मत्ती 1:18 - डोटेली नयाँ करार

¹⁸ येशू ख्रीष्टको जन्म हुनाहइ पइल्ली यिसो भयाथ्यो। उनरी इजा मरियम सित योसेफकि मगनि भइरइथ्यो। उनरो ब्या हुनाहइ पइल्ली मरियम पबित्र आत्माको सक्ति बठेइ कुमारिकन्या छनजेइ बालक पाउनेइ भइन।

मत्ती 1:18 ပူးပေါင်းရင်းမြစ်များ

मत्ती 1:1

येशू ख्रीष्टका पुर्खेउलीको नाउँको सुचि यो हो। उन राजा दाउदका बंस हुन, रे राजा दाउद अब्राहामका बंस हुन।

मत्ती 12:46

येशू भिडसित बोलन्ज्या उनरी इजा रे भाइन बाइर आयाथ्या रे उनसित कुरणी अद्द चाहान्थ्या।

मत्ती 2:11

पइ घर भितर पसिबर तिननले बालकलाइ उनरी इजा मरियम सित धेक्यो, रे घोप्टिबर उनलाइ आराधना अर्यो। तब आफना थैला खोलिबर उनलाइ सुन, बास आउन्या धुप रे मुर्र भणिन्या बास आउन्या तेल भेटी चडायो।

लूका 1:25

रे एलीशिबाले भण्यो, “प्रभुले मलाइ यो निको काम अर्याछ। उनले आफ्नो अनुग्रह ममि धेकाइराइछ। रे मान्सका अगाडी भया मेरो कलंक हटाइराइछ।”

लूका 2:5

नाउँ दर्ता अराउनाइकिलाइ तिन आफसित मगनि भयकि मरियमलाइ संङ लइजाइबर गया, जो गर्भवती भएइ थिइ।

हिब्रु 10:5

तबइकिलाइ संसारमी आउन्ज्या ख्रीष्टले आफना पितालाइ भण्यो, मान्सन बठेइ तमले बलि रे भेटी खोज्यानु, तर तमले मलाइ एक शरीर दियाछौ।

हिब्रु 7:26

येशू हामलाइ चाइयाको यहुदि प्रधान पुजारिका राजा हुन। उन पबित्र, निर्दोष, सुद्द रे परमेश्वरले उनलाइ पापी मान्सन बठेइ छुटाइबर सब भण्ना मल्तिर स्वर्गमि बसायो।