हो, रे हामरो भाइ क्वार्टसले तमनलाइ अबिबादन पठाइराइछ।

१ कोरिन्थी 9:17

यदि मइले आफ्नो इच्छाले यो काम अर्या भण्या, मइले इनाम पाउन्या हु। तर यदि मइले आफना इच्छाले अर्या होइन रे परमेश्वरले मलाइ दिया जिम्माका लाग्दा अर्या भण्या मइले केइ इनाम पाउन्या आसा अद्द सक्दइन।

हिब्रु 6:10

परमेश्वर निष्पक्ष छन, उनले तमनले अर्या काम रे और बिश्वासिनलाइ सहयोग अरिबर उनरो निउति धेकाया प्रेम बिस्सद्या आथिन। रे उन सम्जन्या हुन कि तमनले तिननलाइ आजी लगइ सहयोग अददाछौ।

२ यूहन्ना 1:8

तबइकिलाइ तमन होशियार बस, कि तमनलाइ यिन मान्सनले धोका जनदिउन, क्याकि तमनले त्यो गुमाउन्या होइन जो पाउनाइलाइ हामले कडा काम अद्दाछौ, तर परमेश्वरले तमरो सेवाको पुरा इनाम दिन्या हुन।