लूका 8:47 - डोटेली नयाँ करार

⁴⁷ आब आफ लुकीबर बस्स नसक्द्या कुरणी था पाइबर त्यो आइमाइ डराइबर काम्दा-काम्दा येशूका वाँ आइ रे घोप्टो पडिबर उइले उनलाइ छोयो, रे कसेरी उतन्जेइ निको भयो, त्यो सब मान्सका साम्नेइ भणिदियो।

डोटेलि

⁴⁷ तइ स्‍वानिले आब मु लुक्‍दु सक्‍दइन्‌ भन्‍या जानिबर डरले काम्‍दि आइ रे उनरा खुट्‌टामि पणि। तइले उनलाइ छोइबर निकि भएइ कुरडि सप्‍पइका आगाडि भुन्‍यो।

लूका 8:47 ပူးပေါင်းရင်းမြစ်များ

मत्ती 28:8

तइ पछा तिनन डर रे भौत आनन्दसित झट्ट चिहान बठेइ निकलिबर गया, रे उनरा शिष्यालाइ खबर दिनाइ दकुड्या।

मर्कुस 5:33

तर त्यो आइमाइले येशूको निको अद्याया सक्तिले आफ निको भयको था पाइ। रे डराइबर काम्दा-काम्दाइ येशूका वाँ आइ रे घोप्टो पडिबर उइले अर्या रे उइसित भया कुरणी भणि।

लूका 8:46

तर येशूले भण्यो, “कसइले मलाइ छोयइ हो, क्याकि निको अद्याया सक्ति म बठेइ निकलिबर गया मइले था पाया हु।”

लूका 8:48

उनले तइलाइ भण्यो, “चेली, साहस अर, तेरा बिश्वासले तुलाइ निको बनाइराइछ, सान्ति सित जा।”

प्रेरित 16:29

तब बत्ति मागिबर झेलको हाकिम दकुडिबर भितर आयो, रे डरले काम्दोइ पावल रे सिलासका अगाडी घोप्टो पड्यो।

१ कोरिन्थी 2:3

म तमरा वाँ दुर्बलतामि रे बडताइ डरले कामीबर आया।

२ कोरिन्थी 7:15

रे जब तीतसले तमन आज्ञाकारी भया कुरणिका बारेमि आजी सोच्चाहान, कि तमनले तिनलाइ कसेरी अधिनता रे ठुलो सम्मानसित स्वागत अर्याथ्यो, तब तिनले तमनलाइ झिक बरता प्रेम अददाहान।

फिलिप्पी 2:12

मेरा प्यारा भाइन, म तमनसित हुन्ज्या तमनले सदाइ आज्ञापालन अर्या छौ। अइल म तमन बठेइ टाडा छु, तमन झिक बड्ता आज्ञाकारी हुनु पणन्छ। तमन हरेकले डराइबर रे कामीबर त्यो काम अददु पणन्छ जो और मान्सकीलाइ ठीक छ, जइलाइ परमेश्वरले बचाया छ।

हिब्रु 12:28

तबइकिलाइ हलाउन नसकिन्या राज्य पायामि हामलाइ धन्यबादी हुन दिय। रे हाम भक्ति रे डरसित परमेश्वरलाइ ग्रहणयोग्य आराधना चढाऔ।