लूका 8:2 - डोटेली नयाँ करार

² कति स्वानी मान्स लगइ उनरा सँङैनि थ्या, जो भूत लाग्या रे रोग बठेइ निका होइरइथ्या। तिनन: मग्दला गाउँकी मरियम, जइ बठेइ सात भूत निकाल्याथ्यो,

डोटेलि

² कतिबइ जनि स्‍वानिन लइ उनसङ थिन्‌, जो भुत आत्‍मा रे रोगबटहइ निकि भयइ थिन्‌। तिनुन मध्‍ये मरियम मग्‍दलिनि भन्‍नेइ स्‍वानि थिन्‌ जइबटहइ सात भुत निकल्‍याथ्‍या।

लूका 8:2 ပူးပေါင်းရင်းမြစ်များ

मत्ती 4:24

उनरो बारेमि सब सिरिया प्रदेस भरि खबर फैलियो जो गालील जिल्लाको उत्तर तिर पणन्छ, रे बिमारी, जो फरक किसिमका रोग रे पिडाले सताया, भूत लाग्या रे मिर्गी रे लुला भया सबलाइ मान्सले उनरा वाँ लेया। उनले तिनन सबलाइ निका बनायो।

मर्कुस 16:1

बसाइतिक बिश्राम दिन सकिया पछा, मरियम जो मग्दला गाउँकी थी, रे सलोमी रे मरियम जो नानो याकुब योसेफकि इजा थी, तिननले सुगन्धित तेल किन्यो, ताकी आइबर येशूको मर्या सरीरमि घस्न सकुन।

मर्कुस 16:9

येशू मर्या बठेइ जिउना भया पछा बिहानइ हप्ताको पहिलो दिनमि, उन पइल्ली मरियम जो मग्दला गाउँकी थी उनारा वा धेकिया, जइ बठेइ येशूले सात भूतलाइ निकाल्थ्यो

लूका 23:27

मान्सको ठुलो भिड उनरा पछा लाग्यो। तइमि स्वानिन लगइ थिन, जो बिलाप अद्दाइ रे रुन्नाथीन।

लूका 23:49

तर उनरा साथी रे गालील जिल्ला बठेइ उनरा पछा-पछा आउन्या स्वानिन दूरइ कलिबर ताँ भया सब कुरणी हेद्दाथ्या।

लूका 23:55

गालील जिल्ला बठेइ उनसित आउन्या स्वानिन पछा-पछा गइन, रे उनरो लास कसेरी तइ चिहानमि राख्याथ्यो त्यो धेक्यो।

लूका 8:30

येशूले तइलाइ सोध्यो, “तेरो नाउ कि हो?” तइले जबाफ दियो मेरो नाउ “फौज” हो, क्याकि भौत भूत तइमि पसिरइथ्या।

यूहन्नाले लेख्या सुसमाचार 19:25

येशूलाइ क्रुसको नजिकै उनरि इजासित इजाकी बैनि, क्लोपासकि स्वानी मरियम रे मग्दला गाउँकी मरियम कल्लियइ थिन।

प्रेरित 1:14

ताँ और स्वानिन थिन जइले येशूलाइ सायता अर्याथ्यो, रे येशूकी इजा मरियम पइ येशूका भाइनसित छान्या शिष्या सब एक मनका होइबर लागातार प्रार्थना अरिराखन्थ्या।