मत्ती 10:17 - डोटेली नयाँ करार

¹⁷ मान्सन धेकि होस अर्या, क्याकि मान्सन तमलाइ पकड्या हुन रे चौकि लैजान्या हुन, रे तिनरा यहुदि सभाघरमी तमनलाइ कोर्रा लाउन्या हुन।

मत्ती 10:17 ပူးပေါင်းရင်းမြစ်များ

मत्ती 10:18

तमन मेरा निउति हाकिमका रे सासकका अगाडी लैयइन्या हउ तर तिनन गैर-यहुदि मान्सनका बिचमि मेरा बारेमि सु-समाचार प्रचार अद्दया हउ।

मत्ती 20:19

उइलाइ खिसि काट्ट्या हुन, कोर्रा लाउन्या हुन, रे क्रुसमि झुण्न्याउन भणि तिननले उइलाइ गैर-यहुदि मान्सनका हातमि सुम्पिन्या हुन, तर उ तेसरा दिनमि मर्या बठेइ जिउनो होइबर उठन्छ।”

मत्ती 23:34

तबइकिलाइ, हेर, म तमरा वाँ अगमबक्तान, बुद्दिमान मान्सन रे मोशाको कानुन सिकाउन्यावालालाइ पठाउनउ। तिन मध्ये कति जनालाइ तमनले माद्याहउ रे क्रुसमि टाँग्द्या हौ। रे कति जनालाइ आफना यहुदि सभाघरमी कोर्रा हाण्न्याहौ, रे तिननलाइ सहर बठेइ सहर खेद्द्याहौ।

मत्ती 26:59

आब यहुदि मुख्य पुजारिन रे यहुदि महासभाका और सदस्य येशूलाइ माद्दाइ निउति उनरा बिरोधमी साक्षि खोज्जाथ्या।

मत्ती 5:22

तर म तमनलाइ भण्नउ कि जइले लगइ कसइसित रिस अरन्छ, तिननले पंचायतमि दण्ड पाउन्या हुन, रे जइले कसइलाइ काम नलाग्द्या भणन्छ, तिननले यहुदि महासभामि दण्ड पाउन्या हुन। तर जइले कसइलाइ तु मुर्ख भणन्छ, तिननले नरकका आगामी दण्ड पाउन्या हुन।

मर्कुस 13:12

मान्सले आफ्नो भाइन रे बहिनीन सित बिश्वासघात अद्दया हुन, क्याकि उन मेरो शिष्या हुन। बा-इजाले आफ्ना चेला-चेली सित बिश्वासघात अद्दया हुन, चेला-चेली आफ्ना बा-इजाको बिरोध अद्दया हुन रे माद्द लाउन्या हुन।

मर्कुस 13:9

पइ तमन सदाइ होशियार हुनु पणन्छ, क्याकि मान्सन तमलाइ पकड्या हुन रे चौकि लैजान्या हुन रे उनले तमनलाइ यहुदि सभाघरमी मान्सनका बिचमि हाणन्या हुन, क्याकि तमन मेरा शिष्या हौ, तमनलाइ बाध्य गराइन्या छ कि तमनलाइ हाकिमका रे सासकका वाँ लइजान्या हुन, ताकि उन तमरो न्याय अरुन। तइको परिणाम तमन उनरा बिचमि मेरा बारेमि सु-समाचार प्रचार अद्दया हौ

लूका 12:11

जबइ तिननले तमनलाइ यहुदि सभाघर, सासक रे अधिकारीका साम्नेइ ल्याउनेहुन, तब तमनले कसेरी रे कि जबाफ दिनेहउ, याँ कि भण्नेहउ, तइको चिन्ता जन अर्या,

यूहन्नाले लेख्या सुसमाचार 11:47

तब यहुदि मुख्य पुजारि रे फरिसि मान्सनको समुहले यहुदि महासभाका सदस्यलाइ बोलाइबर तिनलाइ भण्यो, “आब हाम कि अददाउ? क्याकि यइ मान्सले त भौत अचम्मका काम अद्दा छ।

यूहन्नाले लेख्या सुसमाचार 16:2

तिननले तमलाइ यहुदि सभाघर बठेइ निकाल्दिन्या हुन। वास्तवमि यिसो समय आउनाछ, जब तमनलाइ हत्या अद्द्याले परमेश्वरको सेवा अद्दउ भणि माणन्छ।

प्रेरित 17:14

तब भाइनले उतन्जेइ पावललाइ समुद्रतिर पठाइदियो। तर सिलास रे तिमोथी ताँइ बेरिया गाउँमी बस्या।

प्रेरित 22:19

“मइले भण्या, ‘प्रभु, मइले बुजेनकि यरुशलेम सहरमि यहुदि मान्सनले ममि बिश्वास क्याइ अरेइन, क्याकि मइले हरेक यहुदि सभाघरमी गइबर तममि बिश्वास अद्द्यालाइ झेल हाल्या रे हाण्या, यिन सबइलाइ थाइछ।

प्रेरित 26:11

पइ सब यहुदि सभाघरमी तिननलाइ बेर बेरि सजाय दिइबर तिनरो बिश्वास छुटाउन्या रे तिननलाइ येशूको निन्दा अद्द्या बनाउनाइ कोशिस अर्याथ्या। तिनरा बिरोधमी रिसले मात्तिबर और सहरमि लगइ मइले तिननलाइ सताया।”

प्रेरित 9:2

रे दमस्कस सहरका यहुदि सभाघरका शासकनलाइ मेरो परिचय दिनाइ चिठ्ठी लेखिदिय भणि बिन्ति अर्यो। रे येशूका पछा लाग्द्या दुएइ बैकान रे स्वानिनलाइ खोजीबर यरुशलेम सहरमि बादिबर ल्याउन पाउ भणबर अधिकार माग्यो।

फिलिप्पी 3:2

तिन मान्सन बठेइ होस अर्या जइले कुकुरका जसो ब्यबहार अददाहान, जइले ननिका काम अददाहान। तिन मान्सन बठेइ होस अर्या जइले भण्नाहान कि उद्दार पाउनाइलाइ खतना भया हुनु पणन्छ।

२ तिमोथी 4:15

तु तइ बठेइ आफइ होशियार बस, क्याकि तइले ख्रीष्टका बारेमि हामरो शिक्षाको भौत बिरोध अर्यो।

हिब्रु 11:36

केइ मान्सनले गिल्ला सनु पण्यो, कोर्रा खानु पण्यो रे बाँधिबर कैदी हुनुपण्यो।